Bon Noba di Jesus Kristu ku Jon 14:27 - BIBLIA - traduson antigu in Krioulo

²⁷ N na disa bos ku pas; N na da bos ña pas. N ka na da bos el suma ku mundu ta da. Bo diskansa bo korson tarpajadu; ka bo medi.

Bon Noba di Jesus Kristu ku Jon 14:27 ပူးပေါင်းရင်းမြစ်များ

2 Kronikas 20:30

Asin renu di Jeosafá fika susegadu; si Deus dal diskansu na tudu ladu.

Jo 34:29

Si i kala, kin ku na kondenal? Si i kubri rostu, kin ku na ojal? Ma el i ten puder riba di un nason, tambi riba di un omi son,

Salmus 11:1

N pui ña fiansa na SIÑOR. I ka bon pa bo falan: “Bua pa bu montaña suma kacu.

Salmus 112:7

I ka na ten medu di notisia mau; si korson sta firmi, ku fiansa na SIÑOR.

Salmus 27:1

SIÑOR i ña lus, i ña salbason; kin ku N na medi? SIÑOR i suguransa pa ña vida; kin ku N dibi di medi?

Salmus 28:3

Ka bu rastan ku jinti mau, kilis ku ta fasi pekadu, ku ta fala di pas ku se kumpañer, ma dentru di se korson e ten maldadi.

Salmus 29:11

SIÑOR na da forsa pa si pobu; i na bensua elis ku pas.

Salmus 56:11

I na ki Deus ku N pui ña fiansa; N ka na medi ke ku omi pudi fasin.

Salmus 56:3

Na dia ku N sinti medu, N ten ku fiansa na bo.

Salmus 72:2

Bu pobu, ku kilis ku kalkadu, i na julga elis ku justisa.

Salmus 72:7

Na si tempu, jinti justu na ngaña forsa; i na ten manga di sabura nkuantu lua ten.

Salmus 85:10

Bondadi ku bardadi e junta; retidon ku pas e beẑa ŋutru.

Salmus 91:5

Ka bu medi kusa ku ta pantanda di noti, nin fleŝa ku ta bua di dia,

Ditus 3:25

Ka bu ten medu kuma mal pudi bin di repenti suma kil ku ta bin suma turbada pa jinti mau.

Isaias 12:2

Na bardadi, Deus i ña salbason; N na fiansa, N ka na medi, pabia SIÑOR Deus i ña forsa, el i ña kantiga, gosi i sedu ña salbason.”

Isaias 41:10

Ka bu medi, pabia N sta ku bo; ka bu panta; ami i bu Deus, N na dau forsa, N na judau, N na nguentau ku mon direita ku ta fasi kusas diritu.

Isaias 41:14

Abo, Jakó, bicusiñu, pobu pikininu di Israel, ka bu medi, pabia N na judau.” Asin ku SIÑOR, Deus Santu di Israel ku libertau, i fala.

Isaias 54:13

SIÑOR na nsina tudu bu fijus; e na ten pas ciu.

Isaias 55:12

Bo na sai ku kontentamentu, bo na giadu ku pas. Montis ku montisiñus na rebenta ku gritus di alegria bo dianti; tudu arvuris di matu na toka palmu.

Isaias 57:19

N na pui pa e ngaban. N na anunsia pas pa kilis ku sta lunju ku kilis ku sta pertu, N na kura elis.” Asin ku SIÑOR fala.

Isaias 9:6

Un mininu padidu ja pa nos; no dadu un fiju. Puder di guberna sta riba di si ombras; si nomi na comadu Maravilyosu, Konsijadur, Deus Forti, Pape di Iternidadi, Rei di Pas.

Jeremias 1:8

Ka bu ten medu delis, pabia ami N sta ku bo pa librau.” Asin ku SIÑOR fala.

Miskiñu di Jeremias 3:17

I tira pas na ña korson. N diskisi ja di tempu ku kusas ta kurinba diritu.

Ezekiel 2:6

Abo, fiju di omi, ka bu ten medu delis, ku fadi medu di se palabra, nin ke sedu suma fidida pa bo, suma bu sinta ku lakaran. Ka bu medi se palabras, nin pa e pantandau ku se rostu, pabia e sedu disobdienti.

Daniel 4:1

Ami, rei Nabukodonosor, N na skirbi pa tudu rasas, nasons ku linguas ku sta na tudu mundu: N dija bos pas!

Daniel 6:25

Rei Dariu skirbi pa tudu rasas, nasons, ku jinti di tudu linguas ku mora na tudu mundu, i fala: “N dija bos pas!

Zakarias 6:13

El mesmu i na kumpu kasa di SIÑOR; i na dadu gloria suma rei, i na sinta na si tronu, i guberna. I na sedu tambi saserdoti na si tronu; i na junta ki dus tarbaju ku pas.’

Numerus 6:26

SIÑOR ta jubi sempri pa bo, i dau pas.” ’

Mateus 10:26

“Asin, ka bo ten medu delis, pabia i ka ten nada kubridu ku ka na bin diskubridu, nin sukundidu ku ka na bin sibidu.

Lukas 1:79

pa numia kilis ku sinta na sukuru, na sombra di mortu, pa gia no pe na kamiñu di pas.”

Lukas 10:5

“Na kada kasa ku bo yentra, bo fala purmeru: ‘N dija pas pa e kasa.’

Lukas 12:4

“Ña amigus, N na fala bos: Ka bo ten medu di kilis ku ta mata kurpu, dipus e ka pudi fasi mas nada.

Lukas 2:14

“Gloria pa Deus na lugar mas altu na seu! Pas na tera pa jinti ki kontenti ku elis.”

