Jo 11:8 - BIBLIA - traduson antigu in Krioulo

⁸ Si jiresa i altu suma seu; ke ku bu pudi fasi? I mas fundu di ki mundu di mortus; ke ku bu pudi sibi?

Jo 11:8 ပူးပေါင်းရင်းမြစ်များ

2 Kronikas 6:18

“Na bardadi, Deus pudi mora ku omis li na tera me? Seu propi, nin ki seu mas altu, i ka ciga pa bu kibi la, ku fadi e kasa ku N kumpu!

Jo 11:9

I mas kumpridu di ki mundu, mas largu di ki mar.

Jo 22:12

“Deus sta la riba na seu; i ta jubi pa strelas bas del, kontudu, pa nos, strelas i altu.

Jo 26:6

Mundu di mortus sta nun si dianti, i ka kubridu.

Jo 35:5

Yalsa uju pa riba, bu jubi pa seu; jubi diritu pa ki nuvens altu ku sta riba di bo.

Jo 37:23

Deus ku ten tudu puder, no ka pudi yangasal. El i garandi na puder; i ka ta kalka ningin na si justisa; i ta fasi tudu diritu.

Jo 38:17

Algin mostrau portas di sombra di mortu?

Jo 7:9

Suma ku nuven ta disparsi i bai, asin ku difuntu ku ta bai pa koba i ka ta riba.

Salmus 103:11

Suma ku seu sta muitu altu, lunju di tera, asin ku si bondadi i garandi pa kilis ku rispital.

Salmus 148:13

pa e ngaba nomi di SIÑOR, pabia si nomi sta riba, el son; si gloria sta riba di tera ku seu.

Salmus 36:6

Bu retidon i suma garandi montañas; bu julgamentu i suma mar fundu. SIÑOR, bu ta guarda omis ku limarias.

Ditus 30:4

Kin ku subi na seu, i ria? Kin ku paña bentu na si mon? Kin ku mara yagu na si ropa? Kin ku kumpu fronteras di mundu? Kal ki si nomi ku nomi di si fiju? Kontan, si bu sibi!

Isaias 55:9

Manera ku seu sta mas altu di ki tera, asin ku ña kamiñu i mas altu di ki di bos; ña pensamentus tambi, asin ki mas altu di ki di bos.

Amos 9:2

Nin si e koba tok e ciga na mundu di mortu, ña mon na tira elis la. Si e subi pa seu, N na rianta elis la.