Bon Noba di Jesus Kristu ku Jon 20:17 - BIBLIA - traduson antigu in Krioulo

¹⁷ Jesus falal: “Ka bu pegan, pabia N ka subi inda pa ña Pape, ma bai pa ña ermons, bu fala elis kuma N na subi pa ña Pape ki bo Pape, ña Deus ki bo Deus.”

Bon Noba di Jesus Kristu ku Jon 20:17 ပူးပေါင်းရင်းမြစ်များ

2 Reis 4:29

Eliseu fala Jeazi: “Mara bu panu, bu toma ña po bu pegal na mon, bu bai. Si bu kontra ku algin, ka bu falal manteña. Si algin falau tambi manteña, ka bu kudil. Bai son, bu bai pui ña po na rostu di mininu.”

2 Reis 7:9

Dipus e fala ŋutru: “No ka na fasi diritu. Aos i dia di bon noba; ali no na kala ku el! Si no pera tok sol mansi, kualker mal na ojanu. I bon pa no bai gosi, no bai konta na kasa di rei.”

Salmus 22:22

N na papia di bu nomi pa ña ermons; N na ngabau na metadi di juntamentu.

Salmus 43:4

Asin N na bai pa altar di Deus, ki Deus ku sedu ña garandi kontentamentu; N na ngabau ku arpa, o Deus, ku sedu ña Deus.

Salmus 48:14

E Deus i no Deus pa sempri; el i na sedu no gia te na mortu.

Salmus 68:18

Bu subi na kau altu, bu leba manga di katibu ku bo; bu risibi ofertas di omis, mesmu di disobdientis, pa abo, SIÑOR Deus, bu pudi mora la.

Salmus 89:26

El i na coman, i fala: ‘Abo i ña Pape, ña Deus, Roca ku ta salban’

Isaias 41:10

Ka bu medi, pabia N sta ku bo; ka bu panta; ami i bu Deus, N na dau forsa, N na judau, N na nguentau ku mon direita ku ta fasi kusas diritu.

Jeremias 31:33

“Es i kontratu ku N na fasi ku pobu di Israel na ki tempu: Ami, SIÑOR, N na pui ña lei na se kabesa, N na skirbil na se korson. N na sedu se Deus; elis e na sedu ña pobu.

Jeremias 32:38

E na sedu ña pobu; ami N na sedu se Deus.

Ezekiel 36:28

Bo na mora na tera ku N da bo papes, bo na sedu ña pobu; ami N na sedu bo Deus.

Ezekiel 37:27

Ña kau di mora na sta ku elis; N na sedu se Deus, e na sedu ña pobu.

Mateus 12:50

pabia kil ku ta fasi vontadi di ña Pape ku sta na seu, el ki ña ermon macu, ña ermon femia ku ña mame.”

Mateus 25:40

Rei na ruspundi elis: ‘Na bardadi, N na konta bos, kada bias ku bo fasilba pa un de ña ermons mas pikininu, i ami propi ku bo fasil.’

Mateus 28:7

Bo bai dipresa, bo fala si disipulus kuma i lanta ja di mortu, i na bai bo dianti pa Galileia; bo na ojal la. Ali N konta bos el.”

Markus 12:26

Kusa di mortus lanta, bo ka lei na libru di Moisés nunde ku Deus papia ku el na ki arvurisiñu ku na yardi, i falal: ‘Ami i Deus di Abraon, Deus di Isak, Deus di Jakó’?

Markus 16:19

Dipus di Siñor Jesus papia ku elis, i lebadu pa seu, i sinta na mon direita di Deus.

Lukas 10:4

Ka bo leba kartera, nin saku, nin sandalia, nin ka bo para pa fala manteña na kamiñu.

Bon Noba di Jesus Kristu ku Jon 13:1

Antis di festival di Paskua, Jesus sibiba ja kuma ora ciga pa i disa e mundu pa i bai pa si Pape. Suma ki ama kilis ki di sil ku staba ne mundu, i ama elis te na fin.

