Bon Noba di Jesus Kristu ku Jon 6:63 - BIBLIA - traduson antigu in Krioulo

⁶³ I Spiritu di Deus ku ta da vida; omi na si forsa ka ta bali nada. E palabra ku N fala bos i Spiritu, i vida,

Bon Noba di Jesus Kristu ku Jon 6:63 ပူးပေါင်းရင်းမြစ်များ

Kumsada 2:7

SIÑOR Deus bin kumpu omi ku reia di con, i supral na si naris, i da folgu di vida. Omi bin sedu kriatura bibu.

Salmus 119:130

Splikason di bu palabra ta da lus, i ta da ntindimentu pa kilis ku ka nsinadu.

Salmus 119:50

Na ña sufrimentu, kil ku ta konsolan i es: kuma bu palabra i ta arnoba ña vida.

Salmus 119:93

Nunka N ka na diskisi di bu ordis, pabia ku elis bu dan vida.

Ditus 4:13

Pega tesu na nsinamentu di bu pape; ka bu largal. Guardal pabia i sedu bu vida.

Bon Noba di Jesus Kristu ku Jon 5:21

Suma ku Pape ta lantanda mortus, i da elis vida, asin tambi ku Fiju ta da vida pa kilis ki misti da.

Bon Noba di Jesus Kristu ku Jon 6:68

Simon Pedru ruspundil: “Siñor, pa kin ku no na bai? I abo ku tene palabra ku ta da vida ku ka ta kaba.

Atus 5:20

“Bo bai, bo yentra na kasa di Deus, bo splika pobu diritu aserka de nobu vida.”

Romanus 10:17

Asin, obi rekadu ta danu fe. Rekadu bin di palabra di Kristu.

Romanus 2:25

Si bu guarda lei, bu sirkunsison na bardadi i ten balur, ma si bu kebra lei, bu sirkunsison i suma nada.

Romanus 8:2

pabia puder di Spiritu ku ta tisi vida juntu ku Kristu Jesus libran di puder di pekadu ku di mortu.

1 Koríntius 15:45

I sta skritu na palabra di Deus kuma purmeru omi, ku sedu Adon, i dadu vida. Sugundu Adon i Spiritu ku ta da vida.

Gálatas 5:25

Si i Spiritu ku danu vida, no disal tambi pa i gianu na no kamiñu.

Gálatas 5:6

Si no sta unidu ku Kristu Jesus, nin sirkunsison nin falta del ka ta fasi diferensa. Kusa mas importanti i fe ku ta tarbaja ku amor.

Gálatas 6:15

I ka ten nin importansia si algin sirkunsidadu o nau; ma ke ki importanti i pa sedu nobu algin.

Ripitison di Lei 32:47

E nsinamentu i ka sedu son palabra pa bos, ma i el ki bo vida. Si bo obdisil, bo na tarda manga di anu na tera ku bo na kamba Jordon pa bai tene.”

1 Tesalonisensis 2:13

E ku manda sempri no ta fala Deus obrigadu, pabia, oca ku no leba bos rekadu di Deus, bo risibil; bo ka risibil suma palabra di omi, ma suma palabra di Deus, ku na bardadi i sedu. I e palabra ku na tarbaja na bos ku fia nel.

1 Timótiu 4:8

Trenamentu di kurpu i ten sertu purbitu, ma trenamentu spiritual i ten purbitu pa tudu, pabia i ten purmesa pa e vida li, ku vida ku na bin.

Ebreus 13:9

Ka bo disa manga di koldadi nsinamentu strañu tira bos na bo kamiñu. I mas bon pa no korson risibi forsa di grasa di Deus te pa sigi regras di kumida, ku ka tisi nin purbitu pa kilis ku na yandaba di ki manera.

Ebreus 4:12

Palabra di Deus i bibu, i forti. I ta mas korta di ki spada di dus boka; i ta yentra te dentru di algin nunde ku alma ku spiritu ta rapati, te na metadi di juntamentu di os. I kapas di julga vontadi ku pensamentu di korson.

Tiagu 1:18

Na si vontadi i padinu ku si palabra di bardadi, pa no pudi sedu suma si purmeru fijus.

1 Pedru 1:23

Palabra di Deus ku tene vida, ku ta fika pa sempri, i el ku pui pa bo padidu utru bias; bo ka padidu na pape ku ta muri, ma na pape ku ka ta muri.

1 Pedru 3:18

Kristu tambi i muri un bias son pa pekadu; el ku sedu justu muri pa kilis ku ka sedu justu, pa lebanu pa Deus. El i matadu na kurpu, i dadu vida na spiritu.

1 Pedru 3:21

E yagu i figura di batismu ku bo ta pasa nel gosi pa salbason. I ka pa tira susidadi na kurpu, ma i palabra ku no ta da Deus, ku sai na un sintidu limpu. I ta salba pabia Jesus Kristu lanta di mortu,