Bon Noba di Jesus Kristu ku Jon 7:6 - BIBLIA - traduson antigu in Krioulo

⁶ Jesus ruspundi elis: “Ña ora ka ciga inda, ma pa bos tudu ora sta bon.

Bon Noba di Jesus Kristu ku Jon 7:6 ပူးပေါင်းရင်းမြစ်များ

Salmus 102:13

Bu na lanta, bu sinti pena di Sion; pabia tempu markadu pa mostral fabur i ciga ja.

Mateus 26:18

I ruspundi elis: “Bo bai pa prasa, pa kasa di tal fulanu, bo ta falal: ‘Mestre manda falau kuma si tempu pertu. Na bu kasa ki misti guarda festival di Paskua ku si disipulus.’ ”

Bon Noba di Jesus Kristu ku Jon 13:1

Antis di festival di Paskua, Jesus sibiba ja kuma ora ciga pa i disa e mundu pa i bai pa si Pape. Suma ki ama kilis ki di sil ku staba ne mundu, i ama elis te na fin.

Bon Noba di Jesus Kristu ku Jon 17:1

Jesus papia e kusas; i yalsa uju pa seu, i fala: “Pape, ora ciga. Glorifika bu Fiju pa bu Fiju pudi glorifikau tambi,

Bon Noba di Jesus Kristu ku Jon 2:4

Jesus ruspundil: “Mama, ke ku no ten la? Ña ora ka ciga inda.”

Bon Noba di Jesus Kristu ku Jon 7:30

E mistiba prindi Jesus, ma ningin ka toka nel, pabia si ora ka cigaba inda.

Bon Noba di Jesus Kristu ku Jon 7:8

Abos bo bai pa ki festival; ami N ka na bai inda, pabia ña ora ka ciga.”

Bon Noba di Jesus Kristu ku Jon 8:20

Jesus fala e palabra na lugar nunde ku kaŝa di oferta staba, oca i na nsina jinti na kasa di Deus. Ningin ka prindil, pabia si ora ka cigaba inda.

Atus 1:7

I ruspundi elis: “Bo ka ten diritu di sibi tempu o dia ku ña Pape marka pa si propi puder,