Jo 11:19 - BIBLIA - traduson antigu in Krioulo

¹⁹ Bu na dita, ningin ka na pantandau. Manga di jinti na bin buska bu ajuda.

Jo 11:19 ပူးပေါင်းရင်းမြစ်များ

2 Kronikas 20:30

Asin renu di Jeosafá fika susegadu; si Deus dal diskansu na tudu ladu.

Jo 11:18

Bu na sta suguru, pabia speransa na ten. Bu na jubi na bu roda, bu na diskansa suguru.

Salmus 127:2

I ka bali pena mandurga, bu dita tardi, bu tarbaja ciu pa oja kumida, pabia i ta dal pa kilis ki ama, nkuantu e na durmi.

Salmus 4:8

N na dita, N durmi ku pas, pabia i abo son, SIÑOR, ku fasin pa N mora suguru.

Salmus 45:12

Pobu di Tiru na tisiu pursentis; omis riku na tenta ngaña bu fabur.

Ditus 19:6

Manga di jinti ta bari paja na ŝef; kada kin i amigu di kil ku ta pati kusas.

Ditus 3:24

Ora ku bu dita, bu ka na ten medu; sin, bu na dita, bu na tene sonu sabi.

Isaias 17:2

Prasas di Aroer na bandonadu, e na disadu pa karnelis ku na dita la sin ningin ku na pantanda elis.

Isaias 45:14

SIÑOR fala Israel: “Rikesa di Ejitu ku lukru di jilas di Etiopia na sedu di bo; ki omis altu di Seba na bin sedu bu katibus. E na pega bu tras, maradu ku korenti; e na mpina bu dianti pa rogau, e fala: ‘Na bardadi Deus sta na bo metadi; i ka ten mas utru deus fora del!’ ”

Isaias 60:14

Fijus di kilis ku kalkau na bin pa bo, e na mpina; tudu kilis ku njutiuba na mborka dianti di bu pe, e na comau Prasa di SIÑOR, Sion di Deus Santu di Israel.

Ezekiel 34:28

Nasons ka na furta elis mas, nin limarias brabu ka na kume elis. E na mora suguru; i ka na ten ningin ku na pantanda elis.

Sirmonias 26:6

“N na da pas na tera; bo na dita; ningin ka na pantanda bos. N na tira limarias brabu na tera; gera ka na pasa mas na bo con.

Mikeias 4:4

Kada un na sinta bas di si pe di uva, o bas di si figera; i ka na ten kin ku na pantanda elis, pabia i SIÑOR ku ten tudu puder ku fala.

Sofonias 3:13

Kilis ku sobra di pobu di Israel e ka na fasi mal, nin e ka na konta mintida; nganu ka na ojadu na se boka. E na tene kusa di kume, e na dita; ningin ka na pantanda elis.”

Apokalipsi 3:9

Jubi, kilis ki di kasa di juntamentu di Satanas, ku na konta mintida, e fala kuma elis i judeus ma e ka sedu, N na pui elis pa e bin, e mborka bu dianti; e ta sibi kuma N amau.