Bon Noba di Jesus Kristu ku Jon 8:34 - BIBLIA - traduson antigu in Krioulo

³⁴ Jesus ruspundi elis: “N na konta bos bardadi, tudu kil ku ta fasi pekadu i katibu di pekadu.

Bon Noba di Jesus Kristu ku Jon 8:34 ပူးပေါင်းရင်းမြစ်များ

1 Reis 21:25

(Nunka i ka tenba ningin suma Akab ku ntrega si kurpu pa fasi mal dianti di SIÑOR, manera ku si minjer Jezabel ta pincalba.

Ditus 5:22

Pekadus di omi mau i si armadilia; i ta pañadu ku kordas di si propi pekadu.

Mateus 5:18

Na bardadi N na konta bos kuma seu ku tera na pasa, ma nin un asentu ka na bin tiradu riba di un letra di lei tementi i ka pudu tudu na pratika.

Bon Noba di Jesus Kristu ku Jon 3:3

Jesus ruspundil: “N na kontau bardadi kuma, kin ku ka padidu utru bias ka pudi oja renu di Deus.”

Atus 8:23

pabia N oja kuma bu korson inci ku kusas malgos; bu sta prezu na pekadu.”

Romanus 6:12

Pekadu ka dibi di manda mas na bo kurpu mortal, pa bo torna sigi si diseẑu mau.

Romanus 6:16

Nta bo ka sibi kuma, ora ku bo ntrega bo kurpu suma katibu pa sirbi algin, bo sedu katibu di kil ku bo na sirbi? Bo sedu katibu di pekadu ku ta leba bos pa mortu, o bo sedu katibu pa obdisi pa fasi bos justu.

Romanus 6:6

No sibi kuma ki algin beju ku staba dentru di nos i krusifikadu ku Kristu, pa naturesa di peka pajigadu, pa ka no kontinua sirbi pekadu.

Romanus 7:14

No sibi kuma lei i spiritual, ma ami i karnal, bindidu suma katibu pa pekadu.

Romanus 7:25

Deus obrigadu pabia di Jesus Kristu no Siñor! Asin, ami propi N ta sirbi lei di Deus ku ña ntindimentu, ma N ta sirbi lei di pekadu ku ña naturesa di kurpu.

Romanus 8:21

na speransa di kuma, un dia, e kusas ki kumpu na libradu di katiberasku di podrisa, e na risibi liberdadi gloriosu di fijus di Deus.

Efésius 2:2

Na ki tempu bo na sigiba mau kamiñu di mundu; bo ta obdisiba ŝef ku ta manda riba di puderis spiritual di ar, spiritu ku na manda te gosi na jinti ku ta disobdisi Deus.

Titu 3:3

Purmeru, asin ku no seduba: tulu, disobdienti, eradu, katibus pa tudu koldadi diseẑu mau, ku gozu di mundu. No ta yandaba na malisia ku nveẑa; no odiaduba, no ta odia utru jinti tambi,

2 Pedru 2:19

E fala e na da elis liberdadi, ma elis propi e sedu katibu di visius ku na dana elis, pabia un algin i katibu di kil ku na manda nel.