Jo 16:10 - BIBLIA - traduson antigu in Krioulo

¹⁰ Jinti yabri boka pa fasin trosa, e dan bofotada ku disprezu, e junta tudu kontra mi.

Jo 16:10 ပူးပေါင်းရင်းမြစ်များ

1 Reis 22:24

Zedekias, fiju di Kenaaná, i ciga lungu di Mikaias, i dal bofotada, i puntal: “Kal kamiñu ku Spiritu di SIÑOR bai nel oca ki sai na mi pa bai papia ku bo?”

2 Kronikas 18:23

Zedekias, fiju di Kenaaná, i ciga lungu di Mikaias, i dal bofotada, i puntal: “Pa kal kamiñu ku Spiritu di Deus pasa, oca ki sai na mi pa bai papia ku bo?”

Jo 16:11

Deus ntregan na mon di jinti mau, i pun pa N kai na mon di kilis ku ka mporta ku Deus.

Jo 30:12

Na ladu direita, manga di rapas junta pa ataka, e pincan, e purpara pa bin kaba ku mi.

Salmus 22:13

E yabri boka kontra mi, suma lion ku na pupa, i sapa-sapa kil ki paña.

Salmus 22:14

Ña forsa na darmadu suma yagu; ña os tudu disloka. Ña korson torna suma sera ku ribi dentru di mi.

Salmus 3:7

SIÑOR ña Deus, lanta, bu salban! Pabia bu sukia tudu ña inimigus, bu kebra dintis di jinti mau.

Salmus 35:15

Ma, oca ku N da tapada, e junta, tudu kontenti; Omis ku ka bali e junta kontra mi sin N ka nota; e molostan sin diskansu.

Salmus 35:21

E ta yabri boka e grita kontra mi, e fala: “Yo! Yo! No ojal ku no uju!”

Salmus 56:6

E ta junta, e sukundi, e montia kau ku N na bai; e pera ora pa matan.

Salmus 94:21

Juisis kuruptu ta junta kontra justus, e kondena kilis ku ka ten kulpa, pa e muri.

Isaias 50:6

N da ña kosta pa kilis ku na sutan; N ntrega ña rostu pa kilis ku na rinkan kabelu. N ka sukundi ña rostu di kilis ku na koban mal, e na kuspin.

Miskiñu di Jeremias 2:16

Tudu bu inimigus na yabri boka kontra bo, e na subia, e ñeme dinti, e fala: “No ngulil! Es i dia ku no na peraba; no sta inda di vida pa ojal!”

Miskiñu di Jeremias 3:30

I dibi di da si rostu pa algin ku na dal bofotada; pa i nguenta tudu maltratu.

Mikeias 5:1

Prasa di Jerusalen, junta bu tropas, pabia e tajanu; e na bin suta ŝef di Israel na kara ku manduku.

Mateus 26:67

Ki ora e kuspil na rostu, e dal suku; utrus dal bofotada,

Bon Noba di Jesus Kristu ku Jon 18:22

Oca ku Jesus papia e kusa, un guarda ku staba la dal bofotada, i puntal: “I asin ku bu ta ruspundi ŝef di saserdotis?”

Atus 23:2

Ŝef di saserdotis, Ananias, manda kilis ku staba pertu del pa e dal na boka.

Atus 4:27

“Na bardadi Erodis ku Ponsiu Pilatus, ku jintius ku pobu di Israel, e junta ne prasa kontra bu santu servu Jesus, kil ku bu unji.

2 Koríntius 11:20

Kualker algin ku na forsija bos, ku na kume bos, ku na paña bos, ku ta yalsa ombra riba di bos, ku na bofotia bos, bo ta nguental.