Bon Noba di Jesus Kristu ku Jon 9:22 - BIBLIA - traduson antigu in Krioulo

²² Si pape ku si mame fala e kusas pabia e tenba medu di ŝefis di judeu, pabia ŝefis rumaba ja kuma, si algin diklara kuma Jesus i Mesias, i ta tujidu yentra na kasa di juntamentu.

Bon Noba di Jesus Kristu ku Jon 9:22 ပူးပေါင်းရင်းမြစ်များ

Ditus 29:25

Medu ku algin ten pa omi i na sedu si armadilia, ma kin ku fiansa na SIÑOR i sta suguru.

Isaias 51:12

“I ami, ami propi ku ta konsola bos. Ke ku manda bu na medi omi ku ta muri, o fiju di omi ku fraku suma paja?

Isaias 51:7

“Bo sukutan, abos ku ta rapara bon kusas, ku tene ña lei na bo korson. Ka bo medi trosa ku omis ta fasi bos, nin ka bo ŝatia si e koba bos,

Isaias 57:11

SIÑOR punta: “Kin ku bu panta del, o bu medi, tok bu sedu falsu pa mi, bu ka lembra di mi, nin bu ka pun na bu korson? Nta i ka pabia N kala disna di manga di tempu ku manda bu ka rispitan?

Lukas 6:22

“Abos i sortiadu ora ku jinti nfastia bos pabia di Fiju di omi, e serka bos na se metadi, e koba bos, e nega bos, e fala kuma bo mau.

Bon Noba di Jesus Kristu ku Jon 1:19

Es i tustumuñu di Jon, oca ku ŝefis di judeus di Jerusalen manda saserdotis ku levitas pa e puntal kin ki el.

Bon Noba di Jesus Kristu ku Jon 16:2

E na serka bos di kasas di juntamentu; i na ciga un dia ku kualker ku mata bos i na kuda kuma i fasi tarbaju pa Deus.

Bon Noba di Jesus Kristu ku Jon 19:38

Dipus de kusa, José di Arimateia, ku seduba disipulu di Jesus, ma sukundidu pabia i mediba judeus, i pidi Pilatus pa otrizal pa i tira kurpu di Jesus. Pilatus seta. José bai, i tira kurpu.

Bon Noba di Jesus Kristu ku Jon 20:19

Na ki mesmu purmeru dia di semana, di tardi, disipulus juntaba na un kau ku portas ficadu, ku medu di ŝefis di judeu. Jesus parsi na se metadi, i fala elis: “Pas ta sta ku bos.”

Bon Noba di Jesus Kristu ku Jon 7:13

Mesmu asin ningin ka fala klaru aserka del, pabia e tenba medu di judeus.

Bon Noba di Jesus Kristu ku Jon 9:18

Ŝefis di judeus ka fia kuma ki omi i segu ba, ma gosi i na oja, tementi e ka coma si mame ku si pape.

Bon Noba di Jesus Kristu ku Jon 9:21

ma no ka sibi kuma ki yanda i na oja gosi, o kin ku kural uju no ka sibi. El i garandi. Bo puntal; el propi i ta konta bos.”

Bon Noba di Jesus Kristu ku Jon 9:34

Ŝefis di judeu ruspundil: “Abo bu padidu na pekadu, bu misti gora nsinanu?” E serkal na kasa di juntamentu.

Bon Noba di Jesus Kristu ku Jon 9:35

Jesus obi kuma e serkal. Oca i kontra ku el i puntal: “Bu seta Fiju di omi?”

Atus 4:18

E coma elis, e da elis ordi pa ka e torna fala mas, nin pa ka e nsina jinti na nomi di Jesus.

Atus 5:13

Kin ku ka seduba krenti ka ta osaba junta ku elis, ma tudu jinti ta falaba ben delis.

Atus 5:40

E seta konsiju di Gamaliel, e coma apostolus, e manda suta elis; e da elis ordi pa ka e fala mas na nomi di Jesus. Dipus e largadu.

Apokalipsi 21:8

Ma pa kilis ku kobardu, ku kilis ki ka fiel, ku jinti di vida susu, ku mataduris, kaiduris di cai, botaduris di sorti, kilis ku ta adora idulus, ku tudu munturusis, se lugar i na sedu na lagua ku na yardi ku fugu ku nŝofri; i el ki sugundu mortu.”