Bon Noba di Jesus Kristu ku Jon 8:16 - BIBLIA - traduson antigu in Krioulo

¹⁶ Si ami na bardadi N julga, ña julgamentu i bardadi, pabia i ka ami son ku ta julga, ma ami ku ña Pape ku mandan.

Bon Noba di Jesus Kristu ku Jon 8:16 ပူးပေါင်းရင်းမြစ်များ

Salmus 98:9

dianti di SIÑOR, pabia i na bin pa julga mundu; i na julga mundu ku justisa; i na julga nasons ku si bardadi.

Salmus 99:4

Rei puderosu, bu ama justisa; bu ta firmanta retidon. Na Israel bu ta fasi kil ku sedu justu i sertu.

Isaias 9:7

Kirsimentu di si gubernu ku si pas ka na ten kabantada. I na sinta na tronu di Davi pa firmanta si renu, pa fortifikal ku justisa ku vida retu, disna di gosi pa sempri. SIÑOR ku ten tudu puder pui sintidu pa fasi e kusa.

Zakarias 9:9

Prasa di Sion, fika kontenti! Prasa di Jerusalen, kanta ku alegria! Ali bu rei na bin pa bo, Salbadur justu, umildi, montadu na un buru, montadu na fijusiñu di buru.

Bon Noba di Jesus Kristu ku Jon 16:32

Ora na bin ciga, i pertu ja, ora ku bo na pajiga, kada un pa si ladu; bo na disan ami son, ma N ka sta son, pabia ña Pape sta ku mi.

Bon Noba di Jesus Kristu ku Jon 8:29

Kil ku mandan sta ku mi. I ka disan ami son, pabia N ta fasi sempri kusas ki gosta.”

Atus 17:31

pabia i marka un dia ki na bin julga mundu ku justisa, na mon di un omi ki distina pa i fasil. I da tudu jinti sertesa di kuma i na sedu, oca i lantanda ki omi na metadi di mortus.”

Apokalipsi 19:11

N oja seu yabri; i staba la un kabalu branku. Kil ku monta nel i coma: “Fiel i di Bardadi.” El i justu na julgamentu, tambi na gera.

1 Samuel 16:7

Ma SIÑOR fala Samuel: “Ka bu mporta ku si parsensa, manera ki altu asin, pabia N negal. SIÑOR ka ta jubi manera ku omi ta jubi, pabia omi ta jubi kil ku sta dianti di si uju, ma SIÑOR ta jubi korson.”