Bon Noba di Jesus Kristu ku Jon 20:19 - BIBLIA - traduson antigu in Krioulo

¹⁹ Na ki mesmu purmeru dia di semana, di tardi, disipulus juntaba na un kau ku portas ficadu, ku medu di ŝefis di judeu. Jesus parsi na se metadi, i fala elis: “Pas ta sta ku bos.”

Bon Noba di Jesus Kristu ku Jon 20:19 ပူးပေါင်းရင်းမြစ်များ

Salmus 122:8

Pabia di ña ermons ku amigus, N na fala: “Pas pa i sta dentru di bo!”

Mateus 10:13

Si e seta, bo pas ta fika ku elis, ma si e ka seta, bo ta leba bo pas.

Mateus 18:20

pabia, nunde ku dus o tris junta na ña nomi, N na sta na se metadi.”

Markus 16:14

Pa kabantada i parsi pa ki onzi, oca e staba na mesa. I kulpa elis pa se falta di fe ku duresa di korson, pabia e ka fia na kilis ku ojal dipus di i lanta di mortu.

Bon Noba di Jesus Kristu ku Jon 14:27

N na disa bos ku pas; N na da bos ña pas. N ka na da bos el suma ku mundu ta da. Bo diskansa bo korson tarpajadu; ka bo medi.

Bon Noba di Jesus Kristu ku Jon 16:22

Asin tambi, abos gosi na bardadi bo tene kasabi, ma N na torna oja bos; bo korson na inci alegria; ningin ka na pudi tira bos el.

Bon Noba di Jesus Kristu ku Jon 16:33

N konta bos e kusas pa bo ten pas na mi. Na mundu bo na tene foronta, ma bo ten koraẑen; ami N ngaña mundu.”

Bon Noba di Jesus Kristu ku Jon 20:21

Jesus torna fala elis: “Pas ta sta ku bos. Suma ku ña Pape mandan, asin tambi N na manda bos.”

Bon Noba di Jesus Kristu ku Jon 20:26

Oca oitu dia pasaba ja, si disipulus staba dentru utru bias. Tome staba la ku elis. Kontudu portas ficadu, Jesus ciga, i parsi na se metadi, i fala elis: “Pas ta sta ku bos.”

Bon Noba di Jesus Kristu ku Jon 21:1

Dipus de kusas, Jesus bin parsi utru bias dianti di si disipulus, lungu di mar di Tiberíadis, ne manera.

Bon Noba di Jesus Kristu ku Jon 21:14

Es i terseru bias ku Jesus parsi dianti di si disipulus dipus di lanta di mortu.

Bon Noba di Jesus Kristu ku Jon 7:13

Mesmu asin ningin ka fala klaru aserka del, pabia e tenba medu di judeus.

Atus 1:3

Dipus di si mortu, Jesus ta parsiba sempri se dianti duranti korenta dia; na manga di manera i da proba klaru kuma i sta bibu; i fala elis kusas di renu di Deus.

Romanus 15:33

Deus, no fonti di pas, pa i sta ku bos tudu. Amen.

1 Koríntius 15:5

Pedru ojal; dipus, dozi apostolu ojal;

Efésius 2:14

I el ki no pas; i fasi judeu ku jintiu un pobu son. Ku si kurpu propi i kebra inimisadi ku staba suma un paredi pa separa elis. I kaba ku lei di judeus ku si mandamentu ku regra, pa i fasi di ki dus rasa un nobu pobu unidu ku el, de manera pa fasi elis pas,

Efésius 6:23

N misti pa Deus no Pape ku Siñor Jesus Kristu da ermons pas ku amor ku fe;

Filipensis 1:2

N misti pa Deus no Pape ku Siñor Jesus Kristu da bos fabur ku pas.

2 Tesalonisensis 3:16

Siñor propi, ki fonti di pas, pa i da bos pas sempri na tudu tempu, na tudu manera. Siñor ta sta ku bos tudu.

Ebreus 7:2

Abraon dal desimu parti di tudu ki tisi. Si nomi mostra purmeru kuma i rei justu. Dipus tambi i rei di Salen, ku sedu rei di pas.

3 Jon 1:14

N fia kuma N ka na tarda pa ojau; asin no ta papia uju ku uju.

Apokalipsi 1:4

Ami Jon N na skirbi pa seti igreẑa ku sta na pruvinsia di Asia. N misti pa Deus da bos fabur ku pas, Deus ku sedu, ku seduba, ku ten ku bin, ku ki seti spiritu ku sta dianti di si tronu,