Bon Noba di Jesus Kristu ku Jon 1:29 - BIBLIA - traduson antigu in Krioulo

²⁹ Oca sol mansi, Jon oja Jesus na bin pa el, i fala: “Ali karnel di Deus ku ta tira pekadu na mundu.

Bon Noba di Jesus Kristu ku Jon 1:29 ပူးပေါင်းရင်းမြစ်များ

Saida 28:38

Aron ten ku lebal sempri na si rostu, pa ami, SIÑOR, N pudi seta tudu ofertas ku fijus di Israel dedika pa mi, nin si pobu fasi kualker eru na manera di da ki ofertas.

Isaias 53:10

I SIÑOR ku mistiba molostal, pa fasil pa i sufri; si vida dadu pa purdon di pekadu, ma si vida na kumpridu, i na oja si jorson. Pabia di si tarbaju, planu di SIÑOR na fasidu diritu.

Isaias 53:11

Dipus di sufrimentu ki pasa na si vida, i na oja lus, i na fika kontenti. Ña servu justu na justifika manga di jinti ku kunsil, pabia i na leba se pekadu riba del.

Isaias 53:7

I maltratadu, ma i ka yabri si boka. I lebadu suma karnelsiñu pa matadur. Manera ku karnel ta mudu dianti di kil ku na tiskial, asin ki fika kaladu.

Oseias 14:2

Bo toma palabras, bo riba pa SIÑOR, bo falal: “Tira tudu no pekadu, bu risibinu ku bondadi. Asin no na pursenta no orason suma turu di sakrifisiu.

Sirmonias 10:17

“Pabia di ke ku bo ka kume oferta pa pekadu na kau sagradu? I un kusa sagradu dimas. SIÑOR dal pa bos, pa tira kulpa di tudu jinti, pa fasi sakrifisiu pa elis dianti di SIÑOR.

Zakarias 13:1

“Na ki dia, un fonti na yabridu pa familia di Davi ku moraduris di Jerusalen, pa limpa elis di pekadu ku impuresa.”

Numerus 18:1

SIÑOR fala Aron: “Abo ku bu fijus ku jorson di bu pape bo na karga pekadu ligadu ku santuariu; abo ku bu fijus son bo na karga pekadu ligadu ku bo tarbaju suma saserdotis.

Numerus 18:23

I son levitas ku na toma konta di tarbaju di tenda di juntamentu; i elis ku na karga kualker eru ku fasidu kontra el. Es i na sedu lei pa sempri pa bo jorson. E ka na yarda nada na metadi di fijus di Israel,

Numerus 21:9

Asin Moisés kumpu un kobra, i pul riba di un po altu. Si kobra murdi algin, si i jubi pa ki kobra di metal, i ta kapli di mortu.

Mateus 1:21

I na padi un fiju macu; bu na pul nomi di Jesus, pabia i na salba si pobu di se pekadu.”

Mateus 20:28

suma Fiju di omi, ku ka bin pa i sirbidu, ma pa sirbi, i pa da si vida pa libra manga di jinti.”

Bon Noba di Jesus Kristu ku Jon 1:35

Oca sol mansi, Jon staba utru bias na ki kau juntu ku dus di si disipulus.

Bon Noba di Jesus Kristu ku Jon 1:36

I oja Jesus na pasa, i fala: “Ali karnel di Deus.”

Bon Noba di Jesus Kristu ku Jon 1:43

Oca sol mansi, Jesus na baiba pa Galileia. I kontra ku un omi ku comadu Filip, i falal: “Bin no bai.”

Bon Noba di Jesus Kristu ku Jon 2:1

Tris dia dipus, festa di kasamenti fasidu na tabanka di Kaná, na area di Galileia; mame di Jesus staba la.

Bon Noba di Jesus Kristu ku Jon 3:16

Deus ama jinti di mundu dimas, tok i da si uniku Fiju, pa tudu kil ku setal ka ta pirdi, ma i ta tene vida ku ka ta kaba.

