Bon Noba di Jesus Kristu ku Jon 13:34 - BIBLIA - traduson antigu in Krioulo

³⁴ N na da bos mandamentu nobu, pa bo ama ŋutru; suma ku N ama bos, asin tambi ku bo ta ama ŋutru.

Bon Noba di Jesus Kristu ku Jon 13:34 ပူးပေါင်းရင်းမြစ်များ

Salmus 119:63

N sedu kumpañer di tudu kilis ku rispitau; ku ta sigi bu ordis.

Salmus 16:3

Pobu di Deus ku sta na tera e sedu gloriosu; tudu ña kontentamentu i pa sta ku elis.

Sirmonias 19:18

“Ka bu vinga nin ka bu guarda rankor kontra bu parentis, ma bu na ama bu kumpañer suma bo propi. Ami i SIÑOR.

Sirmonias 19:34

Stranjeru ku mora ku bos i ten ku tratadu suma fiju di tera. Bu na amal suma bu kabesa propi, pabia bo seduba stranjerus na tera di Ejitu. Ami i SIÑOR bo Deus.

Mateus 5:44

Ma ami, N na fala bos: Bo ama bo inimigu, [bo fala ben pa kilis ku ta fala mal di bos, bo fasi ben pa kilis ku odia bos,] bo ora pa kilis ku ta maltrata bos, e pirsigi bos,

Bon Noba di Jesus Kristu ku Jon 15:17

Kusa ku N na manda bos i pa bo ama ŋutru.

Bon Noba di Jesus Kristu ku Jon 17:21

pa elis tudu sedu un son, suma abo, ña Pape, bu sta na mi, ami na bo; pa elis tambi e sedu un son na nos, pa jinti di mundu fia kuma i abo ku mandan.

Romanus 12:10

Bo ama ŋutru di tudu bo korson, suma ermons. Bo da ŋutru purmeru lugar ku rispitu.

Romanus 13:10

Kil ku ten amor i ka ta fasi si kumpañer mal. E ku manda, kil ku ten amor i ta kumpri tudu lei.

Romanus 13:8

Ka bo dibi ningin nada, son amor pa ŋutru, pabia kil ku ama si kumpañer, i kumpri lei.

Gálatas 5:22

Spiritu di Deus ta padi frutu di amor, alegria, pas, pasensa, pruntidon pa juda, bondadi, sedu algin di fiansa, mansesa ku puder pa guberna kurpu.

Gálatas 5:6

Si no sta unidu ku Kristu Jesus, nin sirkunsison nin falta del ka ta fasi diferensa. Kusa mas importanti i fe ku ta tarbaja ku amor.

Gálatas 6:10

Asin, nkuantu no ten manera, no fasi ben pa tudu jinti, ma purmeru pa no familia na fe.

Gálatas 6:2

Bo juda ŋutru ku kargu; asin bo ta fasi kil ku lei di Kristu fala.

Efésius 5:2

Bo yanda ku amor, suma ku Kristu tambi amanu, i da si vida pa nos, suma oferta ku sakrifikadu, ku ta da bon ceru ku Deus ta kontenti ku el.

Kolosensis 1:4

manera ku no obi di bo fe na Kristu Jesus, ku amor ku bo ten pa tudu pobu di Deus.

1 Tesalonisensis 3:12

N misti pa Siñor pui bo amor pa i kirsi, i darma un pa utru, i pa tudu jinti, suma tambi ku no amor darma pa bos.

2 Tesalonisensis 1:3

Ermons, no ten ku fala Deus obrigadu pa bos sempri. No dibi di fasi asin propi pabia bo fe na kirsi dimas. Amor ku kada un di bos ten pa ŋutru i na darma kada bias mas na bo metadi.

Ebreus 13:1

Bo kontinua ama ŋutru suma ermons.

Tiagu 2:8

Bo na fasi diritu si bo obdisi lei di renu ku sta na Skritura, ku fala: “Ama bu kumpañer suma bo propi.”

1 Pedru 1:22

Suma ku bo obdisi bardadi, bo limpa bo alma tok bo sinti amor di bardadi pa bo ermons, bo ten ku ama ŋutru ku tudu bo korson.

2 Pedru 1:7

riba di rispitu pa Deus bo buri ermondadi; riba di ermondadi bo buri amor.

1 Jon 3:11

Palabra ku bo obi disna di kumsada i es, pa no ama ŋutru.

1 Jon 3:23

Es i si mandamentu, pa no fia na nomi di si Fiju Jesus Kristu, pa no ama ŋutru suma ki manda.

1 Jon 4:21

E mandamentu, i Kristu ku danu el, kuma kin ku ama Deus, pa i ama tambi si ermon.

2 Jon 1:5

Asin, Siñora, N na pidiu pa no ama ŋutru. I ka suma un nobu mandamentu ku N na skirbiu, ma i ki mesmu ku no tene disna di kumsada.