Bon Noba di Jesus Kristu ku Jon 8:33 - BIBLIA - traduson antigu in Krioulo

³³ E ruspundil: “Anos i jorson di Abraon; nunka no ka sedu katibu di ningin. Kuma ku bu na fala kuma no ta sta libri?”

Bon Noba di Jesus Kristu ku Jon 8:33 ပူးပေါင်းရင်းမြစ်များ

Kumsada 15:13

SIÑOR falal: “Bu pudi sibi sertu kuma bu jorson na bai sedu stranjeru na un tera ki ka di selis. E na sedu katibu, e na kastigadu kuatrusentus anu.

Esdras 9:9

Na bardadi no sedu inda katibus, ma no Deus ka bandonanu na no katiberasku; i pui reis di Persia mostra fabur pa nos, pa no pudi tene vida nobu, no lantanda kasa di no Deus ku staba tudu danadu, pa no tene paredi pa fika suguru na Judá ku Jerusalen.

Sirmonias 25:42

Pobu di Israel ka pudi bindidu suma katibu, pabia e sedu ña servus ku N tira na Ejitu.

Mateus 3:9

Ka bo ba ta njata kuma Abraon i bo pape, pabia N na fala bos kuma, te de pedras propi, Deus pudi lantanda fijus pa Abraon.

Lukas 3:8

Bo mostra na bo manera di yanda kuma na bardadi bo ripindi. Ka bo kumsa na fala na bo sintidu kuma Abraon i bo pape, pabia N na fala bos kuma, te de pedra propi, Deus pudi lantanda fijus pa Abraon.

Bon Noba di Jesus Kristu ku Jon 19:25

Mame di Jesus staba pertu di krus, ku si irma Maria, minjer di Kléofas, ku Maria Madalena.

Bon Noba di Jesus Kristu ku Jon 8:37

Ami N sibi diritu kuma abos i jorson di Abraon, ma nin ku ’sin, bo na buska manera di matan, pabia ña palabra ka ta yentra na bos.

Bon Noba di Jesus Kristu ku Jon 8:39

E ruspundi e falal: “No pape i Abraon.” Jesus fala elis: “Si bo seduba fijus di Abraon, bo ta fasiba kusas ku Abraon fasi.

Bon Noba di Jesus Kristu ku Jon 8:43

Ke ku manda bo ka ntindi kil ku N fala? I pabia bo ka pudi nguenta ña palabra.

Romanus 9:7

nin i ka tudu ki fiju di Abraon pabia i sedu di si jorson, ma Deus fala Abraon: “I fijus di Isak ku na comadu bu jorson.”

Ŝefis 2:18

Ora ku SIÑOR lantanda elis un ŝef, i ta staba ku ki ŝef, pa libra elis na mon di se inimigus, nkuantu ki ŝef staba di vida, pabia SIÑOR ta sintiba pena delis suma ke na jimi bas di kilis ku na maltrata elis, e dominaba elis.

Ŝefis 3:8

Asin SIÑOR paña raiba delis, i ntrega elis na mon di Kusan-Risatain, rei di Mesopotamia. Fijus di Israel e bin sirbi ki rei duranti oitu anu.

Ŝefis 4:3

Fijus di Israel yalsa fála e coma SIÑOR, pabia Jabin teneba novsentus karu di feru; tambi i dominaba ku forsa riba di fijus di Israel duranti vinti anu.