Jo 12:25 - BIBLIA - traduson antigu in Krioulo

²⁵ E na yanda, e na palpa na sukuru, sin klaridadi. I ta pui elis e singa-singa suma camidur.

Jo 12:25 ပူးပေါင်းရင်းမြစ်များ

Kumsada 19:11

E pui ki omis ku staba na porta pa e bida segu, desdi mininu te garandi, di manera ke kansa pa oja nunde ku porta sta nel.

Jo 18:6

Lus na bida sukuru na si tendas; kanderu ku sta lungu del na paga.

Jo 5:14

Sukuru ta bin riba delis di dia; me-dia e ta palpa suma di noti.

Salmus 107:27

E yanda, e singa-singa suma camiduris; se jitu ka bali elis nada.

Isaias 19:14

SIÑOR darma na se metadi un spiritu di tontura. E pui jinti di Ejitu na kunfuson na tudu ke na fasi, suma algin ku cami ku na da volta na si ramasadura.

Isaias 24:20

Mundu na singa-singa suma algin ku cami, i na balansa suma baraka na bentu. Si pekadu na pesa riba del; i na kai; nunka mas i ka na lanta.

Isaias 59:10

No ta palpa paredis suma segus; sin, no ta yanda no palpa suma kilis ku ka tene uju; no ta da tapada me-dia suma na fuska-fuska. Na metadi di jinti forti no sta suma jinti ku muri.

Atus 13:11

Asin, mon di Siñor sta kontra bo. Bu na fika segu; bu ka na oja lus di sol pa un tempu.” Na ki ora si uju funguli; i kai un garandi sukuru riba del. I na yanda i na da volta pa buska kin ku pudi pegal na mon pa lebal.

Ripitison di Lei 28:29

Bu na palpa-palpa di dia suma segu ku na palpa na sukuru; nada ka na kuriu diritu; bu na kalkadu tudu dia; jinti na furta bu kusas; i ka na ten kin ku na librau.

1 Jon 2:11

ma kil ku nfastia si ermon i sta na sukuru; i na yanda na sukuru; i ka sibi nunde ki na bai, pabia sukuru segal uju.