Bon Noba di Jesus Kristu ku Jon 4:42

E fala minjer: “Gosi i ka pabia di bu palabra ku pui no fia, pabia anos propi no obil; no sibi kuma el, na bardadi, i Salbadur di mundu.”

Bon Noba di Jesus Kristu ku Jon 6:51

Ami i ki pon bibu ku ria na seu; si algin kume de pon li, i ta vivi pa sempri. Pon ku N na da bos i ña karni ku N na da pa jinti di mundu pudi tene vida.”

Atus 13:39

Pabia del, tudu kil ku seta i ta fika libri di kulpa di tudu kusa ku lei di Moisés ka pudi libra bos del.

Atus 8:32

Parti di Skritura ki na leiba i es: “I lebadu suma karnel pa matadur. Manera ku karnelsiñu ta mudu dianti di kil ku na tiskial, asin tambi ki fika kaladu.

1 Koríntius 15:3

Kusa mas importanti i es: N pasanta pa bos kil ku N risibi, kuma Kristu muri pa no pekadu suma ku Skritura fala.

2 Koríntius 5:21

Kil ku ka fasi pekadu nunka, Deus fasil pa i sedu pekadu pabia di nos, pa no pudi sedu justu suma Deus, na no union ku Kristu.

Gálatas 1:4

Pa libertanu de tempu mau ku no sta nel, Kristu da si vida pa no pekadu, suma ku Deus no Pape mistiba,

Gálatas 3:13

Suma ku Kristu bida maldison pa nos, i kaplintinu di maldison ku lei tisi, pabia i sta skritu kuma, tudu kil ku pindradu na krus di madera i maldisuadu.

1 Timótiu 2:6

kil ku da si kabesa pa liberta tudu jinti, pa da proba na tempu propi kuma Deus misti salba tudu jinti.

Titu 2:14

El i da si vida pa libertanu di tudu maldadi, pa fasinu un pobu puru ku pertensil, ku ten vontadi pa fasi bon tarbaju.

Ebreus 1:3

I el ku sedu briliu di gloria di Deus, ku si parsensa sertu; el ku nguenta tudu kusa ku puder di si palabra. Dipus di da si vida pa yangasa limpesa di no pekadu, i sinta na mon direita di garandi Rei na seu.

Ebreus 2:17

E ku manda i tenba ku fasidu suma si ermons na tudu manera, pa i pudi sedu ŝef di saserdoti ku ta mostra pena, ku sedu fiel na si tarbaju dianti di Deus pa yangasa purdon di pekadu di pobu.

Ebreus 9:28

Asin tambi Kristu da si vida un bias pa tira pekadu di manga di jinti. I na parsi sugundu bias; i ka pa trata di pekadu, ma pa salba kilis ku na peral.

1 Pedru 1:19

ma i sangi di Kristu ku ten balur, el ki suma un karnel ku ka tene manca nin difeitu.

1 Pedru 2:24

El propi i leba no pekadu na si kurpu na krus, pa no pudi sta suma mortu na ladu di pekadu, no yanda diritu suma ku Deus misti. Bo kuradu pabia di si molostus.

1 Pedru 3:18

Kristu tambi i muri un bias son pa pekadu; el ku sedu justu muri pa kilis ku ka sedu justu, pa lebanu pa Deus. El i matadu na kurpu, i dadu vida na spiritu.

1 Jon 2:2

I pabia di sakrifisiu di Kristu ku no pekadu pudi tiradu; i ka son di nos, ma di jinti di tudu mundu.

1 Jon 3:5

Bo sibi kuma Kristu bin pa tira no pekadus. El i ka tene pekadu.

1 Jon 4:10

Es i amor; i ka kuma no ama Deus, ma i el ku amanu, i manda si Fiju pa no pekadu pudi tiradu pabia del.

Apokalipsi 1:5

ku Jesus Kristu ku sedu fiel tustumuña, purmeru ku lanta di mortu, ku sta riba di reis di tera. I el ku amanu, ku si sangi i libertanu di no pekadu,

Apokalipsi 12:11

E ngañal pabia di sangi di Karnel, ku palabra di se tustumuñu. E ka ama se vida, ma e sta pruntu pa muri.

