Bon Noba di Jesus Kristu ku Jon 15:5 - BIBLIA - traduson antigu in Krioulo

⁵ “Ami i suma pe di uva, abos i ramus. Kin ku sta na mi, ami N sta nel, i ta padi frutu ciu, pabia sin mi bo ka pudi fasi nada.

Bon Noba di Jesus Kristu ku Jon 15:5 ပူးပေါင်းရင်းမြစ်များ

Ditus 11:30

Frutu di bondadi i arvuri di vida. Kil ku ngaña jinti pa Deus i jiru.

Oseias 4:8

Suma ku pekadu di ña pobu ta da elis bon purbitu, saserdotis ta ten forti diseẑu pa kilas kontinua na maldadi.

Mateus 13:21

ma i ka ta tarda pabia i ka tene rais nel. Ora ku kasabi bin, jinti lanta kontra el pabia di palabra, ki ora i ta disvia.

Bon Noba di Jesus Kristu ku Jon 12:24

N na konta bos bardadi kuma, si garan di arus ka kai na con, i ka muri, i ta fika el son, ma si i muri i ta padi ciu.

Bon Noba di Jesus Kristu ku Jon 15:16

Abos bo ka kujin, ma i ami ku kuji bos, N coma bos pa bo bai, bo padi frutu, pa bo frutu fika ntidu, pa Pape pudi da bos tudu ku bo pidil na ña nomi.

Bon Noba di Jesus Kristu ku Jon 5:19

Jesus ruspundi elis: “N na konta bos bardadi kuma, Fiju, el son, ka pudi fasi nada si i ka oja si Pape fasil, pabia tudu kil ku Pape fasi, Fiju tambi ta fasil.

Bon Noba di Jesus Kristu ku Jon 9:33

Si ki omi ka sedu di Deus, i ka na pudi fasi nada.”

Atus 4:12

I ka ten nin utru algin ku pudi salba, pabia ne mundu li, Deus ka da jinti nin utru nomi ku pudi salbanu.”

Romanus 12:5

asin tambi anos no ciu, ma no sedu un kurpu son na Kristu. Kada kin sedu un parti ku liga ku utrus.

Romanus 6:22

Ma gosi, bo sta libri di pekadu, bo fasidu katibus di Deus. Frutu ku bo tene gosi na leba bos pa puresa, dipus pa vida ku ka ta kaba.

Romanus 7:4

Asin tambi, ña ermons, bo sta mortu pa lei, manera ku bo sedu kurpu di Kristu, pa bo pudi sedu di utru, ku sedu kil ku lantandadu na metadi di mortus, pa no pudi da frutu pa Deus.

1 Koríntius 10:16

Kopu ku no usa na Sia di Siñor, ku no ta fala Deus obrigadu pa el, si no bibi nel no na toma parti di sangi di Kristu. Pon tambi ku no ta kebra, si no kumel no na toma parti di kurpu di Kristu.

1 Koríntius 12:12

Kristu i suma un kurpu son ku tene manga di parti. Kontudu e ciu, ma e ta junta pa e sedu un kurpu son.

1 Koríntius 12:27

Abos ku sedu kurpu di Kristu; kada un di bos sedu un parti di si kurpu.

2 Koríntius 13:8

No ka pudi fasi nada kontra bardadi, ma no pudi fasi son na fabur di bardadi.

2 Koríntius 9:10

Deus ku ta da simentera pa kil ku na sumia, ku pon pa kume, tambi i ta da bos kusa di sumia, i ta buril, tok bo bondadi i ta da manga di frutu ku na riba pa bos.

Gálatas 5:22

Spiritu di Deus ta padi frutu di amor, alegria, pas, pasensa, pruntidon pa juda, bondadi, sedu algin di fiansa, mansesa ku puder pa guberna kurpu.

Efésius 5:9

Nunde ku lus sta, tudu bondadi ta nasi, ku kusa justu, ku bardadi.

Filipensis 1:11

Ku puder ku Jesus Kristu ta pui dentru di bos, bo ta mostra ki bon manera di sedu ku ta pui jinti glorifika Deus, pa e ngabal.

Filipensis 4:13

N ten forsa pa tudu kusa pabia di Kristu ku ta dan puder.

Filipensis 4:17

I ka kuma N misti son oferta, ma N misti pa Deus buri bos ngañu pa kil ku bo fasi.

Kolosensis 1:10

pa bo pudi yanda na manera dignu di Siñor, pa i pudi kontenti ku bos na tudu, pa bo vida mostra tudu koldadi frutu na bon kusas ku bo ta fasi, pa bo kirsi na kuñisimentu di Deus.

Kolosensis 1:6

suma tambi ki bai pa tudu mundu. Na tudu parti i na kirsi, i na da frutu, suma na bo metadi tambi, disna di dia ku bo obi di grasa di Deus, bo rapara kuma i bardadi.

Tiagu 1:17

Tudu bon pursenti ku tudu kusa diritu ku no patidu, i bin di riba; i disi di Pape, dunu di lus di seu, ku ka ta muda, ku ka tene sombra.

1 Pedru 2:4

Si bo bin pa el, ku sedu pedra bibu ku omi nega na bardadi, ma ku Deus kuji pabia i di balur,

2 Pedru 3:18

Mas minjor bo bai dianti na fabur ku kuñisimentu di no Siñor i Salbadur Jesus Kristu. El pa i dadu gloria, disna di gosi, suma pa tudu sempri. Amen.