Bon Noba di Jesus Kristu ku Jon 8:17 - BIBLIA - traduson antigu in Krioulo

¹⁷ I sta skritu na bo lei kuma tustumuñu di dus jinti ku konkorda i ten balur.

Bon Noba di Jesus Kristu ku Jon 8:17 ပူးပေါင်းရင်းမြစ်များ

1 Reis 21:10

Bo pui dus malandru pa e sinta si dianti, pa e testifika kontra el kuma i papia mal kontra Deus ku rei. Dipus bo lebal fora, bo dal ku pedras tok i muri.”

Numerus 35:30

“Algin ku mata si kumpañer, i na matadu suma matadur son si i ten dus o mas jinti ku na testifika kontra el. Ningin ka pudi matadu pabia di tustumuñu di un algin son.

Mateus 18:16

Si i ka obiu, leba mas un o dus ku bo, pa ‘tudu palabra pudi konfirmadu pa dus o tris tustumuña’.

Bon Noba di Jesus Kristu ku Jon 10:34

Jesus punta elis: “Deus ka fala na bo lei kuma el i fala kuma abos i deusis?

Bon Noba di Jesus Kristu ku Jon 15:25

I pa i pudi sedu suma ki sta skritu na se lei: ‘E nfastian sin roson.’

2 Koríntius 13:1

Es gora i terseru bias ku N na bai nunde bos. N na konta bos kuma, kualker akusason i ten ku sedu probadu pa boka di dus o tris tustumuña, suma ku palabra di Deus fala.

Gálatas 3:24

Asin lei seduba mestre ku ten konta di nos tok Kristu bin, pa dipus ki bin, Deus pudi ojanu justu pabia di fe nel.

Gálatas 4:21

Pera N punta bos utrus ku misti sta bas di lei: Bo ka obi ke ku lei fala?

Ripitison di Lei 17:6

Ma omi pudi matadu son pa tustumuñu di dus o tris jinti; i ka pudi matadu son pabia di tustumuñu di un algin.

Ripitison di Lei 19:15

Un tustumuña son ka ciga pa kondena algin pa kualker ofensa o pekadu ki akusadu del, ma i pirsis dus o tris tustumuña pa proba kuma ki algin i kulpadu.

Ebreus 10:28

Si algin kebra lei di Moisés, i ta matadu sin sinti pena del, si dus o tris jinti testifika kuma el i kulpadu.

1 Jon 5:9

No ta seta tustumuñu di omi, ma tustumuñu di Deus i mas forti. Tustumuñu di Deus i es ki da aserka di si Fiju.

Apokalipsi 11:3

N tene ña dus tustumuña ku N na manda. E na bisti saku, e na anunsia pa 1.260 dia.”