Bon Noba di Jesus Kristu ku Jon 7:28 - BIBLIA - traduson antigu in Krioulo

²⁸ Oca Jesus na nsina na kasa di Deus, i fala ku vos altu: “Nta abos bo kunsin, bo sibi ami i di nunde! Ami N ka bin di mi propi, ma kil ku mandan i di bardadi, ku abos bo ka kunsi.

Bon Noba di Jesus Kristu ku Jon 7:28 ပူးပေါင်းရင်းမြစ်များ

Salmus 9:10

Kilis ku kunsi bu nomi e na fiansa na bo, pabia abo, SIÑOR, nunka bu ka bandona kilis ku buskau.

Jeremias 31:34

Ningin ka na torna nsina mas si visiñu nin si ermon pa e kunsi SIÑOR, pabia tudu jinti na kunsin, desdi koitadis te rikus. Ami, SIÑOR, N fala kuma N na purda se maldadi; nunka mas N ka na lembra di se pekadus.”

Jeremias 9:6

Bu mora na metadi di nganu; pabia di nganu e nega kunsin.” Asin ku SIÑOR fala.

Oseias 4:1

Abos, fijus di Israel, bo obi palabra di SIÑOR, pabia SIÑOR tene un kusa kontra bos ku mora ne tera. I fala: “I ka ten bardadi nin amor ne tera, nin jinti ku ta rikuñisi Deus.

Oseias 5:4

Kusas ke na fasi tuji elis riba pa se Deus, pabia spiritu di mau vida sta na se korson; e ka ta rikuñisi SIÑOR.

Mateus 11:27

Ña Pape ntregan tudu kusa. Ningin ka kunsi Fiju si i ka si Pape; ningin ka kunsi Pape si i ka si Fiju, ku kil ku Fiju misti mostral el.

Mateus 2:23

Oca ki ciga, i bai mora na un prasa ku comadu Nazaré. De manera i bin sedu suma ku anunsiaduris falaba ja: “I na comadu Nazarenu.”

Mateus 26:55

Na ki ora Jesus punta ki jinti: “Bo bin ku spada ku manduku pa bin prindin, suma un ladron? Tudu dia N ta sinta na kasa di Deus, N na nsina; bo ka prindin,

Lukas 10:22

“Ña Pape ntregan tudu kusas. Ningin ka sibi kin ki Fiju si i ka Pape; ningin ka sibi kin ki Pape si i ka Fiju, ku kilis ku Fiju misti mostra elis.”

Lukas 2:11

Aos na tabanka di Davi i padidu un Salbadur pa bos, ku sedu Kristu, Siñor.

Lukas 2:39

Oca ke kaba fasi tudu ku lei di Siñor manda, e riba pa Galileia, pa se tabanka di Nazaré.

Lukas 2:4

José tambi i sai di tabanka di Nazaré, na tera di Galileia; i bai pa tera di Judeia, pa tabanka comadu Belen, nunde ku Davi padidu nel, manera ku José seduba di jorson di Davi.

Lukas 2:51

Jesus riba ku elis pa Nazaré, i kontinua na obdisi elis. Si mame fika i na guarda tudu ki kusas na si korson.

Bon Noba di Jesus Kristu ku Jon 1:46

Natanael punta Filip: “Un kusa bon pudi sai di Nazaré?” Filip ruspundil: “Bin, bu ta jubi.”

Bon Noba di Jesus Kristu ku Jon 10:36

kuma ku bo fala gora kuma ami, ku ña Pape santifika, i manda pa mundu, N lebsil pabia N fala kuma ami i Fiju di Deus?

Bon Noba di Jesus Kristu ku Jon 12:49

Ami N ka papia di mi propi, ma ña Pape ku mandan, el i dan ordi aserka di kusas ku N dibi di konta ku kil ku N dibi di fala.

Bon Noba di Jesus Kristu ku Jon 14:10

Bu ka fia kuma ami N sta na ña Pape, ña Pape sta na mi? Palabras ku N fala bos, N ka ta falal di mi propi, ma ña Pape ku sta na mi, i el ku ta fasi e kusas ku ami N na fasi.

Bon Noba di Jesus Kristu ku Jon 14:31

I pirsis pa jinti di mundu sibi kuma N ama ña Pape, tambi N ta fasi kil ki mandan. Bo lanta, no sai di li.

Bon Noba di Jesus Kristu ku Jon 16:3

E na fasi bos e kusas pabia e ka kunsi ña Pape nin e ka kunsin.

Bon Noba di Jesus Kristu ku Jon 17:25

Pape justu, jinti di mundu ka kunsiu, ma ami N kunsiu; esis e sibi kuma i abo ku mandan.

