Jeremias 9:22 - BIBLIA - traduson antigu in Krioulo

²² N mandadu pa N konta kuma SIÑOR fala: “Difuntus di omis na dita suma strumu na lugar, o suma miju ku kebradur korta, i disa; i ka ten kin ku na lambu elis.”

Jeremias 9:22 ပူးပေါင်းရင်းမြစ်များ

2 Reis 20:13

Ezekias risibi ki jinti, i mostra elis tudu si rikesas — prata, uru, purfumus ku pomadas mas bonitu, ku si kasa di material di gera, ku tudu ku staba na si armazens; i ka tenba nada ki ka mostra elis, nin na si kasa, nin na tudu si tera.

2 Reis 20:15

Isaias puntal: “Ke ke oja na bu kasa?” Ezekias falal: “E oja tudu ku sta na ña kasa. I ka ten nada di ña rikesas ku N ka mostra elis.”

2 Reis 9:37

Si kadaver na pajigadu la suma susidadi di limaria na con, di manera ku ningin ka na pudi fala kuma, es i Jezabel.’ ”

Jo 5:13

I ta paña jirus na se jiresa di kabalindadi; planus di jinti mau ta bin kai na nada.

Salmus 49:7

Na bardadi, ningin ka pudi kaplinti si ermon, nin i ka pudi paga Deus pres di si libertason,

Salmus 83:10

Elis e kabadu ku el na Endor, e bida suma strumu na con.

Ditus 18:11

Rikus ta pensa kuma se rikesa i suma mura altu i forti na roda di prasa.

Ditus 23:4

Ka bu fadiga pa sedu riku, ma tarbaja ku jiresa, dentru di limiti.

Isaias 5:25

E ku manda raiba di SIÑOR na yardi kontra si pobu, i distindi si mon kontra elis, i mata elis. Montañas tirmi; se difuntus i suma muntudu na ruas. Mesmu asin, si raiba ka kalma, ma si mon sta inda yalsadu.

Jeremias 16:4

E na muri di duensa mau; jinti ka na cora elis, nin e ka na nteradu, ma e na sedu suma strumu na con. Spada ku fomi na kaba ku elis; se difuntus na sedu kumida pa kacus ku limarias di matu.

Jeremias 25:33

Na ki tempu, kilis ku SIÑOR mata e na dita na tudu kau, di un ladu di mundu pa utru. E ka na coradu, nin pa e kujidu, ku fadi pa e nteradu, ma e na sedu suma strumu na tera.

Jeremias 6:21

Asin ami, SIÑOR, N fala: N na pui kusas dianti de pobu pa e da tapada. Papes ku fijus e na kai juntu nel. Visiñu ku si kumpañer e na muri.”

Jeremias 7:33

Asin difuntus de pobu e ta sirbi pa kumida di kacus ku ta bua, ku limarias di matu. I ka na ten kin ku na serka elis.

Jeremias 8:2

e na distindidu na sol ku lua ku tudu strelas di seu, ku sedu kusas ke amaba, ke sirbiba, ke kuriba se tras, ke punta, ke mborka pa elis. Ki os ka na juntadu nin nteradu, ma e na sedu strumu pa con.

Abakuk 1:11

E na pasa suma bentu, e disparsi; e na sedu kulpadu, e na fala kuma se forsa bin di se deus.”

Sofonias 1:17

N na kastiga jinti tok e na yanda suma segus, pabia e peka kontra mi, SIÑOR. Se sangi na darmadu suma reia; se difuntus na botadu suma liŝu.

Ripitison di Lei 8:17

Toma sintidu pa ka fala na bu sintidu: “N ngaña tudu e rikesa ku ña puder ku forsa di ña mon.”