Jeremias 6:8 - BIBLIA - traduson antigu in Krioulo

⁸ Jerusalen, seta konsiju, pa N ka bin bandonau, pa ka bu bin bida tera danadu suma lala ku ka sintadu nel.”

Jeremias 6:8 ပူးပေါင်းရင်းမြစ်များ

Salmus 2:10

Asin, abos reis, bo sedu jiru; abos, ŝefis di mundu, bo prindi bo lison.

Salmus 50:17

Bu ka misti pa N nsinau; bu ta bota ña palabra bu tras.

Salmus 94:12

SIÑOR, sortiadu i ki omi ku bu ta raprindi, kil ku bu ta nsina bu lei;

Ditus 19:20

Obi konsiju, bu seta nsinamentu, pa bu sedu jiru te na fin di bu vida.

Ditus 4:13

Pega tesu na nsinamentu di bu pape; ka bu largal. Guardal pabia i sedu bu vida.

Jeremias 17:23

Ma elis e ka para sintidu, e nega obi; e ndurusi se korson pa ka e obin, pa ka e kuriẑidu.

Jeremias 2:15

Jinti somna suma lion, e yalsa vos kontra el. E dana si tera pa i sedu suma lala; si prasas kemadu; ningin ka mora nelis.

Jeremias 31:19

Na bardadi, dipus ku N disvia, N bin ripindi; dipus ku N ntindi, N bati na ña pitu. N fika ku borgoña ku kunfuson; N sinti borgoña pabia di kusas ku N ta fasiba ocan nobu.’

Jeremias 32:33

E viran kosta, e ka jubi pa mi; mesmu ku N nsina elis kada parmaña, e ka para sintidu, nin e ka seta avisu.

Jeremias 4:14

O Jerusalen! Laba bu korson di maldadi, pa bu sedu salbu. Te kal tempu ku bu na kontinua tene mau pensamentus?

Jeremias 7:20

“Asin ami, SIÑOR Deus, N fala kuma, forsa di ña raiba i na darmadu riba de kau, riba di omis, limarias, arvuris di matu ku frutu di con. Ña raiba na yardi, i ka na paga.”

Jeremias 7:28

Fala elis: ‘Es i nason ku ka obdisi SIÑOR se Deus, nin e ka misti pa e kuriẑidu. Bardadi pirdi gosi; i ka ta obidu na se boka.’

Jeremias 7:34

Na prasas di Judá ku ruas di Jerusalen N na kaba ku baruju di kontentamentu ku alegria, ku vos di noivus, pabia N na torna tera suma lala.”

Jeremias 9:11

“N na fasi Jerusalen montis di pedra, morada di kacur brabu. N na torna prasas di Judá suma lala pa ningin ka pudi mora la.”

Ezekiel 23:18

Asin i kontinua si vida mau dianti di jinti, i ta fasi kusa di puku borgoña. N bin nuju el suma ku N nujuba si irma.

Oseias 2:5

Se mame bindi si kurpu pa utru omis, ku padi elis; i fika i na yandaba na borgoña. I fala: “N na bai tras di ña amantis, ku ta dan ña pon ku yagu, ña lan ku liñu, ña azeiti ku bibidas.”

Oseias 9:12

Mesmu ke ciga di kria se fijus, N na roba elis, pa ka i fika nin un son. Ai delis ora ku N bandona elis!

Sirmonias 26:34

Asin tera na goza si anus di diskansu pa tudu ki tempu ki sta bandonadu, kontra bo sta na tera di bo inimigus. Na ki tempu tera na diskansa, i na goza si sabadus.

Sofonias 3:7

N fala prasa: ‘Sertamenti bu na rispitan, bu seta disiplina.’ Asin si morada ka na danaduba; i na kapliba di kastigu ku N markaba, ma e pega tesu, e kontinua fasi kusas kuruptu.

Ripitison di Lei 32:29

I ta bon ba pa e sedu jiru, pa pudi ntindi e kusa, pa nota kuma ki na sedu na kabantada.