Jeremias 8:13 - BIBLIA - traduson antigu in Krioulo

¹³ SIÑOR fala mas: “N na kaba ku se kebur. I ka na ten uvas na si pe, nin fijus na figera; fojas na kai. Kil ku N da elis, e na tiradu el.”

Jeremias 8:13 ပူးပေါင်းရင်းမြစ်များ

Isaias 5:10

Un orta di uva di des ektar i ka na rindi mas di ki vinti litru di biñu; duzentus kufu di simentera ka na rindi mas di ki vinti kufu.”

Jeremias 14:12

Ora ke junjuŋa, N ka na obi se fála; ora ke tisi oferta kemadu ku oferta di kumida, N ka na kontenti ku elis. N na kaba ku elis ku spada, fomi ku duensa.”

Jeremias 14:15

Asin ami, SIÑOR, N fala aserka di anunsiaduris ku na anunsia na ña nomi sin N ka da elis ordi. E na fala: ‘Nin spada, nin fomi ka na ten ne tera.’ Ma e mesmu anunsiaduris na muri ku spada ku fomi.

Jeremias 17:8

I na sedu suma arvuri ku parantadu lungu di yagu, ku ta larga si rais pa riusiñu; i ka ta sinti medu ora ku kalur na bin, ma si foja ta fika sempri nobu. Na anu ku cuba ka cubi, i ka ta fika kansadu, nin i ka ta disa di padi fiju.”

Jeremias 5:17

E na kume bu kebur ku bu kumida; e na nguli tudu bu fijus femia ku macu; e na kume bu karnel ku bu bakas, bu uvas ku bu figus. Ku spada e na bati tudu bu prasas forti ku bu fiansaba nel.”

Jeremias 7:20

“Asin ami, SIÑOR Deus, N fala kuma, forsa di ña raiba i na darmadu riba de kau, riba di omis, limarias, arvuris di matu ku frutu di con. Ña raiba na yardi, i ka na paga.”

Ezekiel 22:31

Pabia di kila N darma ña raiba riba delis pa i sedu fugu pa kaba ku elis. N pui kusas mau ke fasi pa e kai riba di se kabesa. Asin ku SIÑOR Deus fala.”

Oseias 2:12

N na dana si pes di uva ku si figeras, ki ta fala kuma kilas i ke ku si amantis pagal. N na fasi elis un matu ficadu; limarias di matu na kume elis.

Joel 1:7

E bati ña pes di uva, e dana ña figeras, e tira se kaska, e botal na con; se ramus bida branku.

Sirmonias 26:20

Bo forsa na gastadu amonton, pabia bo con ka na da si prudutus; arvuris ka na padi se fruta.

Abakuk 3:17

Asin, nin si pe di figu ka padi flor, nin si uvas ka ten na se pe, nin si olivera ka bin padi fruta, nin si lugaris ka rindi kusa di kume, nin si karnelis di rebañu rabatadu, nin si bakas ka ten na koral,

Aẑeu 1:11

N coma sekura pa i bin riba di con, riba di montis, riba di trigu ku ortas di uva ku olivera, ku tudu ku con ta pruduzi, suma tambi riba di omis ku limarias, ku tudu tarbaju di mon di omi.”

Aẑeu 2:17

N kastiga bos na tudu tarbaju di bo mon, ku kemadura, ku ferús, ku cuba di jelu, ma na bo metadi i ka tenba kin ku na riba pa mi.’ Asin ku SIÑOR fala.

Malakias 3:11

N na tuji bicus kume prudutu di bo con; pes di uva na bo lugaris na padi.” Asin ku SIÑOR ku ten tudu puder fala.

Mateus 21:19

I oja un figera pertu di kamiñu, i bai pa el, i ka oja nada la di kume, son pajas. I falal: “Nunka mas bu ka na padi fruta!” Na ki ora figera seku janan.

Tiagu 1:11

Sol ta lanta, i ta yardi ku si kalur, i ta seka plantas; flor ta kai, si bonitasku ta kaba. Asin tambi ku rikus ta murca na se vida, tok e pirdi.