Jeremias 7:29 - BIBLIA - traduson antigu in Krioulo

²⁹ “Jerusalen, korta bu kabelu, bu botal, bu pega na cora riba di montis, pabia SIÑOR nega, i bandona pobu ku lantanda si raiba.”

Jeremias 7:29 ပူးပေါင်းရင်းမြစ်များ

2 Reis 17:20

Asin SIÑOR bin nega tudu fijus di Israel, i kastiga elis, i ntrega elis na mon di jinti ku roba elis tudu kusas ke teneba; dipus i tira elis na si pursensa.

Jo 1:20

Jo lanta, i rumpi si manta, i rapa si kabelu, i mborka na con, i ngaba Deus,

Isaias 22:12

SIÑOR, SIÑOR ku ten tudu puder, i coma bos na ki dia pa bo cora, bo miskiña, bo rapa kabesa, bo mara saku.

Jeremias 12:7

“N bandona ña pobu, N nega ña yardansa. Kil ku N mas ama, N ntregal na mon di si inimigus.

Jeremias 14:19

Nta bu nega janan Judá? Bu njuti Sion? Ke ku manda bu sutanu tok no ka ten kura? No na peraba pas, ma nin nada di bon ka bin; no na peraba tempu di kura, ma no oja son kusas meduñu.

Jeremias 16:6

Rikus ku koitadis na muri ne tera; e ka na nteradu; ningin ka na cora elis, nin laña kurpu nin rapa kabelu pa elis.

Jeremias 3:2

Yalsa uju pa kaus altu, bu jubi. Nta i ten kau ku bu ka bindi kurpu nel? Bu ta sintaba na kamiñu pa pera amantis, suma yandadur na lala ku na pera kilis ku sta na bias, pa ataka elis. Asin bu kontamina tera ku bu mau vida ku bu maldadi.

Jeremias 3:21

Na kaus altu i obidu un vos, ku sedu di fijus di Israel ku na cora, e na roga, pabia e yanda mal dimas, e diskisi di SIÑOR se Deus.

Jeremias 47:5

Gaza na rapa si kabesa suma na cur; Askelon na fika mudu. Te kal dia ku restu di jinti di kobon na laña se kurpu na cur?

Jeremias 48:37

Kabesa tudu rapadu, barba tiradu; tudu mon i lañadu; e mara saku.

Jeremias 6:30

E na comadu prata negadu, pabia SIÑOR nega elis.”

Jeremias 9:10

N na cora risu pabia di montis; N na miskiña pabia di kaus di bakia na lala, pabia e sta ja kemadu; ningin ka ta pasa la. Gosi ja i ka na obidu vos di baka; kacus tudu ku limarias e kuri, e bai.

Jeremias 9:16

N na pajiga elis na metadi di nasons ku nin elis nin se papes ka kunsiba. N na serka elis ku spada tok N kaba ku elis.”

Miskiñu di Jeremias 5:22

Nta bu na neganu pa sempri? Kuma ku bu pudi ten raiba de manera kontra nos?

Ezekiel 19:1

Deus falan pa N kanta e kantiga di tristesa aserka di reis di Israel:

Ezekiel 28:12

“Fiju di omi, miskiña pa rei di Tiru, bu falal kuma SIÑOR Deus fala: ‘Abo bu seduba algin pirfitu; bu jiru, bu bonitu dimas.

Amos 5:1

Pobu di Israel, bo sukuta e kantiga tristi ku N na kanta pa bos:

Mikeias 1:16

Pela kabesa suma jugude pabia di fijus ku bu ama, pabia e na tiradu di bo, e lebadu pa katiberasku.

Mateus 12:39

I ruspundi elis, i fala: “E jinti di aos ku sedu mau, ki ka fiel pa Deus, e ta pidi sinal, ma e ka na dadu utru sinal fora di kil di anunsiadur Jonas.

Mateus 16:4

E jinti di aos ku sedu mau, ku ka fiel pa Deus, e na buska un sinal, ma e ka na dadu utru sinal fora di kil di Jonas.” I disa elis, i bai si kamiñu.

Mateus 23:36

Na bardadi, N na konta bos kuma, e kusas tudu e na bin kai riba di jinti di aos.

Mateus 3:7

Jon bin oja manga di jinti di partidus di fariseus ku saduseus na binba pa kau nunde ki na batisa. I fala elis: “Jorson di kobras, kin ku nsina bos kuri di kastigu ku na bin?

Atus 2:40

Pedru konsija elis ku manga di palabra, i avisa elis, i fala: “Bo libra bo kabesa di jinti mau de tempu.”

Ripitison di Lei 32:5

Abos bo bida kuruptu kontra el, bo ka sedu ja si fijus pabia di bo manca; bo sedu un pobu tortu i mau.