Jeremias 9:8 - BIBLIA - traduson antigu in Krioulo

⁸ Se lingua i sedu fleŝa ku ta mata, i ta papia ku nganu; ku si boka kada kin ta papia diritu ku si kumpañer, ma dentru di si korson i ta buska manera di pañal.”

Jeremias 9:8 ပူးပေါင်းရင်းမြစ်များ

2 Samuel 3:27

Oca Abner riba pa Ebron, Joab tomal, i lebal pa un kau na porton, i fasi suma i misti papia ku el na sigridu. La na ki kau i fidil na bariga, i matal, pa i pudi vinga mortu di si ermon Asael.

Salmus 12:2

Kada kin na fala mintida pa si kumpañer; e na papia palabras bonitu ku korson finjidu.

Salmus 12:3

I ta bonba pa SIÑOR korta tudu boka ku ta papia palabras bonitu ku finjimentu, ku lingua ku ta njata,

Salmus 120:3

Abo ku ta ngana ku lingua, ke ku Deus na dau? ke mas ki tene pa bo?

Salmus 28:3

Ka bu rastan ku jinti mau, kilis ku ta fasi pekadu, ku ta fala di pas ku se kumpañer, ma dentru di se korson e ten maldadi.

Salmus 35:20

E ka ta papia ku pas, ma e ta ranja mintidas pa akusa kilis ku na vivi ketu na tera.

Salmus 55:21

Si boka sabiba suma mantega, ma gera staba na si korson; si palabras dos ba suma azeiti, ma e seduba suma spada ku busidu.

Salmus 57:4

N sta na metadi di omis ku sta suma lions ku sta pruntu pa kume jinti. Se dintis i suma kañakus ku fleŝas; se lingua i suma spada ku moladu.

Salmus 62:5

Ña alma, pera ku pasensa pa Deus; i son nel ku ña speransa sta.

Salmus 64:8

Deus na pui se palabras pa e kai riba di se propi kabesa. Tudu kilis ku oja elis na balansa kabesa.

Ditus 25:18

Omi ku ta lantanda falsu tustumuñu kontra si kumpañer i suma martel o spada o fleŝa fiadu.

Jeremias 5:26

“Na metadi di ña pobu i ten omis mau; kada un na yanda, i na montia, suma ku omi ta montia kacus; i ta pui armadilia pa paña omis.

Jeremias 5:9

SIÑOR punta: “Nta N ka na kastiga elis pa e kusas? N ka dibi di torna vingansa pa un nason suma es?

Jeremias 9:3

SIÑOR fala: “E ta pruntia se lingua suma mansasa, pa ferca mintida. I ka ku bondadi ke torna forti na tera, pabia e ta bai di maldadi pa maldadi; e ka mporta ku mi.

Jeremias 9:4

“Kada kin pa i toma sintidu ku si amigu; ka bo fia na nin un ermon, pabia tudu ermon i nganadur; tudu amigu i ta yanda i na konta mintida pa jinti.

Jeremias 9:5

Kada kin ta ngana si kumpañer; ningin ka ta konta bardadi. E ta nsina se lingua pa i konta mintida; e ta kansa se kabesa ku pekadu.

Mikeias 6:12

Jinti riku di prasa e inci violensia; moraduris ta konta mintida; palabra di se boka i di nganu.