Bon Noba di Jesus Kristu ku Jon 8:55 - BIBLIA - traduson antigu in Krioulo

⁵⁵ Abos bo ka kunsil, ma ami N kunsil. Si N fala kuma N ka kunsil N ta sedu munturus suma bos, ma N kunsil; N ta fasi kil ki ta falan.

Bon Noba di Jesus Kristu ku Jon 8:55 ပူးပေါင်းရင်းမြစ်များ

Jeremias 4:22

Deus fala: “Ña pobu ka ten juisu, e ka kunsin; e sedu fijus ku ka jiru, e ka ta ntindi. E sedu jiru pa fasi mal, ma e ka sibi fasi ben.”

Jeremias 9:3

SIÑOR fala: “E ta pruntia se lingua suma mansasa, pa ferca mintida. I ka ku bondadi ke torna forti na tera, pabia e ta bai di maldadi pa maldadi; e ka mporta ku mi.

Oseias 5:4

Kusas ke na fasi tuji elis riba pa se Deus, pabia spiritu di mau vida sta na se korson; e ka ta rikuñisi SIÑOR.

Mateus 11:27

Ña Pape ntregan tudu kusa. Ningin ka kunsi Fiju si i ka si Pape; ningin ka kunsi Pape si i ka si Fiju, ku kil ku Fiju misti mostral el.

Lukas 10:22

“Ña Pape ntregan tudu kusas. Ningin ka sibi kin ki Fiju si i ka Pape; ningin ka sibi kin ki Pape si i ka Fiju, ku kilis ku Fiju misti mostra elis.”

Bon Noba di Jesus Kristu ku Jon 1:18

Te aos ningin ka oja Deus; si Fiju un son ku sta juntu ku si Pape i pui pa no kunsil.

Bon Noba di Jesus Kristu ku Jon 15:10

Si bo obdisi ña mandamentus, bo ta kontinua na ña amor, di mesmu manera ku N obdisi mandamentus di ña Pape, N kontinua na si amor.

Bon Noba di Jesus Kristu ku Jon 15:21

E na fasi bos tudu e kusas pabia di mi, suma e ka kunsi kil ku mandan.

Bon Noba di Jesus Kristu ku Jon 16:3

E na fasi bos e kusas pabia e ka kunsi ña Pape nin e ka kunsin.

Bon Noba di Jesus Kristu ku Jon 17:25

Pape justu, jinti di mundu ka kunsiu, ma ami N kunsiu; esis e sibi kuma i abo ku mandan.

Bon Noba di Jesus Kristu ku Jon 6:46

I ka suma ku un algin ciga di oja ña Pape, ma kil ku bin di Deus, el son ku ojal.

Bon Noba di Jesus Kristu ku Jon 8:19

E punta Jesus: “Bu Pape, nunde ki sta nel?” Jesus ruspundi elis: “Bo ka kunsin, ku fadi ña Pape; si bo kunsinba, tambi bo na kunsiba ña Pape.”

Bon Noba di Jesus Kristu ku Jon 8:29

Kil ku mandan sta ku mi. I ka disan ami son, pabia N ta fasi sempri kusas ki gosta.”

Bon Noba di Jesus Kristu ku Jon 8:44

Abos, bo pape i diabu; bo misti fasi si vontadi. El i matadur disna di kumsada. Nunka i ka sikidu na bardadi, pabia bardadi ka sta nel. Ora ki na konta mintida, i ta konta di kil ki sedu propi, pabia i munturus; i pape di mintida,

Bon Noba di Jesus Kristu ku Jon 8:51

N na konta bos bardadi, kin ku obdisi ña palabra i ka ta muri.”

Bon Noba di Jesus Kristu ku Jon 8:52

Ŝefis di judeu falal: “Gosi no sibi kuma bu tene dimoniu. Abraon ku anunsiaduris e muri; abo gora bu fala kuma, kin ku obdisi bu palabra, nunka i ka ta muri.

Atus 17:23

Oca N na pasa, N na jubi kusas ku bo ta adora, N oja la tambi un altar ku sta skritu nel: ‘PA DEUS KU KA KUNSIDU’. Es ku bo da rispitu sin bo ka kunsil, el ku N misti konta bos.

2 Koríntius 4:6

Deus, ku fala pa lus lampra na sukuru, i mesmu Deus ku fasi si lus lampra na no korson, pa tisinu kuñisimentu di gloria di Deus ku na lampra na rostu di Jesus Kristu.

1 Jon 1:6

Si no fala kuma no sta ligadu ku el, ma no na yanda na sukuru, no na konta mintida ku no boka, ku no manera di yanda.

1 Jon 2:22

Kin ki munturus si i ka kil ku nega kuma Jesus i Kristu? I el propi ki anti-kristu, kil ku nega Pape ku Fiju.

1 Jon 2:4

Si algin fala kuma i kunsil, ma i ka obdisi si mandamentu, i munturus; bardadi ka sta nel.

1 Jon 5:10

Kin ku fia na Fiju di Deus i tene e tustumuñu dentru del. Kin ku ka fia na Deus, i na comal munturus, pabia i ka fia na tustumuñu ki da di si Fiju.

Apokalipsi 3:9

Jubi, kilis ki di kasa di juntamentu di Satanas, ku na konta mintida, e fala kuma elis i judeus ma e ka sedu, N na pui elis pa e bin, e mborka bu dianti; e ta sibi kuma N amau.