Bon Noba di Jesus Kristu ku Jon 19:11 - BIBLIA - traduson antigu in Krioulo

¹¹ Jesus falal: “Ñu ka na tenba nin un puder kontra mi si Deus ka da Ñu el, ma kil ku ntregan na mon di Ñu ten pekadu mas garandi.”

Bon Noba di Jesus Kristu ku Jon 19:11 ပူးပေါင်းရင်းမြစ်များ

1 Kronikas 29:11

Abo, SIÑOR, i garandi; bu ten puder ku rispitu ku vitoria; abo i Rei gloriosu. Tudu ku sta na seu ku tera i di bo. Renu i di bo, SIÑOR; abo i kabesa ku sta riba di tudu.

Salmus 39:9

N fika mudu, N ka na yabri ña boka, pabia i abo ku fasi es.

Salmus 62:11

Deus papia un bias; ami N obi dus kusa: kuma puder pertensi Deus;

Miskiñu di Jeremias 3:37

Kin ku pudi fala un kusa, i bin sedu, si SIÑOR ka manda pa i sedu?

Daniel 4:17

“‘I anjus ku na anunsia e disison; santus ku na da e ordi, pa jinti bibu e pudi sibi kuma Deus ku sta riba di tudu i ta manda riba di renus di mundu, i ta da elis pa kin ki misti, nin ki omi mas umildi di tudu ki pui riba delis.’

Daniel 4:25

Bu na serkadu na metadi di jinti, bu na mora juntu ku limarias na matu, bu na kume paja suma baka; serenu di seu na kai riba di bo. Seti tempu na pasa riba di bo tok bu rikuñisi kuma Deus ku sta riba di tudu i ta manda riba di renus di mundu, i ta dal pa kin ki misti.

Daniel 4:32

Bu na serkadu na metadi di jinti, bu na mora juntu ku limarias di matu, bu na kume paja suma baka. Seti tempu na pasa riba di bo, tok bu ntindi kuma, i Deus ku sta riba di tudu ku ta manda riba di renus di mundu, i ta da elis pa kin ki misti.”

Daniel 4:35

Tudu moraduris di mundu ojadu suma nada si dianti. I ta fasi konformi ki misti ku puderis di seu, ku moraduris di tera. I ka ten kin ku pudi paral si mon, ku fadi pa puntal: “Ke ku bu na fasi?”

Daniel 5:21

I serkadu na metadi di jinti, si pensamentu bida suma di limaria; i moraba juntu ku burus di montis; i ta kume paja suma baka; serenu di seu ta mojalba, tok i bin ntindi kuma, i Deus ku sta riba di tudu ku ta manda riba di renus di mundu, i ta pui riba delis kin ki misti.

Mateus 26:65

Na ki ora ŝef di saserdotis rumpi si ropa, i fala: “Es i lebsimenti! Kal tustumuña ku no misti mas? Gosi bo kaba ja obi manera ki lebsi Deus!

Mateus 27:2

E maral ku korenti, e lebal, e bai ntrega gubernadur Pilatus.

Mateus 6:13

Ka bu lebanu pa tentason, ma libranu di ki algin malvadu. [Pabia renu i di bo, ku puder ku gloria pa sempri. Amen.]’

Markus 14:44

Falsiadur da elis un sinal, i fala elis: “Kil ku bo oja N da beẑu, bo ta sibi kuma i el; bo ta prindil, bo lebal suguru.”

Lukas 22:53

N ta staba ku bos tudu dia na kasa di Deus; nunka bo ka pui mon na mi, ma es i bo ora; i sukuru ku ten ja forsa.”

Bon Noba di Jesus Kristu ku Jon 18:13

E lebal purmeru pa Anás, pabia Anás i seduba pape di minjer di Kaifás, ku seduba ŝef di saserdotis na ki anu.

Bon Noba di Jesus Kristu ku Jon 18:3

Ŝefis di saserdoti ku fariseus da Judas un grupu di tropas ku guardas. I bai la ku elis, ku lanternas ku pacu di fugu ku material di gera.

Bon Noba di Jesus Kristu ku Jon 19:10

Pilatus puntal: “Bu ka na ruspundin? Bu ka sibi kuma N ten puder pa krusifikau, ku puder pa largau?”

Bon Noba di Jesus Kristu ku Jon 3:27

Jon ruspundi: “Ningin ka pudi risibi nada si Deus ka dal el.

Bon Noba di Jesus Kristu ku Jon 7:30

E mistiba prindi Jesus, ma ningin ka toka nel, pabia si ora ka cigaba inda.

Bon Noba di Jesus Kristu ku Jon 9:41

Jesus fala elis: “Si bo segu ba, bo ka ta teneba pekadu, ma suma gosi bo na fala kuma bo na oja, e ku manda bo na fika ku bo pekadu.”

Atus 2:23

Deus sibiba ja ke ku na sedu. Konformi si planu, bo ntregadu Jesus. Bo tomal, bo krusifikal, bo matal pa mon di omis malvadu,

Atus 3:13

Deus di Abraon, Isak ku Jakó, Deus di no papes, i glorifika si servu Jesus, kil ku bo ntrega na otridadi, ku bo nega dianti di Pilatus, oca ku kila mistiba largal.

Atus 4:28

E lanta pa fasi tudu ku bu puder ku bu vontadi markaba ja pa i kontisi.

Romanus 11:36

Tudu kusa, i el ku kumpul, el ku ta sustental; i pa el tambi. Gloria pa el pa sempri! Amen.

Romanus 13:1

Kada kin dibi di obdisi otridadi ku sta riba del, pabia i ka ten otridadi ku ka bin di Deus. Otridadi ku ten, Deus ku pul.

Tiagu 1:17

Tudu bon pursenti ku tudu kusa diritu ku no patidu, i bin di riba; i disi di Pape, dunu di lus di seu, ku ka ta muda, ku ka tene sombra.

Tiagu 4:17

Kil ku sibi fasi ben, i ka fasil, i na fasi pekadu.