Jo 12:23 - BIBLIA - traduson antigu in Krioulo

²³ I ta garandisi nasons, i pui elis pirdi. I ta pajiga elis, i torna junta elis.

Jo 12:23 ပူးပေါင်းရင်းမြစ်များ

Salmus 107:38

I bensua elis tok e buri ciu; i ka disa se limarias pa e menusa.

Salmus 107:39

Ma ki jinti bin kalkadu, e pasa mal, e fika tristi; e ku manda e menusa, e fika umilyadu.

Saida 1:20

Asin ku pobu bin aumenta, e torna forti dimas. Deus fasi bondadi pa ki parteras,

Saida 1:7

fijus di Israel padi, e buri tok e ciu dimas; e torna forti, tok e inci tera.

Isaias 26:15

Bu buri e pobu, SIÑOR; bu buri elis, bu ngaña gloria. Bu ciganta tudu fronteras pa tera fika mas largu.

Isaias 27:6

Tempu na bin ku Israel, ku sedu jorson di Jakó, i na larga rais suma arvuri, i na tene botons ku floris, tok i inci mundu ku si fruta.

Isaias 51:2

Bo pensa na Abraon, bo pape, ku Sara ku padi bos, pabia, oca ku N comal, i staba el son, ma N bin bensual, N pui si jorson pa i ciu.

Isaias 60:22

Kilis ku sedu mas puku e na sedu mil; nason mas pikininu na torna forti. Na si tempu N na fasi e kusa kinti-kinti, ami ku sedu SIÑOR.”

Isaias 9:3

Bu buri e pobu; bu torna buri elis kontentamentu. E kontenti bu dianti suma jinti ku kontenti na kebur, o na ora ke na rapati rikesa ke ngaña na gera,

Jeremias 30:19

Jinti na kanta pa ngaba Deus, e na mostra se kontentamentu. N na buri elis; e ka na menusadu. N na da elis rispitu; e ka na njutidu.

Jeremias 33:22

Suma ku strelas di seu ka pudi kontadu, nin pa midi reia na mar, asin ku N na buri jorson di ña servu Davi ku jorson di levitas ku ta tarbaja ña dianti, tok e ka na pudi kontadu.”

Zakarias 10:8

“N na subia pa coma elis, N na junta elis, pabia N kaplinti elis. E na bin ciu suma ke seduba.

Atus 17:26

I kumpu un omi ku tudu rasas bin sai nel, pa e mora na tudu parti di mundu. I jumna marka elis tempu ku lugar nunde ke na mora.