Jo 12:22 - BIBLIA - traduson antigu in Krioulo

²² I ta mostra kusas fundu na sukuru; i tisi sombra di mortu pa klaridadi.

Jo 12:22 ပူးပေါင်းရင်းမြစ်များ

2 Reis 6:12

Un di si ŝefis ruspundi i falal: “Nin un di nos, Ñu Rei, ma ki anunsiadur Eliseu ku sta na Israel i ta konta rei di Israel palabras ku bu ta fala na bu kuartu di durmi.”

Jo 11:6

pa i fasiu sibi sigridus di jiresa, ku pudu na pratika na manga di manera. Bu dibi di sibi kuma Deus na kastigau menus di ki kil ku bu pekadu mersi.

Jo 24:17

Pa elis tudu, parmaña i suma sombra di mortu, ma e ta fasi kamaradia ku kusas meduñu di di noti.

Jo 3:5

Pa i sedu un dia di sukuru ku sombra di mortu; pa nuvens sinta riba del, sukuru meduñu pa i toma konta del.

Jo 34:22

I ka ten kau sukuru, pa mas sukuru ki sedu, nunde ku kilis ku fasi mal pudi sukundi.

Salmus 139:11

Si N fala: “Sin duvida sukuru na kubrin; lus na bida noti na ña volta,”

Salmus 139:12

te sukuru ka na sukundin di bo, ma di noti na numia suma di dia; sukuru ku lus pa bo i mesmu.

Salmus 44:21

sertamenti Deus na sibilba, suma i kunsi sigridus di korson.

Daniel 2:22

El i ta mostra kusas fundu o sukundidu; i sibi ke ku sta na sukuru; lus ta sta ku el.

Amos 5:8

Bo buska kil ku kumpu Seti-strela ku Orion, kil ku ta bidanta sombra di noti pa i sedu parmaña; i pui di dia pa i bida sukuru, suma di noti. I ta coma yagu di mar, i darmal riba di tera. SIÑOR i si nomi.

Mateus 10:26

“Asin, ka bo ten medu delis, pabia i ka ten nada kubridu ku ka na bin diskubridu, nin sukundidu ku ka na bin sibidu.

Lukas 1:79

pa numia kilis ku sinta na sukuru, na sombra di mortu, pa gia no pe na kamiñu di pas.”

1 Koríntius 2:10

Deus pui si Spiritu pa mostranu ki kusas, pabia Spiritu ta garbata tudu kusas, te na fundura di Deus.

1 Koríntius 4:5

Asin, ka bo julga antis di ora. Bo pera tok Siñor bin. I na pui na lus kusa ku sukundidu na sukuru. I na mostra kalkulus ku sta dentru di jinti. Dipus, Deus ta ngaba kada kin suma ki mersi.