Bon Noba di Jesus Kristu ku Jon 8:58 - BIBLIA - traduson antigu in Krioulo

⁵⁸ Jesus fala elis: “N na konta bos bardadi, antis di Abraon padidu, ami N sedu.”

Bon Noba di Jesus Kristu ku Jon 8:58 ပူးပေါင်းရင်းမြစ်များ

Saida 3:14

Deus fala Moisés: “AMI N SEDU KIL KU N SEDU. Asin ku bu na fala fijus di Israel: ‘AMI N SEDU ku mandan pa bos.’ ”

Isaias 43:13

Sin, antis di sol ten, N seduba ja. Kil ku N pega na ña mon, ningin ka pudi tiran el. Si N fasi un kusa, kin ku pudi disfasil?”

Isaias 44:6

Asin ku SIÑOR, Rei di Israel, si Libertadur, SIÑOR ku ten tudu puder, fala: “Ami i purmeru ku ultimu; fora di mi i ka ten mas utru Deus.

Isaias 44:8

Ka bo panta nin ka bo medi. Nta N ka jumna N konta bos e kusas disna di tempus antigu? Abos propi i ña tustumuñas. Nta i ten utru Deus fora di mi? Nau, N ka kunsi nin utru Roca.”

Isaias 46:9

Bo lembra di kusas ku pasa disna di tempu antigu; bo lembra kuma ami i Deus; i ka ten utru Deus suma mi.

Isaias 48:12

“O Jakó, sukutan; abo, Israel, ku N coma. Ami i ki un son son; N sedu purmeru, N sedu tambi ultimu.

Isaias 9:6

Un mininu padidu ja pa nos; no dadu un fiju. Puder di guberna sta riba di si ombras; si nomi na comadu Maravilyosu, Konsijadur, Deus Forti, Pape di Iternidadi, Rei di Pas.

Mikeias 5:2

SIÑOR fala: “Abo, Belen Efrata, nin ku bu sedu pikininu na metadi di milyaris di Judá, na bo ki na bin sai pa mi kil ku na sedu ŝef na Israel, ku si kumsada sedu disna di tempus mas antigu ku pasa.”

Bon Noba di Jesus Kristu ku Jon 10:25

Jesus ruspundi elis: “N konta ja bos; bo ka fia. Kusas ku N fasi na nomi di ña Pape ta testifika di mi,

Bon Noba di Jesus Kristu ku Jon 17:24

Pape, kilis ku bu dan, N misti pa e sta juntu ku mi na kau ku N sta nel, pa e oja ña gloria ku bu dan, pabia bu aman antis di mundu kumpudu.

Bon Noba di Jesus Kristu ku Jon 17:5

Pape, glorifikan juntu di bo propi ku ki gloria ku N teneba ku bo antis di mundu sedu.

Bon Noba di Jesus Kristu ku Jon 8:24

E ku manda N fala bos kuma bo na muri na bo pekadu, pabia si bo ka fia kuma N sedu kil ku N sedu, bo ta muri na bo pekadu.”

Bon Noba di Jesus Kristu ku Jon 8:28

E ku manda Jesus fala elis: “Ora ku bo lantanda Fiju di omi, bo ta sibi kuma N sedu kil ku N sedu, kuma N ka ta fasi nada di mi propi, ma suma ku ña Pape ta nsinan, asin ku N ta fala.

Bon Noba di Jesus Kristu ku Jon 8:34

Jesus ruspundi elis: “N na konta bos bardadi, tudu kil ku ta fasi pekadu i katibu di pekadu.

Bon Noba di Jesus Kristu ku Jon 8:51

N na konta bos bardadi, kin ku obdisi ña palabra i ka ta muri.”

Kolosensis 1:17

El i sedu antis di tudu; tudu kusa sta ligadu nel.

Ebreus 13:8

Jesus Kristu i mesmu aonti, ku aos, pa sempri.

Apokalipsi 1:11

ku falan: “Kil ku bu oja, skirbil na un libru, bu mandal pa igreẑas ku sta ne seti lugar, ku sedu: Éfesu, Smirna, Pérgamu, Tiatira, Sardu, Filadélfia ku Laodiseia.”

Apokalipsi 1:8

Siñor fala: “Ami i Alfa ku Omega, ku sedu kumsada ku kabantada, kil ku sedu, ku seduba, ku ten ku bin, ku ten tudu puder.”

Apokalipsi 2:8

“Skirbi pa anju di igreẑa di Smirna, bu falal: ‘Es i palabra di kil ki purmeru, ki ultimu, kil ku matadu, ku torna bibu.