Bon Noba di Jesus Kristu ku Jon 14:10 - BIBLIA - traduson antigu in Krioulo

¹⁰ Bu ka fia kuma ami N sta na ña Pape, ña Pape sta na mi? Palabras ku N fala bos, N ka ta falal di mi propi, ma ña Pape ku sta na mi, i el ku ta fasi e kusas ku ami N na fasi.

Bon Noba di Jesus Kristu ku Jon 14:10 ပူးပေါင်းရင်းမြစ်များ

Bon Noba di Jesus Kristu ku Jon 10:30

Ami ku ña Pape, anos i un son.”

Bon Noba di Jesus Kristu ku Jon 10:38

ma si N ta fasi tarbaju di ña Pape, nin si bo ka fia na mi, bo ta fia na ki tarbaju, pa bo pudi ntindi, bo fia kuma ña Pape sta na mi; ami N sta nel.”

Bon Noba di Jesus Kristu ku Jon 11:26

Tudu kil ku na vivi, i setan, nunka i ka na muri. Bu fia nes?”

Bon Noba di Jesus Kristu ku Jon 12:49

Ami N ka papia di mi propi, ma ña Pape ku mandan, el i dan ordi aserka di kusas ku N dibi di konta ku kil ku N dibi di fala.

Bon Noba di Jesus Kristu ku Jon 14:11

Bo fia na mi kuma N sta na ña Pape, ña Pape sta na mi. Bo fia na mi, nin si i son pabia di milagris ku N ta fasi.

Bon Noba di Jesus Kristu ku Jon 14:20

Na ki dia bo na sibi kuma ami N sta na ña Pape, abos na mi, ami na bos.

Bon Noba di Jesus Kristu ku Jon 14:24

Kin ku ka aman i ka ta obdisi ña palabra. Palabra ku bo obi i ka di mi, ma i di ña Pape ku mandan.

Bon Noba di Jesus Kristu ku Jon 17:8

pabia N da elis palabra ku bu dan; elis e risibil; e sibi diritu kuma N bin di bo, e fia kuma i abo ku mandan.

Bon Noba di Jesus Kristu ku Jon 3:2

I bai pa Jesus di noti, i falal: “Rabi, anos no sibi kuma Deus mandau pa bu bin nsinanu, pabia ningin ka pudi fasi e sinal ku bu ta fasi si Deus ka sta ku el.”

Bon Noba di Jesus Kristu ku Jon 5:17

Jesus ruspundi elis: “Ña Pape na tarbaja te gosi; ami N na tarbaja tambi.”

Bon Noba di Jesus Kristu ku Jon 5:19

Jesus ruspundi elis: “N na konta bos bardadi kuma, Fiju, el son, ka pudi fasi nada si i ka oja si Pape fasil, pabia tudu kil ku Pape fasi, Fiju tambi ta fasil.

Bon Noba di Jesus Kristu ku Jon 7:16

Jesus ruspundi elis: “Ña nsinamentu i ka di mi, ma i di kil ku mandan.

Bon Noba di Jesus Kristu ku Jon 8:28

E ku manda Jesus fala elis: “Ora ku bo lantanda Fiju di omi, bo ta sibi kuma N sedu kil ku N sedu, kuma N ka ta fasi nada di mi propi, ma suma ku ña Pape ta nsinan, asin ku N ta fala.

Bon Noba di Jesus Kristu ku Jon 8:38

N ta papia di kusas ku N oja juntu di ña Pape; abos bo ta fasi kusas ku bo pape nsina bos.”

Bon Noba di Jesus Kristu ku Jon 8:40

Gosi bo misti matan, ami omi ku fala bos sempri bardadi ki obi di Deus. Abraon ka ta fasiba asin.

Atus 10:38

Bo sibi aserka di Jesus di Nazaré, kuma ku Deus unjil ku Spiritu Santu ku puder. I yanda tudu parti, i na fasi ben, i na kura tudu ku sta bas di puder di diabu, pabia Deus staba ku el.

2 Koríntius 5:19

Kil ku no misti fala i di kuma, Deus staba na Kristu pa fasi tudu jinti di mundu ten pas ku el. I ka na rakada mal ke fasi. I mandanu pa no konta palabra di kuma ke pudi sedu si amigus.

Kolosensis 1:19

I Deus propi ku marka pa tudu si naturesa kompletu sta na si Fiju.

Kolosensis 2:9

Tudu ku Deus sedu i sta na Kristu, na si kurpu umanu.

1 Jon 5:7

I ten tris ku ta da tustumuñu, [na seu: Pape, Palabra ku Spiritu Santu. E tris e sedu un son. I ten tris ku ta testifika na tera]