Jo 12:10 - BIBLIA - traduson antigu in Krioulo

¹⁰ Vida di tudu kriatura bibu sta na si mon, ku folgu di tudu omi.

Jo 12:10 ပူးပေါင်းရင်းမြစ်များ

Kumsada 2:7

SIÑOR Deus bin kumpu omi ku reia di con, i supral na si naris, i da folgu di vida. Omi bin sedu kriatura bibu.

Kumsada 6:17

N na manda diluviu di yagu riba di tera, pa kaba ku tudu kriaturas bas di seu ku tene folgu di vida. Tudu ku sta na tera na muri,

Jo 27:3

kuma, nkuantu N tene vida, ku folgu di Deus na naris,

Jo 27:8

Kal ki speransa ku algin ku ka mporta ku Deus pudi ten ora ku Deus kaba ku si vida?

Jo 33:4

I Spiritu di Deus ku kumpun, Deus ku ten tudu puder supran, i dan vida.

Salmus 104:29

Si bu sukundi bu rostu, e ta tarpaja. Si bu korta elis folgu, e ta muri, e riba pa reia.

Salmus 104:30

Si bu pui folgu nelis, e ta tene vida; bu ta da nobu vida na tera.

Eklesiastis 9:1

Asin N bin pensa diritu na tudu e kusas, pa N pudi ntindil klaru; N oja kuma justu ku jiru, ku kusas ke ta fasi, e sta na mon di Deus, ma omi ka sibi si i amor o si i odiu ku na peral. Tudu sta sukundidu na futuru.

Isaias 42:5

Deus kumpu seu, i distindil; i forma tera ku tudu ku ta sai nel; i ta da folgu ku vida pa pobu ku ta yanda nel. El Deus, SIÑOR, i fala:

Isaias 57:16

N ka na ba ta keŝa di bo sempri, nin N ka na fika ku raiba tudu ora, pabia, si i asin, spiritu, ku sedu folgu di omi ku N kumpu, i na dismaja.

Daniel 5:23

Bu lanta kontra SIÑOR di seu, bu manda tisi kopus di si kasa; abo ku bu fidalgus, bu minjeris ku kumadris, bo bibi biñu nelis. Fora di kila, bo ngaba deusis di prata, uru, kobri, feru, madera ku pedra, ku ka ta oja, nin e ka ta obi, nin e ka ta ntindi, ma bu ka da gloria pa Deus ku tene bu vida ku tudu bu kamiñus na si mon.

Numerus 16:22

Moisés ku Aron e mpina se rostu pa con, e fala: “O Deus, Deus ku sedu fonti di vida di tudu jinti! Si un omi peka, bu na paña raiba di tudu e pobu?”

Bon Noba di Jesus Kristu ku Jon 3:6

Na kurpu algin ta padidu na si papes; spiritualmenti i ta padidu na Spiritu di Deus.

Atus 17:25

Mon di omi tambi i ka ta sirbil, suma kin ku misti kualker kusa, pabia el propi i ta da tudu jinti vida ku folgu ku tudu kusa.

Atus 17:28

pabia i nel ku no na vivi, no na bulbuli; i nel tambi ku no sedu. I suma ku utru di bo poetas fala: ‘No sedu tambi si fijus.’