Bon Noba di Jesus Kristu ku Jon 17:11 - BIBLIA - traduson antigu in Krioulo

¹¹ N ka sta ja na mundu, ma elis e sta na mundu. Ami N na bai pa bo. Pape santu, guarda na puder di bu nomi kilis ku bu dan, pa e sedu un son suma nos.

Bon Noba di Jesus Kristu ku Jon 17:11 ပူးပေါင်းရင်းမြစ်များ

Salmus 79:9

Judanu, o Deus no Salbadur, pa gloria di bu nomi; libranu, bu purdanu no pekadus pa amor di bu nomi.

Ditus 18:10

Nomi di SIÑOR i suma tori forti; algin justu ta kuri pa el, i fika suguru.

Isaias 27:3

Ami, SIÑOR, N ta bisial, N ta regual tudu ora. N ta guardal di dia ku di noti pa ka ningin fasil mal.

Isaias 64:2

suma ora ku fugu sindi na leña, i pui yagu pa i firbi! Asin bu ta pui bu inimigus pa e kunsi bu nomi; nasons ta tirmi bu dianti!

Jeremias 14:21

Pa amor di bu nomi, ka bu neganu. Ka bu pui tronu di bu gloria na borgoña. Lembra di bu kontratu ku nos; ka bu mainal.

Jeremias 14:7

O SIÑOR, mesmu ku no pekadu i na akusanu, fasi kualker kusa pa amor di bu nomi. No disvia manga di bias, no peka kontra bo.

Ezekiel 20:22

Ma N ka bin fasil; pa amor di ña nomi N disa, pa ka ña nomi bin danadu na uju di nasons ku N tira se dianti.

Ezekiel 20:44

Abos, pobu di Israel, bo na sibi kuma N sedu SIÑOR ora ku N trata ku bos pa amor di ña nomi; N ka na trata ku bos konformi bo mau kamiñus, nin konformi ki kusas nujenti ku bo fasi. Asin ku SIÑOR Deus fala.’ ”

Ezekiel 20:9

Ma pa amor di ña nomi N bin disa, pa ka ña nomi bin danadu na uju di nasons ke staba na se metadi, pabia i se dianti ku N pui Israel kunsin, pa tira elis na tera di Ejitu.

Mateus 10:16

Ali N na manda bos suma karnel na metadi di lubu; gosi bo dibi di jiru suma kobra, mansu suma pumba.

Mateus 5:48

Bo sedu pirfitu suma bo Pape ku sta na seu.

Mateus 6:9

E ku manda bo dibi di ora asin: ‘No Pape ku sta na seu, no misti pa bu nomi rispitadu,

Bon Noba di Jesus Kristu ku Jon 13:1

Antis di festival di Paskua, Jesus sibiba ja kuma ora ciga pa i disa e mundu pa i bai pa si Pape. Suma ki ama kilis ki di sil ku staba ne mundu, i ama elis te na fin.

Bon Noba di Jesus Kristu ku Jon 13:3

Jesus sibiba kuma si Pape dal tudu puder; i sibi tambi kuma i sai di Deus, i na riba pa Deus.

Bon Noba di Jesus Kristu ku Jon 14:20

Na ki dia bo na sibi kuma ami N sta na ña Pape, abos na mi, ami na bos.

Bon Noba di Jesus Kristu ku Jon 16:28

N sai di ña Pape, N bin pa mundu; gosi N na disa mundu pa N bai pa ña Pape.”

Bon Noba di Jesus Kristu ku Jon 16:33

N konta bos e kusas pa bo ten pas na mi. Na mundu bo na tene foronta, ma bo ten koraẑen; ami N ngaña mundu.”

Bon Noba di Jesus Kristu ku Jon 17:23

ami nelis, abo na mi, pa elis e ten unidadi diritu, pa mundu sibi kuma abo ku mandan, tambi bu ama elis suma ku bu aman.

Bon Noba di Jesus Kristu ku Jon 17:25

Pape justu, jinti di mundu ka kunsiu, ma ami N kunsiu; esis e sibi kuma i abo ku mandan.

