Bon Noba di Jesus Kristu ku Jon 19:17 - BIBLIA - traduson antigu in Krioulo

¹⁷ Jesus karga si krus na kosta, i sai i bai pa un lugar ku ta comadu Kaku di Kabesa, ku na ebraiku signifika Gólgota.

Bon Noba di Jesus Kristu ku Jon 19:17 ပူးပေါင်းရင်းမြစ်များ

Kumsada 22:6

Abraon toma leña pa oferta kemadu, i karganta si fiju Isak. El i toma fugu ku faka na mon; e bai, elis dus.

1 Reis 21:13

Dus malandru yentra, e bai dianti di Nabot, e testifika kontra el dianti di pobu, e fala: “Nabot papia mal kontra Deus ku rei.” Jinti lebal fora di prasa, e dal ku pedras tok i muri.

Sirmonias 24:14

“Ki algin ku papia mal, tiral fora di kampamentu. Tudu kilis ku obil e na pui se mon riba di kabesa di ki algin; dipus, tudu juntamentu na dal ku pedra.

Mateus 10:38

Kin ku ka toma si krus pa bin ña tras, i ka mersi sedu di mi.

Mateus 16:24

Jesus fala si disipulus: “Si algin misti bin ku mi, i ten ku nega si kabesa, i lambu si krus, i sigin.

Mateus 27:37

E pui un kusa skritu riba di si kabesa pa mostra si akusason, ku fala: “ES I JESUS, REI DI JUDEUS.”

Markus 10:21

Jesus finkal uju, i sinti amor pa el, i falal: “Un kusa son ku faltau. Bai, bu bindi tudu ku bu tene, bu da ki diñeru pa pobris, bu ta tene rikesa na seu. Dipus, bu ta bin, bu sigin.”

Markus 15:26

Riba del e skirbi si akusason, ku fala: “REI DI JUDEUS”.

Markus 15:32

Suma el i Mesias, Rei di Israel, pa i ria na krus gosi pa no pudi oja, no fia!” Kilis ku krusifikadu ku el e na kobalba tambi.

Markus 8:34

Dipus i coma jinti tudu, ku si disipulus, i fala elis: “Si algin misti bin ku mi, i ten ku nega si kabesa, i lambu si krus, i sigin.

Lukas 14:27

Kil ku ka lambu si krus pa i bin ña tras, i ka pudi sedu ña disipulu.

Lukas 23:26

Oca ke na lebal, e paña un omi comadu Simon, di prasa di Sireni, ku na binba di matu. E kargantal krus na kosta pa i lebal tras di Jesus.

Lukas 23:33

Oca e ciga na lugar comadu Kaku di Kabesa, la ke krusifikal, ku ki kriminosus, un son na direita, utru na skerda.

Lukas 23:38

Riba del i staba skritu e palabra: “ES I REI DI JUDEUS.”

Lukas 9:23

Dipus i fala elis tudu: “Si algin misti bin ku mi, i ten ku nega si kabesa. Kada dia i ten ku lambu si krus, i sigin.

Bon Noba di Jesus Kristu ku Jon 19:13

Oca Pilatus obi ki palabra, i leba Jesus pa fora, i sinta na tribunal na un kau ku ta comadu Kalsada di Pedra; na lingua ebraiku i comadu Gabata.

Bon Noba di Jesus Kristu ku Jon 5:2

I tenba na Jerusalen, pertu di porton di karnel, un pisina ku ta comadu Betesda na lingua ebraiku. I tenba sinku baranda na roda del.

Atus 7:58

e fercal fora di prasa, e dal ku pedras. Tustumuñas ditanda se ropa na pe di un joven ku comadu Saulu.