Jeremias 6:6 - BIBLIA - traduson antigu in Krioulo

⁶ Asin ku SIÑOR ku ten tudu puder fala: “Bo korta arvuris, bo pui rampas di kamba kontra Jerusalen. E prasa ten ku kastigadu, pabia e sta son na kalka ŋutru.

Jeremias 6:6 ပူးပေါင်းရင်းမြစ်များ

Isaias 37:33

“Asin ku SIÑOR fala aserka di rei di Asiria: ‘I ka na yentra ne prasa, nin i ka na ferca fleŝa nel, ku fadi pa i ciga lungu del ku tajadera, o pa lantanda rampas pa kamba mura.

Jeremias 20:8

Ora ku N papia, N ta grita ku forsa, N fala: “Violensia! Danu!” Jinti ta koban mal, e fasin trosa tudu dia, pabia N konta bu palabra.

Jeremias 22:17

Ma bu uju ku bu korson ta pui sintidu son pa ngaña ku tarpasa, pa darma sangi di kil ku ka ten kulpa, pa kalka jinti, pa toma kusas ku violensia.

Jeremias 32:24

“Jubi rampas di kamba! Tropas bin ja kontra prasa pa tomal. Pabia di spada, fomi ku duensa, prasa sta ja ntregadu na mon di tropas di Babilonia ku na geria kontra el. Kusa ku bu fala i sedu ja, suma ku bu na oja.

Jeremias 32:31

“Disna di dia ki kumpudu te gosi, e prasa lantanda ña raiba forti, tok N ten ku tiral ña dianti,

Jeremias 33:4

Ami, SIÑOR Deus di Israel, N fala aserka di kasas de prasa, ku kasas di reis di Judá ku jinti bati pa fasi difesa kontra rampa di kamba, tambi kontra spada,

Jeremias 39:1

Na desimu mis di nonu anu di Zedekias, rei di Judá, Nabukodonosor, rei di Babilonia, bin ku tudu si tropas kontra Jerusalen, e tajal.

Jeremias 5:29

SIÑOR punta: “Nta N ka na kastiga elis pa e kusas? N ka dibi di torna vingansa pa un nason suma es?

Jeremias 5:9

SIÑOR punta: “Nta N ka na kastiga elis pa e kusas? N ka dibi di torna vingansa pa un nason suma es?

Ezekiel 4:2

Pa mostra kuma i na tajadu, bu na kumpu toris di bisia kontra el, ku rampas di kamba, bu na kumpu kampamentus kontra el, tudu na roda bu na pui pos forti pa batil ku el.

Ezekiel 5:5

“Asin ku SIÑOR Deus fala: Es i Jerusalen; N pul na metadi di nasons, ku teras ku sta na si roda.

Daniel 11:15

Rei di norti na bai, i na lantanda rampas di kamba, i toma prasa fortifikadu. Tropas di sul ka na pudi nguenta; te ki mas minjoris ka na ten forsa pa firma kontra inimigu.

Sofonias 3:1

Ai di Jerusalen, ki prasa disobdienti, kuruptu, ku ta kalka jinti!

Lukas 19:43

Dias na bin ku bu inimigus na dau roda, e na tajau ku kusas, e na rokau na tudu ladu,