Jeremias 8:17 - BIBLIA - traduson antigu in Krioulo

¹⁷ SIÑOR fala: “Bo jubi, N na manda kobras na bo metadi, kobras venenosu ku ka ta nkantadu ku musika. E na murdi bos.”

Jeremias 8:17 ပူးပေါင်းရင်းမြစ်များ

Salmus 58:6

O Deus, kebra elis dintis na boka; SIÑOR, kebra keŝada di ki lions.

Eklesiastis 10:11

Si kobra murdi antis di i nkantadu, i ka ten remediu pa nkantadur, nin si i ten jitu.

Isaias 14:29

Abos, tudu jinti di Filistia, ka bo kontenti manera ku po ku suta bos i kebra, pabia, di rais di kobra i na sai kobra tutu; si frutu na sedu kobra venenosu ku ta buanta kabesa.

Amos 5:19

I na sedu suma un omi kuri pa kapli di lion, i bin kontra ku ursu, o suma i yentra na un kasa, i ngosta mon na paredi; kobra bin murdil.

Amos 9:3

Si e sukundi na kabesa di monti Karmelu, N na buska elis, N tira elis la. Si e bai sukundi di ña uju na fundu di mar, N na da ordi pa serpenti ku sta la pa i murdi elis.

Numerus 21:6

SIÑOR manda kobras venenosu na metadi di pobu; e murdi elis. Manga di fiju di Israel muri pabia di ki murdidura.

Ripitison di Lei 32:24

Kurpu na kaba ku elis pabia di fomi; N na kastiga elis ku duensas meduñu. N na manda limarias brabu pa ataka elis, ku venenu di kobras.

Apokalipsi 9:19

Puder di ki kabalus sta na se bokas ku se rabus, pabia se rabus parsi kobra. E tene kabesa ke ta murdi ku el.