Bon Noba di Jesus Kristu ku Jon 7:35 - BIBLIA - traduson antigu in Krioulo

³⁵ Ŝefis di judeu punta entri elis: “Nunde ki na bai nel ku no ka na pudi ojal? I na bai pa judeus ku spaja na metadi di gregus pa bai nsina ki gregus?

Bon Noba di Jesus Kristu ku Jon 7:35 ပူးပေါင်းရင်းမြစ်များ

Salmus 147:2

SIÑOR na kumpu Jerusalen, i na junta kilis di Israel ku pajigadu.

Isaias 11:10

Dia na ciga ku rei ku na sai na jorson di Jesé na firma suma bandera pa nasons; e na kuri juntu pa el; lugar di si morada na sedu gloriosu.

Isaias 11:12

I na lantanda un bandera na metadi di nasons, i na junta jinti di Israel ku Judá ku pajigaduba fora di se tera, i na rukuji elis desdi kuatru kantu di mundu.

Isaias 49:6

SIÑOR falan: “Bu sedu ña servu pa torna tisi jorsons di Jakó, pa ribanta kilis di Israel ku sobra ku vida. Ma es i kusa pikininu; N na buriu mas: N na fasiu pa bu sedu lus di utru nasons, pa leba ña salbason te na kantus mas lunju di mundu.”

Isaias 56:8

SIÑOR Deus, ku junta fijus di Israel ku staba pajigadu na utru teras, i fala: “N na buri tisi mas utrus pa junta elis ku kilis ku N juntaba ja.”

Sofonias 3:10

Utru jinti ku ta adoran, ña pobu ku pajigadu te na utru ladu di rius di Etiopia, e na bin di la, e tisin sakrifisiu.

Mateus 12:21

Nasons na pui se speransa nel.”

Lukas 2:32

I lus pa numia jintius, tambi i pa sedu gloria pa bu pobu Israel.”

Bon Noba di Jesus Kristu ku Jon 12:20

Na metadi di jinti ku bai pa adora Deus na dia di festival i staba utru gregus.

Bon Noba di Jesus Kristu ku Jon 7:1

Dipus de kusas, Jesus na yandaba na Galileia; i ka mistiba ja yanda na Judeia, pabia ŝefis di judeu mistiba matal.

Bon Noba di Jesus Kristu ku Jon 8:22

Ŝefis di judeu na puntaba: “Nta i misti mata si kabesa, manera ki fala kuma, kau ki na bai, no ka pudi bai la?”

Atus 11:18

E kaba di obi e kusas, e kalma, e da Deus gloria, e fala: “Na bardadi Deus da tambi jinti di utru rasa ripindimentu pa e pudi tene vida.”

Atus 11:20

I tenba na se metadi utrus ki di Ŝipri ku Sireni. Oca ke bai Antiokia e papia ku gregus tambi, e konta elis Bon Noba di Siñor Jesus.

Atus 14:1

Na Ikóniu Paulu ku Barnabé yentra juntu na kasa di juntamentu di judeus, e papia ku garandi puder, manera ku manga di jinti seta, judeus tudu ku gregus,

Atus 17:4

Utrus fia, e junta ku Paulu ku Silas, suma tambi manga di gregu ku ta adoraba Deus, ku manga di minjer importanti.

Atus 18:4

Kada dia di diskansu i ta diskutiba na kasa di juntamentu; i ta buskaba konvensi judeus ku gregus.

Atus 21:21

Jinti konta elis kuma bu ta nsina judeus ku mora na metadi di jintius pa e bandona lei di Moisés; bu ta fala elis pa ka e sirkunsida se fijus, nin pa ka e fasi kustumus di lei.

Atus 22:21

Siñor falan: ‘Bai, pabia N na mandau lunju pa jinti ku ka sedu judeu.’ ”

Romanus 1:16

N ka ta sinti borgoña di Bon Noba di Kristu, pabia i puder di Deus pa salba tudu kil ku fia nel, purmeru judeus, ku kilis ki ka judeus tambi.

Efésius 3:8

Ami ki menus di tudu pobu di Deus, ma Deus dan e fabur di konta jintius Bon Noba di garandi rikesa di Kristu ku no ka pudi ntindi,

Kolosensis 1:27

Vontadi di Deus i pa si pobu sibi kuma e sigridu i riku, i gloriosu na metadi di jintius. Sigridu i es: Kristu na bos, speransa di gloria.

1 Timótiu 2:7

E ku manda N fasidu mestre ku apostolu, pa N nsina jintius aserka di fe di bardadi. (N na konta bardadi; N ka na konta mintida.)

2 Timótiu 1:11

Deus distinan pa N sedu apostolu ku pursor pa konta e Bon Noba.

Tiagu 1:1

Ami Tiagu, servu di Deus ku Siñor Jesus Kristu, N na manda manteña pa dozi jorson di Israel ku spaja na mundu.

1 Pedru 1:1

Ami Pedru, apostolu di Jesus Kristu, N na skirbi pa kilis ku spajadu suma stranjerus na teras di Pontu, Galásia, Kapadósia, Asia ku Bitínia.