Bon Noba di Jesus Kristu ku Jon 4:23 - BIBLIA - traduson antigu in Krioulo

²³ Ora na bin, i ciga ja, ku adoraduris di bardadi na adora ña Pape ku Spiritu ku bardadi, pabia ña Pape ta buska kil ku ta adoral asin.

Bon Noba di Jesus Kristu ku Jon 4:23 ပူးပေါင်းရင်းမြစ်များ

1 Kronikas 29:17

Ña Deus, N sibi sertu kuma bu ta proba korson di jinti, bu ta kontenti si bu oja bardadi nel. Ami tambi, N dau tudu e kusas ku sinseridadi di ña korson, ku tudu ña vontadi. Gosi N sta kontenti pa oja manera ku bu pobu ku sta li e dau ku tudu vontadi.

Salmus 147:11

ma SIÑOR ta ten si kontentamentu na kilis ku rispital, ku ta pui se speransa na si bondadi.

Salmus 17:1

SIÑOR, obi ña pididu justu; para sintidu na ña gritus. Sukuta ña orason ku ka ta sai na boka di nganu.

Salmus 32:2

Sortiadu i ki omi ku SIÑOR ka oja kulpadu, ku si spiritu ka ten nganu.

Salmus 51:6

Bu ta kontenti ku bardadi na korson, bu ta inci ña kabesa ku jiresa.

Ditus 15:8

Sakrifisiu di jinti mau i nujenti pa SIÑOR, ma orason di jinti retu i si kontentamentu.

Kantiga di Salomon 2:14

Ña pumba, ku na yanda na racas di pedras, na kau di sukundi na ladu di monti, mostran bu rostu, bu fasin sinti bu fála, pabia bu fála i sabi, bu rostu i bonitu.

Isaias 10:20

Na ki dia restu di Israel, kilis di familia di Jakó ku kapli, nunka mas e ka na nkuña na kil ku mistiba kaba ku elis, ma na bardadi e na nkuña na SIÑOR, Deus Santu di Israel.

Isaias 29:13

SIÑOR fala: “E pobu ta ciga pa mi son ku se boka, e ta ngaban ku palabra, ma se korson sta lunju di mi. Se adorason pa mi i ta ojadu son na mandamentus di omis ke ta nsinadu.

Isaias 43:21

ku sedu e pobu ku N forma pa e pudi ngaban.

Isaias 58:2

E ta buskan kada dia, e fala kuma e ten vontadi pa kunsi ña kamiñu, suma ke seduba un pobu ku ta yanda na retidon, e ka ta bandona mandamentu di se Deus. E ta pidin leis justu, e ta fala kuma e misti pertu Deus.

Jeremias 3:10

Ku tudu es, Judá, si irma infiel, i ka riba pa mi ku korson di bardadi, ma ku finjimentu.” Asin ku SIÑOR fala.

Jeremias 4:2

si bu jurmenta pa vida di SIÑOR, na bardadi, ku korson justu i bon, nasons na bensuadu na SIÑOR, e na njata nel.”

Ezekiel 22:30

“N buska na se metadi un omi ku pudi kumpu mura, pa i pudi firma na buraku ña dianti pa difindi e tera, pa N ka bin kaba ku el, ma N ka oja ningin.

Bon Noba di Jesus Kristu ku Jon 1:17

Lei daduba pa meiu di Moisés; grasa ku bardadi bin pa meiu di Jesus Kristu.

Bon Noba di Jesus Kristu ku Jon 12:23

Jesus ruspundi elis: “Ora ciga pa Fiju di omi sedu glorifikadu.

Bon Noba di Jesus Kristu ku Jon 16:2

E na serka bos di kasas di juntamentu; i na ciga un dia ku kualker ku mata bos i na kuda kuma i fasi tarbaju pa Deus.

Bon Noba di Jesus Kristu ku Jon 16:32

Ora na bin ciga, i pertu ja, ora ku bo na pajiga, kada un pa si ladu; bo na disan ami son, ma N ka sta son, pabia ña Pape sta ku mi.

Bon Noba di Jesus Kristu ku Jon 4:21

Jesus falal: “Minjer, bu pudi fia kuma, ora na ciga ki ka na sedu ne monti, nin na Jerusalen, ku bo na adora ña Pape.

Bon Noba di Jesus Kristu ku Jon 5:25

N na torna konta bos bardadi kuma, ora na bin, i ciga ja, ku mortus na obi vos di Fiju di Deus; kilis ku obil e ta bin tene vida.

Bon Noba di Jesus Kristu ku Jon 5:28

Ka bo dimira. I na ciga ora ku tudu mortus ku nteradu na obi si vos; e na sai na koba.

Romanus 1:9

Deus i ña tustumuña, ku N ta sirbi ku tudu ña korson, manera ku N ta konta Bon Noba di si Fiju. I sibi kuma N ta lembra di bos sempri

Romanus 8:15

Spiritu ku bo risibi i ka ta fasi bos katibu pa bo pudi torna ten medu, ma bo risibi Spiritu ku fasi bos fijus, ku ta pui pa no coma Deus, no falal: “Deus no Pape.”

Romanus 8:26

Di mesmu manera tambi Spiritu ta judanu na no frakesa, pabia no ka sibi manera diritu di pidi, ma Spiritu propi i ta pidi Deus pa nos ku jimidu ku ka pudi kontadu ku palabras.

Gálatas 4:6

Suma ku bo sedu si fijus, Deus manda Spiritu di si Fiju dentru di no korson, ku ta coma: “Deus no Pape.”

Efésius 6:18

Bo pui bo sintidu na orason ku pididu; bo ora tudu tempu na puder di Spiritu. Pa mesmu fin bo bisia, bo ora sin para, bo pidi sempri pa tudu pobu di Deus.

Filipensis 3:3

I anos ku risibi sirkunsison di bardadi, pabia no ta adora Deus na Spiritu. No njatamentu i na Kristu Jesus; no ka fiansa na kusas di kurpu.

Josué 24:14

“Asin, bo rispita SIÑOR, bo sirbil ku korson limpu, ku bardadi. Bo bota fora ki deusis ku bo papes sirbiba kontra e staba na utru ladu di riu Eufrates tambi na Ejitu; bo sirbi SIÑOR.

1 Pedru 2:9

Ma abos bo sedu rasa kujidu, saserdotis di rei, nason santu, pobu ku Deus ranja pa el, pa konta garandi obras di kil ku coma bos na sukuru pa si lus bonitu.

1 Samuel 12:24

Bo pui sintidu pa rispita SIÑOR, bo sedu fiel na sirbil ku tudu bo korson, bo lembra di kusas garandi ki fasi pa bos.