Jeremias 7:15 - BIBLIA - traduson antigu in Krioulo

¹⁵ N na tira bos ña dianti, suma ku N tira bo ermons, tudu jorson di Efrain.”

Jeremias 7:15 ပူးပေါင်းရင်းမြစ်များ

2 Reis 17:23

tok SIÑOR tira elis na si pursensa, suma ki avisa elis ba na boka di si servus anunsiaduris. Israelitas tiradu na se tera, e lebadu pa Asiria; e sta la te aos.

2 Reis 24:20

SIÑOR tenba raiba ciu kontra Jerusalen ku Judá, tok i nega elis, i tira elis si dianti. Zedekias bin ravolta kontra rei di Babilonia.

2 Kronikas 15:9

Manga di jinti di Efrain, Manasés ku Simeon e oja kuma SIÑOR si Deus staba ku el, e bin mora na Judá. Asa junta elis tudu ku Judá ku Benjamin.

Salmus 51:11

Ka bu serkan bu dianti, nin ka bu tira bu Spiritu Santu na mi.

Isaias 7:16

Na bardadi, antis di ki mininu sibi nega mal pa i kuji ben, tera di ki dus rei ku bu sinti medu delis i na fika sin jinti.

Jeremias 15:1

SIÑOR falan: “Mesmu ku Moisés ku Samuel firmaba ña dianti, ña korson ka na baiba pa e pobu. Tira elis ña dianti pa e bai.

Jeremias 23:33

“Ora ku e pobu, o anunsiadur o saserdoti, puntau: ‘Kal ki rekadu di SIÑOR?’ bu ta fala elis: ‘Abos ku sedu si kargu; i fala kuma i na rianta bos, i fika libri di bos.’

Jeremias 23:39

ami N na karga bos, dipus N na tira bos ña dianti, abos tudu ku prasa ku N da bo papes.

Jeremias 3:8

N da Israel infiel un karta di kaba kasamenti. N dispidil pabia di si pekadu di kai cai. N oja kuma Judá, si irma infiel, i ka ten medu, ma tambi i bai ntrega si kurpu na mau vida.

Jeremias 52:3

SIÑOR paña raiba kontra Jerusalen ku Judá, tok i tira elis si dianti. Zedekias bin lanta kontra rei di Babilonia.

Jeremias 9:19

Baruju di cur i obidu na Sion; jinti na fala: “No kabadu ku el! No sta na garandi borgoña! No ten ku disa no tera pabia no kasas danadu.”

Ezekiel 23:31

Bu yanda na mesmu kamiñu di bu irma; e ku manda N na ntrega ki mesmu kopu na bu mon.”

Ezekiel 33:25

Pabia di kila, bu ta fala elis kuma asin ku SIÑOR Deus fala: ‘Bo ta kume karni ku sangi, bo ta pui sintidu na bo idulus, bo ta darma sangi. Nta i abos ku tene e tera?

Oseias 1:4

SIÑOR fala Oseias: “Coma mininu Jizreel, pabia i ka na tarda, N na kastiga familia di Jeu pabia di matansa ki fasi na Jizreel. Tambi N na kaba ku renu di Israel.

Oseias 12:1

Efrain ta buri danu ku mintida; i fasi kontratu ku Asiria, i ta leba azeiti pa Ejitu. I suma i ta kume bentu; tudu dia i ta yanda tras di bentu di lesti.

Oseias 13:16

Samaria na kastigadu pa si kulpa, pabia i ravolta kontra si Deus. Si moraduris na matadu ku spada, se fijus na botadu ku forsa na con, se minjeris preñada na findidu.”

Oseias 7:13

Ai delis! E na kabadu ku el, pabia e yanda lunju di mi, e ravolta kontra mi. N misti liberta elis, ma e konta mintidas kontra mi.

Oseias 9:13

N oja Efrain, suma Tiru, parantadu na un kau bonitu, ma Efrain na leba si fijus pa e matadu.”

Oseias 9:3

E ka na fika na tera di SIÑOR, ma Efrain na riba pa Ejitu, i na kume kumida impuru na Asiria.

Oseias 9:9

E murguja na kurupson, suma na dias di Jibeá. Deus na lembra di se maldadi, i na kastiga se pekadus.

Jonas 2:4

N fala kuma N tiradu lunju di bu rostu, ma N na vira rostu pa bu templu sagradu.