Bon Noba di Jesus Kristu ku Jon 17:3

Vida ku ka ta kaba i es: Pa tudu jinti kunsiu, abo son, uniku Deus di bardadi, ku Jesus Kristu, kil ku bu manda.

Bon Noba di Jesus Kristu ku Jon 3:2

I bai pa Jesus di noti, i falal: “Rabi, anos no sibi kuma Deus mandau pa bu bin nsinanu, pabia ningin ka pudi fasi e sinal ku bu ta fasi si Deus ka sta ku el.”

Bon Noba di Jesus Kristu ku Jon 3:33

Kin ku seta si palabra i ta konfirma kuma Deus ta fala bardadi.

Bon Noba di Jesus Kristu ku Jon 5:32

I ten utru ku diklara di mi; N sibi kuma tustumuñu ku el i da di mi i bardadi.

Bon Noba di Jesus Kristu ku Jon 5:43

Ami N bin na nomi di ña Pape; bo ka setan. Si utru bin na si nomi propi, bo ta setal.

Bon Noba di Jesus Kristu ku Jon 6:42

E na puntaba: “Nta es i ka Jesus, fiju di José, ku no kunsi si pape ku si mame? Kuma ki na fala kuma i ria na seu?”

Bon Noba di Jesus Kristu ku Jon 7:14

Na metadi di festival Jesus yentra na kasa di Deus, i kumsa na nsina jinti.

Bon Noba di Jesus Kristu ku Jon 8:14

Jesus ruspundi elis: “Inda ku N ta diklara di mi propi, ña tustumuñu ten balur, pabia N sibi di nunde ku N bin, N sibi tambi pa nunde ku N na bai, ma abos bo ka sibi di nunde ku N bin, nin pa nunde ku N na bai.

Bon Noba di Jesus Kristu ku Jon 8:16

Si ami na bardadi N julga, ña julgamentu i bardadi, pabia i ka ami son ku ta julga, ma ami ku ña Pape ku mandan.

Bon Noba di Jesus Kristu ku Jon 8:19

E punta Jesus: “Bu Pape, nunde ki sta nel?” Jesus ruspundi elis: “Bo ka kunsin, ku fadi ña Pape; si bo kunsinba, tambi bo na kunsiba ña Pape.”

Bon Noba di Jesus Kristu ku Jon 8:26

N tene manga di kusa pa fala, pa julga bos aserka del, ma ki algin ku mandan i bardadi; kil ku N obi del, el ku N ta fala na mundu.”

Bon Noba di Jesus Kristu ku Jon 8:42

Jesus fala elis: “Si Deus seduba bo Pape, na bardadi bo na amanba, pabia ami N bin di Deus, N ka bin di mi propi, ma i el ku mandan.

Bon Noba di Jesus Kristu ku Jon 9:29

No sibi kuma Deus papia ku Moisés, ma es, nin no ka sibi i di nunde.”

Atus 17:23

Oca N na pasa, N na jubi kusas ku bo ta adora, N oja la tambi un altar ku sta skritu nel: ‘PA DEUS KU KA KUNSIDU’. Es ku bo da rispitu sin bo ka kunsil, el ku N misti konta bos.

Romanus 1:28

Suma ke ka mporta pa kunsi Deus, Deus tambi bandona elis pa pensamentu mau pa e fasi kusas ku ka bali.

Romanus 3:4

Nunka! Deus ten ku sedu di bardadi, nin ku tudu omi sedu munturus, suma ki sta skritu: “Pa bu sedu justifikadu na bu palabras; ora ku bu sedu julgadu, pa bu ngaña.”

2 Koríntius 1:18

Suma ku Deus i fiel, kil ku no ta fala bos i ka Sin ku Nau jagasidu.

2 Koríntius 4:6

Deus, ku fala pa lus lampra na sukuru, i mesmu Deus ku fasi si lus lampra na no korson, pa tisinu kuñisimentu di gloria di Deus ku na lampra na rostu di Jesus Kristu.

Titu 1:2

na speransa di vida ku ka ta kaba. Deus, ku ka ta konta mintida, falaba ja antis di kumsada di tempu, kuma i na danu e vida.

Ebreus 6:18

Asin i ten e dus kusa ku ka pudi maina, ku Deus ka pudi konta mintida pa el, ku ta danu koraẑen, anos ku sta suguru, manera ku no pega na speransa ku sta no dianti.

1 Jon 5:10

Kin ku fia na Fiju di Deus i tene e tustumuñu dentru del. Kin ku ka fia na Deus, i na comal munturus, pabia i ka fia na tustumuñu ki da di si Fiju.

1 Samuel 2:12

Fijus di Eli seduba jinti mau ku ka mportaba nada ku SIÑOR.