Bon Noba di Jesus Kristu ku Jon 3:34 - BIBLIA - traduson antigu in Krioulo

³⁴ Kil ku Deus manda i ta papia palabra di Deus, pabia Deus ta dal si Spiritu sin midil.

Bon Noba di Jesus Kristu ku Jon 3:34 ပူးပေါင်းရင်းမြစ်များ

2 Reis 2:9

Oca ke kamba, Elias fala Eliseu: “Kontan ke ku bu misti pa N fasiu antis di N tomadu di bo.” Eliseu falal: “N pidiu pa N pudi yarda dobru di bu puder.”

Salmus 45:7

Bu ama kil ki bon; bu odia kil ki mau. E ku manda Deus, ku sedu bu Deus, i unjiu ku azeiti di kontentamentu; i dau lugar riba di bu kumpañeris.

Isaias 59:21

SIÑOR fala mas: “Ami, es i ña kontratu ku elis: Ña Spiritu ku N pui riba di bo, ku ña palabras ku N dau pa bu papia, e ka na disvia di bu boka, nin di boka di bu fijus, nin di boka di fijus di bu fijus, disna di gosi pa tudu tempu.” Asin ku SIÑOR fala.

Sirmonias 7:35

Na dia ku Aron ku si fijus pursentadu pa sirbi SIÑOR suma saserdotis, lei dadu kuma e ten ku dadu sempri ki parti di oferta kemadu pa SIÑOR.

Numerus 11:25

SIÑOR disi na un nuven, i papia ku Moisés. I rapati Spiritu ku staba nel, i pul na ki setenta omi garandi. Oca ku Spiritu disi nelis, e papia bas di puder di Deus, ma dipus e ka torna fasil.

Mateus 12:18

“Ali ña servu ku N kuji, ku N kiri ciu, ku ta kontenta ña korson. N na pui ña Spiritu nel. I na bin avisa jinti di utru nasons aserka di julgamentu.

Lukas 4:18

“Spiritu di Siñor sta riba di mi, pabia i unjin pa N konta Bon Noba pa pobris;

Bon Noba di Jesus Kristu ku Jon 1:16

Anos tudu no risibi di si rikesa; i danu benson ripitidu.

Bon Noba di Jesus Kristu ku Jon 15:26

Ora ku Judadur bin, ku N na bin manda bos di parti di ña Pape, ki Spiritu di bardadi ku ta bin di ña Pape, el i na konta aserka di mi.

Bon Noba di Jesus Kristu ku Jon 16:7

ma N na konta bos bardadi kuma, i minjor pa bos si N bai, pabia si N ka bai, Judadur ka ta bin pa bos; ma si N bai, N na manda bos el.

Bon Noba di Jesus Kristu ku Jon 3:17

Deus ka manda si Fiju pa i bin kondena mundu, ma pa i salbal.

Bon Noba di Jesus Kristu ku Jon 5:26

Suma ku ña Pape i fonti di vida, i da tambi si Fiju puder di sedu fonti di vida.

Bon Noba di Jesus Kristu ku Jon 7:16

Jesus ruspundi elis: “Ña nsinamentu i ka di mi, ma i di kil ku mandan.

Bon Noba di Jesus Kristu ku Jon 8:40

Gosi bo misti matan, ami omi ku fala bos sempri bardadi ki obi di Deus. Abraon ka ta fasiba asin.

Bon Noba di Jesus Kristu ku Jon 8:47

Kin ki di Deus i ta sukuta palabra di Deus. Ke ku manda bo ka ta sukutal i pabia abos i ka di Deus.”

Atus 1:2

te dia ki lebadu pa seu, dipus ki da ordi na puder di Spiritu Santu pa apostolus ki kujiba.

Atus 10:38

Bo sibi aserka di Jesus di Nazaré, kuma ku Deus unjil ku Spiritu Santu ku puder. I yanda tudu parti, i na fasi ben, i na kura tudu ku sta bas di puder di diabu, pabia Deus staba ku el.

Romanus 8:2

pabia puder di Spiritu ku ta tisi vida juntu ku Kristu Jesus libran di puder di pekadu ku di mortu.

Efésius 3:8

Ami ki menus di tudu pobu di Deus, ma Deus dan e fabur di konta jintius Bon Noba di garandi rikesa di Kristu ku no ka pudi ntindi,

Kolosensis 1:19

I Deus propi ku marka pa tudu si naturesa kompletu sta na si Fiju.

Kolosensis 2:9

Tudu ku Deus sedu i sta na Kristu, na si kurpu umanu.

Apokalipsi 21:6

I torna falan: “I sedu ja. Ami i Alfa ku Omega, kumsada ku kabantada. Kin ku tene sedi, N ta patil yagu di ki fonti di yagu ku ta da vida.

Apokalipsi 22:1

Anju mostran riu di yagu ku ta da vida, klaru suma vidru finu, ku ta saiba na tronu di Deus ku di Karnel,