Bon Noba di Jesus Kristu ku Jon 13:3

Jesus sibiba kuma si Pape dal tudu puder; i sibi tambi kuma i sai di Deus, i na riba pa Deus.

Bon Noba di Jesus Kristu ku Jon 14:2

Kasa di ña Pape tene manga di moradia; si i ka asin ba, N na kontaba bos. N na bai purpara bos lugar.

Bon Noba di Jesus Kristu ku Jon 14:28

Bo obi ke ku N fala bos, kuma N na bai, N na bin bin pa bos. Si bo aman di bardadi, bo ta kontenti suma ku N fala bos kuma N na bai pa ña Pape, pabia el i mas mi puder.

Bon Noba di Jesus Kristu ku Jon 14:6

Jesus falal: “Ami i kamiñu, ami i bardadi, ami i vida. Si algin misti bin pa ña Pape, i ten ku pasa purmeru na mi.

Bon Noba di Jesus Kristu ku Jon 16:28

N sai di ña Pape, N bin pa mundu; gosi N na disa mundu pa N bai pa ña Pape.”

Bon Noba di Jesus Kristu ku Jon 17:11

N ka sta ja na mundu, ma elis e sta na mundu. Ami N na bai pa bo. Pape santu, guarda na puder di bu nomi kilis ku bu dan, pa e sedu un son suma nos.

Bon Noba di Jesus Kristu ku Jon 17:25

Pape justu, jinti di mundu ka kunsiu, ma ami N kunsiu; esis e sibi kuma i abo ku mandan.

Bon Noba di Jesus Kristu ku Jon 17:5

Pape, glorifikan juntu di bo propi ku ki gloria ku N teneba ku bo antis di mundu sedu.

Bon Noba di Jesus Kristu ku Jon 20:27

Dipus i fala Tome: “Pui bu dedu li, bu jubi ña mon; ciganta bu mon, bu mitil na ña pontada; ka bu sedu duvidosu, ma sedu krenti.”

Bon Noba di Jesus Kristu ku Jon 7:33

Jesus fala jinti: “Inda un bokadu di tempu N na sta ku bos. Dipus N na bai pa kil ku mandan.

Romanus 8:29

Kilis ki kunsi disna di kumsada, tambi i distinaba ja elis pa e parsi suma si Fiju, pa ki Fiju pudi sedu garandi na metadi di manga di ermon.

2 Koríntius 6:18

N ta sedu bo pape; bo ta sedu ña fijus macu ku femia. Asin ku Siñor ku ten tudu puder fala.”

Gálatas 3:26

Pabia di fe na Kristu Jesus, abos tudu bo sedu fijus di Deus.

Ebreus 11:16

ma e misti un tera minjor di ki kila, ku sedu na seu. E ku manda tambi Deus ka sinti borgoña delis, pa e comal se Deus, pabia i ranja elis un prasa.

Ebreus 8:10

I torna fala mas: “Kontratu ku N na fasi ku pobu di Israel dipus di ki dias i es: N na pui ña leis na se ntindimentu; N na skirbi elis na se korson; N na sedu se Deus; elis e na sedu ña pobu.

1 Pedru 1:3

No ngaba Deus, Pape di no Siñor Jesus Kristu. Pabia di si garandi pena, i fasi pa no padidu utru bias, pa no pudi ten speransa bibu, manera ki lantanda Jesus Kristu na metadi di mortus.

1 Jon 3:2

Ña kiridu ermons, gosi no sedu fijus di Deus; ke ku no na bin sedu i ka klaru inda, ma no sibi, ora ku Kristu bin, no na sedu suma el, pabia no na ojal manera ki sedu.

Apokalipsi 21:3

N obi un garandi vos ku sai na tronu, ku na fala: “Gosi ja Deus ten si morada na metadi di jinti. I na mora ku elis, e na sedu si pobu. Deus propi na sta ku elis, i na sedu se Deus.

Apokalipsi 21:7

Kil ku ngaña, i na yarda tudu e kusas. Ami N na sedu si Deus, el i na sedu ña fiju.