Bon Noba di Jesus Kristu ku Jon 17:6

“Kilis ku bu tira na mundu, bu dan, N fasi elis pa e kunsiu. E seduba di bo, bu dan elis, e obdisi bu palabra.

Bon Noba di Jesus Kristu ku Jon 7:33

Jesus fala jinti: “Inda un bokadu di tempu N na sta ku bos. Dipus N na bai pa kil ku mandan.

Atus 3:21

Ma i ten ku fika na seu te ora ku tempu ciga ku Deus na arnoba tudu kusa, suma ki fala disna na boka di si santu anunsiaduris.

Romanus 12:5

asin tambi anos no ciu, ma no sedu un kurpu son na Kristu. Kada kin sedu un parti ku liga ku utrus.

Romanus 9:17

Na Skritura Deus fala Faraó: “E ku manda N lantandau, pa N mostra ña puder na bo, pa ña nomi kontadu na tudu mundu.”

1 Koríntius 1:10

Ermons, N pidi bos, na nomi di no Siñor Jesus Kristu, pa abos tudu bo fala un kusa son. Ka bo sedu divididu, ma bo uni na un pensamentu ku un sintidu.

Gálatas 3:28

Asin i ka ten judeu ku gregu, i ka ten katibu ku libri, i ka ten macu ku femia, pabia abos tudu bo sedu un son na Kristu Jesus.

Efésius 4:4

I ten un kurpu son, ku un Spiritu son, suma tambi ki ten un speransa son ku bo comadu pa el.

Filipensis 2:9

Pa e roson Deus yalsal te lugar mas altu, i dal un nomi riba di tudu utru nomi,

Ebreus 1:3

I el ku sedu briliu di gloria di Deus, ku si parsensa sertu; el ku nguenta tudu kusa ku puder di si palabra. Dipus di da si vida pa yangasa limpesa di no pekadu, i sinta na mon direita di garandi Rei na seu.

Ebreus 9:24

pabia Kristu ka yentra na ki lugar sagradu ku omi kumpu, ku sedu figura di kil ki di bardadi, ma i yentra na seu propi, pa parsi dianti di Deus pa nos.

Tiagu 4:4

Abos jinti ku ka fiel pa Deus, bo ka sibi kuma amisadi ku mundu i inimisadi ku Deus? Asin, kil ku misti sedu amigu di mundu i ta bida inimigu di Deus.

1 Pedru 1:5

Pabia di bo fe, bo sta guardadu na puder di Deus pa salbason ku sta ja purparadu pa mostra na kabantada di tempu.

1 Jon 3:12

I ka suma Kain ku seduba di ki malvadu, i mata si ermon. Ke ku manda i matal? I pabia i ta fasi kusas mau; si ermon ta fasi kusas bon.

1 Jon 5:19

No sibi kuma no sedu di Deus, ma tudu mundu sta bas di puder di ki malvadu.

Judas 1:1

Ami Judas, servu di Jesus Kristu, ermon di Tiagu, N na skirbi pa kilis ku Deus coma, ku vivi na amor di Deus no Pape, ku Jesus Kristu ta guarda suguru.

Judas 1:24

Deus ku ten puder pa libra bos di kai, pa leba bos dianti di si pursensa gloriosu, sin kulpa, ku alegria,

Apokalipsi 15:4

Siñor, kin ku ka na medi bo? Kin ku ka na ngaba bu nomi? Abo son ki puru. E ku manda tudu nasons na bin, e na kai bu dianti pa adorau, pabia kusas justu ku bu fasi, tudu jinti pudi ojal.”

Apokalipsi 19:12

Si uju na lampra suma fugu; i tenba manga di koroa na si kabesa. Riba del i skirbidu un nomi ku ningin ka kunsi; son el ku kunsil.

Apokalipsi 4:8

Kada un di ki kuatru kriatura bibu teneba seis asa; ujus kubri elis na tudu ladu, dentru ku fora. Di dia ku di noti, sin diskansu, e ta fala: “Santu, santu, santu! Siñor Deus ku ten tudu puder i santu, kil ku seduba, ku sedu, ku ten ku bin.”