Bon Noba di Jesus Kristu ku Jon 3:10 - BIBLIA - traduson antigu in Krioulo

¹⁰ Jesus puntal: “Abo i mestre na Israel, bu ka ntindi e kusas?

Bon Noba di Jesus Kristu ku Jon 3:10 ပူးပေါင်းရင်းမြစ်များ

1 Kronikas 29:19

Pui ña fiju Salomon pa i dija ku tudu si korson obdisi tudu bu mandamentus, leis ku ordis, pa i pui sintidu pa kumpu e templu ku N purpara ja kusas pa el.”

Salmus 51:10

O Deus, kria na mi un korson puru; arnoba dentru di mi un spiritu retu.

Salmus 51:6

Bu ta kontenti ku bardadi na korson, bu ta inci ña kabesa ku jiresa.

Salmus 73:1

Na bardadi, Deus i bon pa Israel, pa kilis ku tene korson limpu.

Isaias 56:10

Tudu se sintinelas e segu; nada e ka sibi. Elis tudu e sedu kacuris mudu, ku ka pudi ladra. E ta dita, e suña; e gosta di durmi.

Isaias 9:16

Kilis ku ta gia e pobu e ta ngana elis; ki jinti ke na gia e sta pirdidu.

Jeremias 31:33

“Es i kontratu ku N na fasi ku pobu di Israel na ki tempu: Ami, SIÑOR, N na pui ña lei na se kabesa, N na skirbil na se korson. N na sedu se Deus; elis e na sedu ña pobu.

Ezekiel 11:19

N na da elis un korson son, N na pui spiritu nobu dentru delis. N na tira elis korson di pedra, N da elis korson di karni,

Mateus 11:25

Na ki ora Jesus fala: “Obrigadu, ña Pape, Siñor di seu ku tera, pabia bu sukundi e kusas di jinti jiru i ntindidu, bu mostra mininus el.

Mateus 15:14

Bo disa elis; e sedu gias segu. Ora ku un segu gia utru segu, tudu dus ta kai na koba.”

Mateus 22:29

Jesus ruspundi elis: “Bo sta nganadu. Bo ka kunsi Skritura nin puder di Deus.

Lukas 2:46

Dipus di tris dia e ojal na kasa di Deus, sintadu na metadi di pursoris; i na obi ke ke na fala, i na fasi elis purguntas.

Lukas 5:17

Un dia, oca ki na nsina jinti, i staba la tambi sintadu fariseus ku pursoris di lei, ku binba di Jerusalen ku tudu tabanka di Galileia ku Judeia. Puder di Siñor staba ku el pa kura.

Bon Noba di Jesus Kristu ku Jon 3:9

Nikodemus ruspundi, i puntal: “Kuma ku e kusas pudi sedu?”

Atus 5:34

ma un fariseu ku comadu Gamaliel, dutur di lei, ku tudu jinti rispita, i lanta na metadi di Konseliu, i manda pa tira apostolus fora un bokadu.

Romanus 2:28

Judeu i ka son kilis ku parsil di fora, nin i ka kilis ku sirkunsidadu na kurpu,

Ripitison di Lei 10:16

Bo tira susidadi na bo korson; bo para fasi risu kabesa.

Ripitison di Lei 30:6

SIÑOR bu Deus na tira maldadi di bu korson, ku korson di bu fijus, pa bu pudi ama SIÑOR bu Deus di tudu bu korson ku bu alma, pa bu pudi tene vida.

Filipensis 3:3

I anos ku risibi sirkunsison di bardadi, pabia no ta adora Deus na Spiritu. No njatamentu i na Kristu Jesus; no ka fiansa na kusas di kurpu.

Kolosensis 2:11

Na bo union ku Kristu bo sirkunsidadu; i ka ku mon di omi na kurpu, ma i sirkunsison di Kristu, pa liberta di naturesa di karni.