Bon Noba di Jesus Kristu ku Jon 15:24 - BIBLIA - traduson antigu in Krioulo

²⁴ Si N ka fasiba e kusas na se metadi ku nunka ningin ka fasi, e ta tenba diskulpa na se pekadu, ma gosi e oja kil ku N fasi, e nfastian, ami ku ña Pape.

Bon Noba di Jesus Kristu ku Jon 15:24 ပူးပေါင်းရင်းမြစ်များ

Salmus 81:15

Kilis ku ten odiu di SIÑOR e na ribaba tras ku medu; se kastigu na kontinuaba pa sempri.

Saida 20:5

Ka bu mpina pa elis, nin ka bu adora elis, pabia ami i SIÑOR bu Deus, ku ta ten siumi. Kilis ku ta odian, N ta kastiga se maldadi riba di se fijus, netus, ku bisnetus,

Ditus 8:36

Kil ku peka kontra mi i dana si propi vida; tudu kilis ku aburisin e misti mortu.”

Mateus 11:5

Kilis ku segu e na oja; mankus na yanda; kilis ku tene mpincu na kuradu; kilis ku surdu na obi; kilis ku muri na lanta; koitadis na kontadu Bon Noba.

Mateus 21:32

Jon bin pa nsina bos kamiñu retu, ma abos bo ka fial. Kobraduris di mpustu ku minjeris ku ta bindi se kurpu e fia nel, ma abos, mesmu ku bo oja ki kusa, bo ka ripindi pa bo fia nel.

Mateus 9:33

Jesus serka spiritu mau; omi ku mudu ba kumsa na papia. Jinti fika dimiradu tok e na fala: “Nunka i ka ojadu un kusa suma es na Israel.”

Markus 2:12

I lanta janan, i toma si kanape, i sai. Tudu jinti ojal, e fika dimiradu, e ngaba Deus, e fala: “Nunka no ka oja kusa suma es!”

Lukas 24:19

I punta elis: “Kal kusas?” E ruspundi: “Kusas ku kontisi ku Jesus di Nazaré. Ki omi seduba anunsiadur ku ten puder na kusas ki ta fasi, ku ke ki ta fala, dianti di Deus ku tudu jinti.

Bon Noba di Jesus Kristu ku Jon 10:32

Jesus fala elis: “Manga di bias N fasi kusas bon bo dianti, na puder di ña Pape; kal de kusas ku pui bos bo na dan ku pedra?”

Bon Noba di Jesus Kristu ku Jon 10:37

Si N ka ta fasi tarbaju ku ña Pape mandan pa N fasi, ka bo fia na mi,

Bon Noba di Jesus Kristu ku Jon 12:10

Asin ŝefis di saserdoti rezolvi tambi mata Lazaru,

Bon Noba di Jesus Kristu ku Jon 12:45

Kin ku ojan, i oja kil ku mandan.

Bon Noba di Jesus Kristu ku Jon 14:9

Jesus falal: “Filip, N sta manga di tempu ku bos; bo ka kunsin inda? Kin ku ojan, i oja ña Pape. Kuma ku bu na falan pa N mostra bos ña Pape?

Bon Noba di Jesus Kristu ku Jon 15:21

E na fasi bos tudu e kusas pabia di mi, suma e ka kunsi kil ku mandan.

Bon Noba di Jesus Kristu ku Jon 15:22

Si ami N ka binba, nin N ka fala ku elis, e ka ta tenba kulpa na se pekadu, ma gosi e ka ten diskulpa di se pekadu.

Bon Noba di Jesus Kristu ku Jon 15:23

Kin ku ta nfastian i ta nfastia ña Pape tambi.

Bon Noba di Jesus Kristu ku Jon 16:9

I na mostra elis ke ki pekadu pabia e ka fia na mi;

Bon Noba di Jesus Kristu ku Jon 3:2

I bai pa Jesus di noti, i falal: “Rabi, anos no sibi kuma Deus mandau pa bu bin nsinanu, pabia ningin ka pudi fasi e sinal ku bu ta fasi si Deus ka sta ku el.”

Bon Noba di Jesus Kristu ku Jon 5:36

Ma N tene tustumuñu mas garandi di ki kil di Jon, pabia kusas ku ña Pape dan pa N fasi, ki mesmu kusas ku N fasi ta diklara di mi kuma i ña Pape ku mandan.

Bon Noba di Jesus Kristu ku Jon 6:36

Ma N fala bos kuma bo ojan, ma bo ka ten fiansa na mi.

Bon Noba di Jesus Kristu ku Jon 7:31

Manga di ki jinti fia nel, e punta: “Ora ku Mesias bin, i na fasi sinal inda mas di ki kil ku es fasi?”

Bon Noba di Jesus Kristu ku Jon 9:32

Disna di kumsada di mundu nunka ningin ka obi kuma algin yabri uju di kil ku padidu segu.

Bon Noba di Jesus Kristu ku Jon 9:41

Jesus fala elis: “Si bo segu ba, bo ka ta teneba pekadu, ma suma gosi bo na fala kuma bo na oja, e ku manda bo na fika ku bo pekadu.”

Atus 10:38

Bo sibi aserka di Jesus di Nazaré, kuma ku Deus unjil ku Spiritu Santu ku puder. I yanda tudu parti, i na fasi ben, i na kura tudu ku sta bas di puder di diabu, pabia Deus staba ku el.

Atus 2:22

“Ermons israelita, bo sukuta e palabra. Deus rikuñisi Jesus di Nazaré bo dianti, ku kusas garandi, ku milagris, ku sinal ki fasi na bo metadi pa mon di Jesus. Abos propi bo sibi kila diritu.

Romanus 1:30

e sedu ruiduris, disfamaduris, nfastiaduris di Deus, kobaduris, kunfiadus, orgulyosus, nventaduris di mal, disobdienti pa pape ku mame,

Ripitison di Lei 5:9

Ka bu mpina pa elis, nin ka bu adora elis, pabia ami, SIÑOR bu Deus, N sedu Deus ku ta ten siumi. Kilis ku odian, N ta kastiga se maldadi riba di se fijus ku netus ku bisnetus.

2 Timótiu 3:4

falsiaduris, ntemus, orgulyosu. Te pa e ama Deus, e na ama sabura de mundu.

Tiagu 4:4

Abos jinti ku ka fiel pa Deus, bo ka sibi kuma amisadi ku mundu i inimisadi ku Deus? Asin, kil ku misti sedu amigu di mundu i ta bida inimigu di Deus.