Bon Noba di Jesus Kristu ku Jon 12:48 - BIBLIA - traduson antigu in Krioulo

⁴⁸ Kin ku negan, i ka risibi ña palabra, i ten ja kin ku na julgal; palabra ku N konta, es ku na julgal na ultimu dia.

Bon Noba di Jesus Kristu ku Jon 12:48 ပူးပေါင်းရင်းမြစ်များ

Isaias 53:3

I disprezaduba; omis negal. Tambi i omi di dur ku ta sufriba ciu. Jinti ka ta dalba rostu, e disprezal. Anos no ka ta mportaba ku el.

Mateus 10:15

Na bardadi N na konta bos kuma, na dia di juisu, i na bin ten menus kastigu pa jinti di Sodoma ku Gomora di ki jinti di ki prasa.

Mateus 21:42

Jesus punta elis: “Nunka bo ka lei na Skritura kuma: ‘Pedra ku pedrerus nega i bin sedu purmeru pedra di kantu; es i kusa ku Siñor fasi, ku no oja, no dimira’?

Mateus 25:31

“Ora ku Fiju di omi bin na si gloria, ku tudu anjus, i na sinta na tronu di si gloria.

Markus 12:10

Sertamenti bo ciga di lei e Skritura ku fala: ‘Pedra ku pedrerus nega i bin sedu purmeru pedra di kantu.

Markus 16:16

Kin ku seta, i batisadu, i na sedu salbu, ma kil ku ka setal i na kondenadu.

Markus 8:31

I kumsa na nsina elis, i fala kuma Fiju di omi ten ku sufri ciu. Garandis ku ŝefis di saserdoti ku pursoris di lei na negal. I na matadu. Dipus di tris dia i na lanta di mortu.

Lukas 10:16

Dipus i fala disipulus: “Kin ku sukuta bos, i ami ki sukuta; kin ku nega bos, i ami ki nega. Kin ku negan, i nega kil ku mandan.”

Lukas 17:25

ma purmeru i ten ku sufri ciu; jinti de tempu na negal.

Lukas 20:17

Jesus finka uju nelis, i punta: “E palabra di Skritura ku fala: ‘Pedra ku pedrerus nega i fasidu purmeru pedra di kantu,’ kal ki si sintidu?

Lukas 7:30

ma fariseus ku pursoris di lei ku ka seta si batismu e nega planu di Deus pa elis.

Lukas 9:22

I fala elis: “I pirsis pa Fiju di omi sufri manga di kusa, pa i negadu pa jinti garandi, ku ŝefis di saserdoti, ku pursoris di lei; pa i matadu; na terseru dia pa i lanta di mortu.”

Lukas 9:26

Si algin ten borgoña di mi ku di ña palabra, Fiju di omi na sinti borgoña del ora ki bin na si gloria, ku di si Pape, ku santu anjus.

Bon Noba di Jesus Kristu ku Jon 11:24

Marta falal: “N sibi kuma i na bin lanta di mortu na resureison di ultimu dia.”

Bon Noba di Jesus Kristu ku Jon 5:45

Ka bo pensa kuma ami N na bin akusa bos dianti di ña Pape. I ten un ku na akusa bos ku sedu Moisés, kil ku bo pui bo speransa nel.

Bon Noba di Jesus Kristu ku Jon 6:39

Vontadi di ña Pape ku mandan i es: pa nin un son di tudu kilis ki dan ka pirdi, ma pa N lantanda elis di mortu na ultimu dia.

Bon Noba di Jesus Kristu ku Jon 8:47

Kin ki di Deus i ta sukuta palabra di Deus. Ke ku manda bo ka ta sukutal i pabia abos i ka di Deus.”

Atus 17:31

pabia i marka un dia ki na bin julga mundu ku justisa, na mon di un omi ki distina pa i fasil. I da tudu jinti sertesa di kuma i na sedu, oca i lantanda ki omi na metadi di mortus.”

Atus 3:23

Tudu kin ku ka obi e anunsiadur i na tiradu na metadi di pobu.

Romanus 2:16

Asin ki na sedu na dia ku Deus ku Siñor Jesus Kristu ten ku julga sigridu di jinti, suma Bon Noba, ku N ta konta, fala.

2 Koríntius 4:3

Si Bon Noba ku no na konta sta kubridu, i son pa kilis ku na pirdi ki sta.

2 Tesalonisensis 1:8

ku fugu ku na yardi, pa kastiga kilis ku nega kunsi Deus, ku kilis ku ka obdisi Bon Noba di no Siñor Jesus.

Ebreus 10:25

Ka no disa kustumu di junta, suma utrus ta fasi, ma no anima ŋutru kada bias mas, suma ku no oja Dia ku Siñor na bin mas na pertu.

Ebreus 12:25

Bo toma sintidu pa ka bo nega obi kil ku na papia. Kilis ku nega obi vos ku na papia ku elis na tera e ka kapli kastigu; ku fadi anos, si no da kosta pa kil ku na papia ku nos la na seu.

Ebreus 2:3

kuma ku no na kapli si no ka liga e salbason ku sedu garandi dimas? I Siñor propi ku anunsia e salbason purmeru. Dipus, kilis ku obil bin danu sertesa del.

Ebreus 4:12

Palabra di Deus i bibu, i forti. I ta mas korta di ki spada di dus boka; i ta yentra te dentru di algin nunde ku alma ku spiritu ta rapati, te na metadi di juntamentu di os. I kapas di julga vontadi ku pensamentu di korson.

1 Pedru 1:5

Pabia di bo fe, bo sta guardadu na puder di Deus pa salbason ku sta ja purparadu pa mostra na kabantada di tempu.

2 Pedru 3:3

Purmeru, bo dibi di sibi kuma, na dias di kabantada, i na parsi diskarnosis ku na yanda konformi se vontadi mau,

2 Pedru 3:7

ma seu ku tera di aos, ki mesmu palabra di Deus na guardal pa fugu; i na guardadu suguru pa dia di juisu, ora ku jinti ku nega Deus na kabadu ku el.

1 Samuel 10:19

Ma aos bo nega bo Deus ku libra bos di tudu bo sufrimentu ku kasabi, bo fala: ‘Ranja un rei ku na sta riba di nos.’ Mbon, bo pursenta dianti di SIÑOR konformi bo jorsons ku bo familias.”

1 Samuel 8:7

SIÑOR falal: “Obi tudu kusa ku pobu na falau, pabia i ka abo ke nega, ma i ami ke ka misti pa N rena riba delis.