Jeremias 7:19 - BIBLIA - traduson antigu in Krioulo

¹⁹ Nta ami ke na fasi mal? Nau. Ami, SIÑOR, N fala kuma e na fasil pa se kabesa pa se propi borgoña.

Jeremias 7:19 ပူးပေါင်းရင်းမြစ်များ

Esdras 9:7

Disna di dias di no papes di antigu te aos, no kulpa i garandi. Pabia di no pekadus, anos, no reis ku no saserdotis, no ntregadu na mon di reis di utru teras, no sufri spada ku katiberasku, no kusas furtadu, no sta na borgoña, suma ku no pudi oja aos.

Jo 35:6

Si bu peka, kal mal ki ta fasi Deus? si bu buri bu maldadi, ke ku bu ta fasil?

Isaias 1:20

ma si bo nega, bo sedu disobdienti, bo na matadu ku spada.” Asin ku SIÑOR fala ku si boka.

Isaias 1:24

Asin ku SIÑOR ku ten tudu puder, Forti di Israel, fala: “N na vinga di ña inimigus, N na diskansa delis.

Isaias 45:16

Kilis ku kumpu idulus e na kai tudu na borgoña, e na bin kunfundidu, e na fasidu trosa,

Jeremias 15:9

Mame di seti fiju na dismaja, i kansa pa da folgu; si sol kai nkuantu i di dia inda; i fika ku borgoña ku kunfuson. Kilis ku ka muri inda, N na ntrega elis pa spada dianti di se inimigus.” Asin ku SIÑOR fala.

Jeremias 2:17

Nta tudu e kusas ku kontisi ku bo i ka pabia bu disa SIÑOR bu Deus, oca ki na giauba na kamiñu?

Jeremias 2:19

I bu maldadi ku na kastigau; bu disviu ku na raprindiu. Pensa diritu, bu jubi kuma ki sedu un kusa mau i malgos pa bu disa SIÑOR bu Deus, bu ka ten rispitu pa el.” Asin ku SIÑOR Deus ku ten tudu puder fala.

Jeremias 20:11

Ma SIÑOR sta ku mi suma forti gereru; asin ña pirsigiduris tudu na kai, e ka na ngaña. E na fika ku borgoña; kusas ka na kuri elis diritu; e na sta sempri na kunfuson; ku ka na diskisidu.

Jeremias 22:22

Bentu na leba tudu bu ŝefis; teras ku sedu bu amigus na bai pa katiberasku. Bu na fika ku borgoña ku kunfuson pabia di tudu bu maldadi.

Jeremias 25:7

“Ma bo ka para sintidu pa ña palabra; bo lantanda ña raiba ku kusas ku bo fasi ku bo mon, pa bo propi mal.” Asin ku SIÑOR fala.

Jeremias 3:25

No dita na no borgoña, no kubri ku no kunfuson, pabia no peka kontra SIÑOR no Deus, anos ku no papes, disna di no nobresa; no ka obdisi ke ku SIÑOR no Deus fala ku nos.”

Jeremias 44:3

pabia di maldadi ke fasi. E lantanda ña raiba manera ke bai kema nsensu, e adora utru deusis ku nunka e ka kunsi, nin abos nin bo papes.

Jeremias 8:19

Bo sukuta vos di ña pobu na un tera lunju dimas; e na punta: “SIÑOR ka sta na Sion? Rei di Sion ka sta ja la?” Deus punta: “Ke ku manda e lantanda ña raiba ku se imaẑens, ku se idulus strañu ku ka bali?”

Jeremias 9:19

Baruju di cur i obidu na Sion; jinti na fala: “No kabadu ku el! No sta na garandi borgoña! No ten ku disa no tera pabia no kasas danadu.”

Ezekiel 16:26

Tambi bu fasi pekadu seksual ku fijus di Ejitu, bu visiñus ku ta ten diseẑu forti pa buska minjer. Bu buri bu vida susu pa lantanda ña raiba.

1 Koríntius 10:22

O no na pui Siñor pa i ten siumi? O anos i mas forti di ki el?

Ripitison di Lei 32:16

Pobu di Israel lantanda siumi di SIÑOR pabia di deusis strañu; e pul raiba ku se idulus nujenti.