Bon Noba di Jesus Kristu ku Jon 12:19 - BIBLIA - traduson antigu in Krioulo

¹⁹ Fariseus fala entri elis: “Bo oja kuma bo ka na purbita nada? Tudu jinti na bai si tras!”

Bon Noba di Jesus Kristu ku Jon 12:19 ပူးပေါင်းရင်းမြစ်များ

Salmus 22:27

Jinti di tudu parti di mundu na lembra, e na konverti pa SIÑOR. Tudu familias di nasons e na mpina si dianti, pa adoral,

Salmus 49:1

Abos, tudu nasons, bo sukuta; abos, tudu moraduris di mundu, bo para sintidu,

Isaias 27:6

Tempu na bin ku Israel, ku sedu jorson di Jakó, i na larga rais suma arvuri, i na tene botons ku floris, tok i inci mundu ku si fruta.

Mateus 21:15

Ŝefis di saserdoti ku pursoris di lei oja ki milagris ku Jesus fasi, e obi mininus na grita na kasa di Deus, e na fala: “Osana pa Fiju di Davi!” E paña raiba,

Bon Noba di Jesus Kristu ku Jon 12:18

E ku manda ki multidon sai pa bai kontra ku Jesus, pabia e obiba kuma i fasi ki milagri.

Bon Noba di Jesus Kristu ku Jon 12:20

Na metadi di jinti ku bai pa adora Deus na dia di festival i staba utru gregus.

Bon Noba di Jesus Kristu ku Jon 17:21

pa elis tudu sedu un son, suma abo, ña Pape, bu sta na mi, ami na bo; pa elis tambi e sedu un son na nos, pa jinti di mundu fia kuma i abo ku mandan.

Bon Noba di Jesus Kristu ku Jon 3:26

E bai pa Jon, e falal: “Rabi, kil ku staba ku bo na utru ladu di riu Jordon, ku bu falanu aserka del, i na batisa; tudu jinti na bai nunde el.”

Atus 17:6

Suma e ka oja elis, e rasta Jason ku utru ermons, e leba elis dianti di juisis di prasa, e na grita: “Ki omis ku kria tarpajamentu na tudu parti e ciga li tambi.

1 Jon 2:2

I pabia di sakrifisiu di Kristu ku no pekadu pudi tiradu; i ka son di nos, ma di jinti di tudu mundu.