Jeremias 7:18 - BIBLIA - traduson antigu in Krioulo

¹⁸ Fijus na buska leña, papes na sindi fugu, minjeris na masa foriña pa fasi bulus pa deus femia ku ta comadu raiña di seu. E na pursenta ofertas di bibida pa utru deusis, pa lantanda ña raiba.

Jeremias 7:18 ပူးပေါင်းရင်းမြစ်များ

1 Reis 14:9

ma abo bu fasi mal mas pior di ki tudu kilis ku staba ja antis di bo. Bu bai kumpu utru deusis, ku idulus di metal, pa provoka ña raiba; bu viran kosta.

1 Reis 16:2

“Bu ka seduba ningin, ma N lantandau, N fasiu pa bu sedu ŝef riba di ña pobu Israel. Bu bin yanda na kamiñu di Jeroboan, bu pui ña pobu Israel pa e peka, pa se pekadus lantanda ña raiba.

Salmus 16:4

Kilis ku bai tras di utru deusis e na buri tristesa riba di se kabesa. Ami, N ka na darma ofertas di sangi, nin ña boka ka na coma se nomis.

Isaias 3:8

Jerusalen na balansa; Judá kai ja, pabia tudu ke na papia, ku kusas ke na fasi, sta kontra SIÑOR, pa disafia si parsensa gloriosu.

Isaias 57:6

Bu kiñon sta na ki pedras lisu di riusiñus; elis ku na sedu bu sorti. Bu ta darma biñu di oferta riba delis, bu ta da elis ofertas di kumida. Nta N na kontenti ku e kusas?

Isaias 65:11

“Ma abos ku lunjusi di SIÑOR, ku diskisi di ña monti sagradu, ku ta purpara mesa pa deus Fortuna, ku ta mistura biñu pa deus Distinu,

Isaias 65:3

un pobu ku ta fasi kusas sempri ña dianti pa pun N paña raiba. E ta fasi sakrifisius na jardins, e ta kema nsensu riba di altaris di tiẑolu.

Jeremias 1:16

“N na anunsia ña kastigu riba di ña pobu pabia di kusas mau ke fasi. E disan, e kema nsensu pa utru deusis, e adora kusas ke kumpu ku se mon.

Jeremias 11:17

“Ami, SIÑOR ku ten tudu puder, ku parantal, N anunsia mal kontra el, un mal ki tisi riba di si kabesa, pabia di maldadi di jorsons di Israel ku Judá. E lantanda ña raiba manera ke kema nsensu pa Baal.”

Jeremias 17:2

Se fijus tambi e lembra di se altaris ku se idulus di Aserá, bas di arvuris verdi, riba di montis altu,

Jeremias 19:13

Kasas di Jerusalen ku kasas di reis di Judá e na sedu impuru suma Tofet, suma tambi tudu kasas nunde ke kema se nsensu riba di kasa pa sol ku lua ku strelas, e pursenta ofertas di bibida pa utru deusis.’ ”

Jeremias 25:7

“Ma bo ka para sintidu pa ña palabra; bo lantanda ña raiba ku kusas ku bo fasi ku bo mon, pa bo propi mal.” Asin ku SIÑOR fala.

Jeremias 32:29

Jinti di Babilonia ku na geria kontra prasa e na yentra, e na pui fugu; e na kema ki kasas nunde ke ta kema nsensu pa Baal riba delis, e darma ofertas di bibida pa utru deusis, pa lantanda ña raiba.

Jeremias 44:25

Asin ku SIÑOR ku ten tudu puder, Deus di Israel, fala: ‘Abos ku bo minjeris, i ka son pa bo papia ku boka, ma tambi bo pul na pratika. Bo fala: “No na kumpri votus ku no fasi pa kema nsensu pa raiña di seu, pa pursental ofertas di bibida.” I sta bon! Bo kumpri bo votus! Bo fasi tudu ku bo fala!

Jeremias 44:4

N manda tudu ña servus anunsiaduris, kada dia ku sol na mansi, pa e fala bos pa ka bo fasi e kusa nujenti ku N ka misti oja.

Jeremias 7:17

Nta bu ka oja ke ke na fasi na prasas di Judá ku na ruas di Jerusalen?

Miskiñu di Jeremias 5:13

Jovens obrigadu pa e pila; mininus na da tapada bas di maradura di leña.

Ezekiel 16:26

Tambi bu fasi pekadu seksual ku fijus di Ejitu, bu visiñus ku ta ten diseẑu forti pa buska minjer. Bu buri bu vida susu pa lantanda ña raiba.

Ezekiel 20:28

Oca ku N leba elis na tera ku N jurmenta da elis, e bin jubi pa tudu montis altu ku tudu arvuris ku fojas nobu, e sakrifika se limarias la, e pursenta ofertas ku lantanda ña raiba, e kema nsensu ku ta cera sabi, e darma se ofertas di bibida.

Ezekiel 8:16

I leban pa kintal di dentru di kasa di SIÑOR. La, pertu di entrada di kau sagradu, entri sala di entrada ku altar, serka di vinti i sinku omi, ku vira kosta pa kau sagradu di SIÑOR, ku se rostu pa saida di sol, e na adora sol ku na lanta.

Ezekiel 8:17

I puntan: “Fiju di omi, bu oja es? Nta e kusas nujenti ku pobu di Judá na fasi li i kusa pikininu pa elis? E ten ku bai dianti, e inci tera ku violensia pa fasin paña raiba. Jubi elis e na ciganta ramu pa se naris!

1 Koríntius 10:22

O no na pui Siñor pa i ten siumi? O anos i mas forti di ki el?

Ripitison di Lei 32:16

Pobu di Israel lantanda siumi di SIÑOR pabia di deusis strañu; e pul raiba ku se idulus nujenti.

Ripitison di Lei 32:21

E lantanda ña siumi ku kil ku ka sedu Deus; ku se idulus e pun pa N paña raiba. Asin N na pui elis na kumbosadia ku kilis ku ka sedu pobu; N na pui elis raiba ku un nason ku ka ten ntindimentu.

Ripitison di Lei 4:19

Si bo yalsa uju pa seu, bo oja sol ku lua ku strelas, tudu e kusas ku ta ojadu la, ka bo nganadu pa mpina se dianti, pa adora ki kusas ku SIÑOR bo Deus rapati pa tudu parti di mundu pa tudu rasas.