Bon Noba di Jesus Kristu ku Jon 10:1 - BIBLIA - traduson antigu in Krioulo

¹ Jesus fala: “N na konta bos bardadi, kin ku ka yentra na porta na koral di karnel, ma i kamba na utru parti, i ladron, i bandidu.

Bon Noba di Jesus Kristu ku Jon 10:1 ပူးပေါင်းရင်းမြစ်များ

Jeremias 14:15

Asin ami, SIÑOR, N fala aserka di anunsiaduris ku na anunsia na ña nomi sin N ka da elis ordi. E na fala: ‘Nin spada, nin fomi ka na ten ne tera.’ Ma e mesmu anunsiaduris na muri ku spada ku fomi.

Jeremias 23:21

“N ka manda ki anunsiaduris, ma e kuri e bai. N ka fala elis nada, ma e bai anunsia.

Jeremias 23:32

Na bardadi ami, SIÑOR, N sta kontra ki anunsiaduris ku anunsia suñus falsu. E ta konta ki suñus, e pui ña pobu disvia pabia di se mintidas di lebi kabesa. Ami N ka manda elis, nin N ka da elis ordi. E ka tisi nin purbitu pa e pobu.” Asin ku SIÑOR fala.

Joel 2:9

E ciga na prasa kinti-kinti, e kuri na muras, e subi na kasas, e kamba na janelas suma ladron.

Mateus 7:15

“Bo toma sintidu ku anunsiaduris falsu ku bin nunde bos bistidu suma karnel, ma dentru e sedu lubus ku ta mata.

Bon Noba di Jesus Kristu ku Jon 10:7

Jesus torna fala elis: “Na bardadi, N na konta bos kuma i ami ki porta di koral di karnel.

Bon Noba di Jesus Kristu ku Jon 3:3

Jesus ruspundil: “N na kontau bardadi kuma, kin ku ka padidu utru bias ka pudi oja renu di Deus.”

Romanus 10:15

Kuma ke na konta si e ka mandadu? Suma ki sta skritu: “Bonitu i pes di kilis ku ta konta Bon Noba!”

Romanus 16:18

pabia kilis ku ta fasi asin e ka na sirbi Kristu no Siñor, ma e na sirbi se propi vontadi. E ta ngana menti di jinti inosenti ku se boka sabi ku ngodu.

Titu 1:11

I pirsis tapa elis boka, pabia e ta jagasi sintidu di familias ntidu, ku nsina kusas ke ka dibi di nsina, son ku fin borgoñosu pa ngaña diñeru.

Ebreus 5:4

Ningin ka ta toma e lugar di rispitu pa si kabesa, ma i Deus ku ta comal, suma ki coma Aron.

1 Pedru 1:10

Anunsiaduris ku anunsiaba di fabur ku Deus staba pa da bos, e buska ku mpeñu, e mistiba sibi de salbason. Spiritu di Kristu ku staba nelis i na mostraba elis un kusa, oca i na konta di sufrimentu di Kristu ku na bin bin, ku gloria ku na bin kumpañal. Anunsiaduris buska sibi na kal tempu, i na kal manera ki na sedu.

2 Pedru 2:1

Suma i tenba anunsiaduris falsu antigamenti na metadi di jinti, asin tambi i na ten pursoris falsu na bo metadi. E na miti nsinamentu ki ka bardadi, ku ta dana; e ta nega Mestre ku liberta elis; e ta tisi danu di repenti riba di se kabesa.

2 Pedru 2:3

Ku vontadi di ngaña diñeru e ta splora bos ku palabra di mintida. Se julgamentu ku markadu disna i ka na tarda. Se pirdison na pera elis ku uju abertu.

1 Jon 4:1

Ña kiridu ermons, ka bo fia na tudu jinti ku fala kuma e tene Spiritu di Deus, ma bo proba elis pa jubi si na bardadi ki spiritu bin di Deus, pabia i ten manga di anunsiadur falsu ku lanta na mundu.