Apokalipsi 13:8

Tudu jinti ku sta na tera adoral, menus kilis ku se nomi sta skritu disna di kumsada di mundu na libru di Karnel ku matadu, ki libru ku tene nomi di jinti ku tene vida.

Apokalipsi 14:1

Dipus N oja, la na monti di Sion i staba sikidu Karnel, juntu ku 144.000 jinti ku teneba si nomi ku nomi di si Pape skritu na se testa.

Apokalipsi 14:10

ki algin tambi ten ku bibi biñu di raiba di Deus ku darmadu sin mistura na kopu di si raiba. I ten ku kastigadu ku fugu ku nŝofri dianti di anjus santu di Deus, dianti di Karnel tambi.

Apokalipsi 14:4

Esis i kilis ku ka susa se vida ku minjeris, pabia e sedu virẑen. I elis ku ta yanda tras di Karnel pa tudu ladu ki na bai. I sedu kilis ku kumpradu na metadi di jintif pa e sedu purmeru oferta pa Deus ku Karnel.

Apokalipsi 15:3

E na kantaba kantiga di Moisés, servu di Deus, ku kantiga di Karnel, e fala: “O Siñor Deus ku ten tudu puder, kusas ku bu fasi i garandi, i di dimira! O Rei di nasons, bu kamiñus i justu, i di bardadi.

Apokalipsi 17:14

E na geria kontra Karnel; Karnel na ngaña elis, pabia el i Siñor riba di tudu siñoris, Rei riba di tudu reis. Kilis tambi ku sta ku el, ki coma, i kuji, e sedu fiel, e na ngaña tambi.”

Apokalipsi 19:7

No fika kontenti ku alegria, no dal gloria, pabia kasamenti di Karnel ciga ja. Si noiva pruntia ja.

Apokalipsi 19:9

Anju falan pa N skirbi asin: “Sortiadu i kilis ku kumbidadu pa festa di kasamenti di Karnel.” I torna falan: “Es i palabra di bardadi ku bin di Deus.”

Apokalipsi 21:14

Mura di prasa teneba dozi pedra di alisersu; nomis di dozi apostolu di Karnel staba skritu nel.

Apokalipsi 21:27

Nada ku ka limpu ka na yentra la, nin kilis ku ta fasi kusas di borgoña, o ku ta konta mintida, ma son kilis ku se nomi sta skritu na libru di bibus di Karnel.

Apokalipsi 21:9

Un di ki seti anju ku teneba ki seti tiẑela ku inci ku seti kastigu di kabantada bin i falan: “Bin pa N mostrau noiva, minjer di Karnel.”

Apokalipsi 5:6

La na metadi di tronu, dentru di roda di ki kuatru kriatura bibu ku ki garandis, N oja un Karnel sikidu, ku parsi ku mataduba. I teneba seti cifri ku seti uju, ku sedu ki seti spiritu di Deus ku mandadu pa tudu tera.

Apokalipsi 5:8

Oca ki toma libru, ki kuatru kriatura bibu, ku ki vinti i kuatru omi garandi, e mborka dianti di Karnel. Kada un delis teneba arpa ku tiẑela di uru ku inci nsensu ku sedu orason di pobu di Deus.

Apokalipsi 6:1

N oja oca ku Karnel kebra un di ki seti selu. N obi un di ki kriaturas bibu fala ku vos forti suma turbada: “Bin.”

Apokalipsi 6:16

e fala montis ku rocas pa e kai riba delis, pa sukundi elis di rostu di kil ku sinta na tronu, pa sukundi elis tambi di raiba di Karnel.

Apokalipsi 7:14

N ruspundil: “Siñor, abo ku sibi.” I falan: “Esis i kilis ku bin di ki garandi pirsigison. E laba se ropa, e bidantal branku na sangi di Karnel.

Apokalipsi 7:17

pabia Karnel ku sta na tronu i na sedu se bakiadur; i na leba elis pa fontis di yagu ku ta da vida. Deus na limpa larma tudu na se uju.”