Jeremias 8:14 - BIBLIA - traduson antigu in Krioulo

¹⁴ Pobu na punta: “Ke ku manda no sinta li? Bo junta pa no yentra na prasas forti, pa no muri la, pabia SIÑOR no Deus i markanu pa no muri. I danu yagu di venenu pa no bibi, pabia no peka kontra el.

Jeremias 8:14 ပူးပေါင်းရင်းမြစ်များ

2 Samuel 20:6

Rei fala Abisai: “Gosi Seba, fiju di Bikri, i na danu mas kansera di ki Absalon! Leba ña guardas, bu bai si tras, pa i ka bin toma konta di utru prasas forti, i kaplinu.”

Salmus 39:2

N fika kaladu suma mudu; nin ben N ka papia, ma ña dur buri.

Salmus 69:21

E dan fel pa N kume; oca ku N teneba sedi, e dan vinagri.

Isaias 47:5

“Abo, Kaldeia, sinta ketu na sukuru, pabia nunka mas bu ka na comadu raiña di manga di renu.

Jeremias 14:20

O SIÑOR! No rapara no maldadi, ku pekadu di no papes, pabia no peka kontra bo.

Jeremias 14:7

O SIÑOR, mesmu ku no pekadu i na akusanu, fasi kualker kusa pa amor di bu nomi. No disvia manga di bias, no peka kontra bo.

Jeremias 23:15

Pabia di kila, SIÑOR ku ten tudu puder fala aserka di anunsiaduris: “N na da elis un planta malgos pa e kume, ku yagu di venenu pa e bibi, pabia anunsiaduris di Jerusalen e kontamina tudu tera.”

Jeremias 3:25

No dita na no borgoña, no kubri ku no kunfuson, pabia no peka kontra SIÑOR no Deus, anos ku no papes, disna di no nobresa; no ka obdisi ke ku SIÑOR no Deus fala ku nos.”

Jeremias 35:11

Oca ku Nabukodonosor, rei di Babilonia, bin pa e tera, no fala: ‘Bo bin no bai Jerusalen, pa kapli di tropas di Babilonia ku tropas di Siria.’ Asin no fika na Jerusalen.”

Jeremias 9:14

ma e yanda na duresa di se korson, e bai tras di idulus di Baal suma ku se papes nsina elis.

Jeremias 9:15

Pabia di kila, ami, SIÑOR ku ten tudu puder, Deus di Israel, N fala: N na da ña pobu un planta malgos pa e kume, ku yagu di venenu pa e bibi.

Miskiñu di Jeremias 3:19

Lembra di ña kastigu ku ña yanda-yanda, ku ña venenu malgos.

Sirmonias 10:3

Moisés fala Aron: “Es i kusa ku SIÑOR kontaba ja, kontra i fala: ‘Kilis ku na ciga pertu di mi e ten ku rispitan suma Deus Santu. N na sedu glorifikadu dianti di tudu jinti.’ ” Aron fika kaladu.

Amos 6:10

Un parenti mas pertu, ku ten ku bin kema elis, i na toma difuntus, i leba pa fora di kasa. I na papia ku algin ku sta mas pa dentru, i puntal: “I ten mas algin ku bo?” I na falal: “Nau.” Ki parenti na falal: “Kala! No ka dibi di coma nomi di SIÑOR.”

Abakuk 2:20

SIÑOR sta na si templu sagradu; tudu jinti di mundu pa e kala si dianti.”

Zakarias 2:13

Pa tudu jinti kala dianti di SIÑOR, pabia i lanta di si morada sagradu.

Mateus 27:34

e da Jesus biñu jagasidu ku fel pa i bibi, ma dipus di purbal, i nega bibil.

Ripitison di Lei 29:18

Bo toma sintidu pa ka i ojadu na bo metadi omi nin minjer nin familia nin jorson ku si korson na disvia di SIÑOR no Deus, pa i bai sirbi deusis di ki nasons, pabia kila ta bin sedu suma rais ku ta nasi pa padi frutu malgos ku ta mata.

Ripitison di Lei 32:32

Se pe di uva i bin di Sodoma, i sai na orta di Gomora. Se uvas inci ku venenu; se kacu i malgos.