Jeremias 9:4 - BIBLIA - traduson antigu in Krioulo

⁴ “Kada kin pa i toma sintidu ku si amigu; ka bo fia na nin un ermon, pabia tudu ermon i nganadur; tudu amigu i ta yanda i na konta mintida pa jinti.

Jeremias 9:4 ပူးပေါင်းရင်းမြစ်များ

Kumsada 32:28

Omi falal: “Bu nomi ka na sedu mas Jakó, ma Israel, pabia bu luta ku Deus, tambi ku omis, bu ngaña.”

Salmus 101:5

N na kaba ku kil ku na rui si visiñu. N ka na nguenta kil ku ta ronka ku korson di orgulyu.

Salmus 15:3

i ka ta disfama ku si boka; i ka ta fasi mal pa si kumpañer, nin i ka ta pasanta kombersa kontra si kumpañer;

Ditus 10:18

Kil ku ta sukundi odiu i munturus; kil ku ta fala mal di utru jinti i tulu.

Ditus 25:18

Omi ku ta lantanda falsu tustumuñu kontra si kumpañer i suma martel o spada o fleŝa fiadu.

Ditus 4:16

Jinti mau ka ta pudi durmi si e ka fasi mal; sonu ta kuri delis si e ka pui algin kai,

Ditus 4:17

pabia e ta kume kumida di maldadi, e bibi biñu di violensia.

Ditus 6:16

E seis kusa, SIÑOR ka gosta delis; kil di seti, i nuju el:

Ditus 6:19

tustumuña ku ta konta mintidas ku kil ku ta sumia jus na metadi di ermons.

Isaias 59:13

No ta nega SIÑOR, no konta mintida kontra el, no vira kosta pa no Deus, no pui jinti pa e kalka utrus, e ravolta; no korson forma mintida ku sai na no boka.

Isaias 9:16

Kilis ku ta gia e pobu e ta ngana elis; ki jinti ke na gia e sta pirdidu.

Jeremias 12:6

Te bu ermons, familia di bu pape, elis propi e sedu infiel pa bo, e ta pirsigiu ku forti gritus. Ka bu fia nelis, mesmu ke na papia palabra sabi ku bo.

Jeremias 6:28

Tudu elis e sedu disobdienti dimas; e na yanda e na konta mintida pa jinti. E sedu duru suma kobri ku feru; elis tudu e ta yanda na kurupson.

Jeremias 9:8

Se lingua i sedu fleŝa ku ta mata, i ta papia ku nganu; ku si boka kada kin ta papia diritu ku si kumpañer, ma dentru di si korson i ta buska manera di pañal.”

Ezekiel 22:9

Utru di bu jinti ta konta mintida pa utrus pa e pudi matadu. Utrus ta kume karni di ronia na bu kaus altu, e ta fasi kusas di borgoña.

Sirmonias 19:16

“Ka bu pajiga palabra falsu na metadi di bu pobu kontra un algin. Ka bu pui vida di bu kumpañer na pirigu. Ami N sedu SIÑOR.

Malakias 2:10

Nta anos tudu no ka tene mesmu Pape? I ka un Deus ku kumpunu? Kuma ku no na sedu infiel pa ŋutru, no kontamina kontratu di no papes?

Mateus 10:17

Bo toma sintidu ku jinti, pabia e na bin leba bos na Konseliu, e na bin suta bos na se kasas di juntamentu.

Mateus 10:21

“Un ermon na bin ntrega si propi ermon pa i matadu; papes na ntrega se propi fijus; fijus na lanta kontra papes, e na pui pa e matadu.

Lukas 21:16

Te bo papes, bo ermons, bo parentis ku amigus e na falsia bos. Utru di bos na matadu.

1 Tesalonisensis 4:6

Ne kusa ningin ka dibi di ngana si ermon, nin abusa del, pabia Siñor i vingadur di tudu e kusas, suma ku no konta bos ja, no avisa bos klaru.