Bon Noba di Jesus Kristu ku Jon 14:1

I kontinua fala elis: “Bo diskansa bo korson tarpajadu. Suma bo fia na Deus, bo fia tambi na mi.

Bon Noba di Jesus Kristu ku Jon 16:33

N konta bos e kusas pa bo ten pas na mi. Na mundu bo na tene foronta, ma bo ten koraẑen; ami N ngaña mundu.”

Bon Noba di Jesus Kristu ku Jon 20:19

Na ki mesmu purmeru dia di semana, di tardi, disipulus juntaba na un kau ku portas ficadu, ku medu di ŝefis di judeu. Jesus parsi na se metadi, i fala elis: “Pas ta sta ku bos.”

Bon Noba di Jesus Kristu ku Jon 20:21

Jesus torna fala elis: “Pas ta sta ku bos. Suma ku ña Pape mandan, asin tambi N na manda bos.”

Bon Noba di Jesus Kristu ku Jon 20:26

Oca oitu dia pasaba ja, si disipulus staba dentru utru bias. Tome staba la ku elis. Kontudu portas ficadu, Jesus ciga, i parsi na se metadi, i fala elis: “Pas ta sta ku bos.”

Atus 10:36

I manda si palabra pa pobu di Israel, pa konta Bon Noba di pas ku ta bin pa meiu di Jesus Kristu. (El i Siñor di tudu jinti.)

Atus 18:9

Un di noti Siñor fala Paulu na vison: “Ka bu medi, ma papia; ka bu kala,

Romanus 1:7

N skirbi pa bos tudu ku sta na Roma, ku Deus ama, i coma si pobu. N misti pa Deus no Pape, ku Siñor Jesus Kristu, da bos fabur ku pas.

Romanus 15:13

Asin Deus, ku ta da speransa, ta inci bos di kontentamentu ku pas pabia di bo fe, pa bo pudi ten garandi speransa na puder di Spiritu Santu.

Romanus 5:1

Manera ku no ojadu justu pa fe, no ten pas ku Deus pabia di no Siñor Jesus Kristu

Romanus 5:10

Manera ku no seduba si inimigus, Deus fasinu si amigus pabia di mortu di si Fiju. Gosi ku no sedu amigus di Deus, kuma ku no ka na sedu salbu pabia di si vida?

Romanus 8:6

Si pensamentu bai pa kusas di naturesa, i ta tisi mortu, ma si i bai pa kusas di Spiritu, i ta tisi vida ku diskansu.

1 Koríntius 1:3

N misti pa Deus no Pape ku Siñor Jesus Kristu da bos fabur ku pas.

Gálatas 1:3

N misti pa Deus no Pape ku no Siñor Jesus Kristu da bos fabur ku pas.

Gálatas 5:22

Spiritu di Deus ta padi frutu di amor, alegria, pas, pasensa, pruntidon pa juda, bondadi, sedu algin di fiansa, mansesa ku puder pa guberna kurpu.

Gálatas 6:16

Pa tudu kilis ku na yanda konformi e nsinamentu, pas ku miserikordia ta sta riba delis, tambi riba di tudu Israel di Deus.

Filipensis 4:7

Asin, pas di Deus ku pasa tudu ntindimentu i ta guarda bo korson ku bo pensamentu na unidadi ku Kristu Jesus.

Kolosensis 1:2

no na skirbi pa pobu di Deus na Kolosus, no ermons fiel na Kristu. Deus no Pape pa i da bos fabur ku pas.

Kolosensis 1:20

Pa meiu del i ta torna tisi tudu kusa, na seu suma na tera, pa el Deus, dipus ki pui pas pabia di sangi di Kristu darmadu na krus.

Kolosensis 3:15

Pas ku Kristu da, pa i manda na bo korson. I pa e pas ku Deus coma bos tudu juntu na un kurpu. N misti tambi pa bo korson inci gardisimentu.

2 Tesalonisensis 1:2

N misti pa Deus no Pape ku Siñor Jesus Kristu da bos fabur ku pas.

2 Tesalonisensis 3:16

Siñor propi, ki fonti di pas, pa i da bos pas sempri na tudu tempu, na tudu manera. Siñor ta sta ku bos tudu.

2 Timótiu 1:7

Spiritu ku Deus danu i ka ta fasinu kobardu, ma i ta danu puder, amor, ku forsa pa guberna no kurpu.

Ebreus 13:20

N misti pa Deus ku ta da pas, ku lantanda di mortu no Siñor Jesus Kristu, garandi Pastor di karnel, pabia di sangi di kontratu ki fasi ntidu,

Ebreus 7:2

Abraon dal desimu parti di tudu ki tisi. Si nomi mostra purmeru kuma i rei justu. Dipus tambi i rei di Salen, ku sedu rei di pas.

Apokalipsi 1:4

Ami Jon N na skirbi pa seti igreẑa ku sta na pruvinsia di Asia. N misti pa Deus da bos fabur ku pas, Deus ku sedu, ku seduba, ku ten ku bin, ku ki seti spiritu ku sta dianti di si tronu,

Apokalipsi 2:10

Ka bu medi kil ku bu na bin sufri. Diabu na bota utru di bos na kalabus, pa proba bos. Kansera na bin pa bos pa des dia. Fika fiel te na mortu; N ta dau koroa di vida.

Apokalipsi 21:8

Ma pa kilis ku kobardu, ku kilis ki ka fiel, ku jinti di vida susu, ku mataduris, kaiduris di cai, botaduris di sorti, kilis ku ta adora idulus, ku tudu munturusis, se lugar i na sedu na lagua ku na yardi ku fugu ku nŝofri; i el ki sugundu mortu.”