Jeremias 6:26 - BIBLIA - traduson antigu in Krioulo

²⁶ “O ña pobu, bo mara saku, bo rola na sinsa; bo cora ku forsa ku tristesa, suma algin ku pirdi si uniku fiju, pabia di repenti danadur na bin riba di nos.”

Jeremias 6:26 ပူးပေါင်းရင်းမြစ်များ

Kumsada 21:16

I bai, i sinta lunju un bokadu, suma un tiru di mansasa, pabia i fala: “N ka pudi oja mininu na muri.” I sinta la na ki kau, i kumsa na cora.

Jo 15:21

Baruju meduñu sta na si oreja; mesmu na tempu di pas, bandidus ta bin pa el.

Jo 2:8

Jo sinta na sinsa, i toma padas di puti pa kosa ku el.

Isaias 22:12

SIÑOR, SIÑOR ku ten tudu puder, i coma bos na ki dia pa bo cora, bo miskiña, bo rapa kabesa, bo mara saku.

Isaias 22:4

Bo tira bo uju na mi, bo disan pa N cora risu. Ka bo nsisti na konsolan, pabia ña pobu kabadu ku el.

Isaias 3:24

Minjer ku ta cera di purfumu i na bin cera mal; kil ku ta pui sintu bonitu i na maradu ku korda; kil ku ta ronka ku moda di kabelu i na bida kareka; kil ku ta pui bistidu kumpridu i na bisti saku; kemadura na toma lugar di bonitasku.

Isaias 30:13

Pabia di kila e maldadi na sedu pa bos suma paredi altu ku findi di riba, i kukula, pruntu pa kai di repenti.

Isaias 32:11

Abos minjeris ku sta diskansadu, bo tirmi; abos ku sta suguru, bo panta! Bo dispi bo ropa, bo mara saku na rabada,

Jeremias 12:12

Danaduris na bin riba di tudu montis di lala, pabia spada di SIÑOR na dana tera, di un ladu pa utru. I ka na ten pas pa ningin.

Jeremias 13:17

Si bo ka para sintidu, N na cora na sigridu, pabia di bo orgulyu; ña uju na cora risu; larma na darma, pabia karnelis di SIÑOR na lebadu katibu.

Jeremias 14:17

“Fala elis e palabra: ‘I bon pa ña uju darma larma noti ku dia, sin para, pabia ña pobu fasidu golpi di suti ku na de elis dimas.

Jeremias 15:8

N fasi bo viuvas mas ciu di ki reia di mar. Me-dia N tisi un danadur riba di mame di jovens; di repenti N pui foronta ku medu pa i kai riba delis.

Jeremias 18:22

Pa gritus obidu na se kasa ora ku bu tisi tropas riba delis di repenti, pabia e yabri koba pa pañan, e pui armadilias pa ña pe.

Jeremias 30:5

Asin ku SIÑOR fala: “No obi vos di garandi medu — di medu; i ka di pas.

Jeremias 4:11

Na ki tempu e pobu, tudu ku Jerusalen, e na kontadu: “Un bentu kinti di lala, ku di montis ku ka tene paja, na bin pa ña pobu. I ka bentu sabi ku na bin pa supra paja na arus,

Jeremias 4:20

Mal riba di mal! Tera tudu danadu. Di repenti ña tendas danadu; logu lona rumpidu.

Jeremias 4:8

Asin, bo mara saku, bo jimi, bo cora, pabia raiba di SIÑOR na yardi, i ka disanu.

Jeremias 6:14

E ta kura cagas di ña pobu suma i ka nada. E ta fala: ‘Pas, pas,’ kontra pas ka ten.

Jeremias 8:19

Bo sukuta vos di ña pobu na un tera lunju dimas; e na punta: “SIÑOR ka sta na Sion? Rei di Sion ka sta ja la?” Deus punta: “Ke ku manda e lantanda ña raiba ku se imaẑens, ku se idulus strañu ku ka bali?”

Jeremias 8:21

N sta kebrantadu pabia ña pobu i kebrantadu. N na cora; spantu toma konta di mi.

Jeremias 9:1

I ta seduba bon pa ña kabesa tene fonti di yagu, pa ña ujus sedu fonti di larmas! Asin N ta coraba di dia ku di noti pa mortus di ña pobu.

Jeremias 9:10

N na cora risu pabia di montis; N na miskiña pabia di kaus di bakia na lala, pabia e sta ja kemadu; ningin ka ta pasa la. Gosi ja i ka na obidu vos di baka; kacus tudu ku limarias e kuri, e bai.

Miskiñu di Jeremias 1:16

“E ku manda N na cora; ña ujus na sai yagu, pabia algin pa konsolan, pa burin forsa, i sta lunju. Ña fijus bandonadu, pabia inimigu ngaña.

Miskiñu di Jeremias 1:2

I ta cora tudu noti; si larmas ta darma na si uju; I ka ten kin ku na kalmal na kilis ku gostaba del; tudu si amigus sedu infiel pa el, e ravolta kontra el.

Miskiñu di Jeremias 2:11

Ña uju na kaba ku larmas; N sta tarpajadu dentru di mi. Ña korson inci ku tristesa pabia di kastigu di ña pobu, pabia mininus ku kilis ku na mama e na dismaja na ruas di prasa.

Miskiñu di Jeremias 3:16

I kebra ña dintis ku pedrasiñus, i kubrin ku sinsa.

Miskiñu di Jeremias 3:48

Ña uju darma korenti di yagu pabia ña pobu kabadu ku el.

Miskiñu di Jeremias 4:10

Minjeris ku ta sintiba pena, ku se mon e kusña se propi fijus, e sirbi elis pa kumida na tempu di kastigu di ña pobu.

Miskiñu di Jeremias 4:3

Te kacur brabu ta dita, i mamanta si fijus, ma ña pobu bida malvadu suma avestruz na lala.

Miskiñu di Jeremias 4:6

Kastigu di ña pobu i pior di ki kil di Sodoma, ku bin kai di repenti sin tarbaju di mon di omi.

Amos 8:10

“N na pui bo festivalis ku tudu bo kantigas pa e bida cur; N na pui pa bo mara saku, bo rapa kabesa. N na fasil suma cur di uniku fiju; si kabantada na sedu dia di kasabi.”

Jonas 3:6

Oca ku e palabra ciga na oreja di rei, i lanta na si tronu, i dispi si ropa di renansa, i bisti saku, i sinta na sinsa.

Zakarias 12:10

“N na darma spiritu di miserikordia ku orason riba di familia di Davi ku moraduris di Jerusalen. E na oja pa ki algin ke fura, e na jimi pa el suma kin ku na cora si uniku fiju; e na cora risu pa el suma kin ku na cora risu pa si purmeru fiju.

Lukas 7:12

Oca ki ciga pertu di porton di prasa, i kontra ku jinti ku na leba un difuntu, un fiju son di si mame ku seduba viuva. Manga di jinti di prasa na kumpañal.

Tiagu 4:9

Bo sinti tristi, bo miskiña, bo cora. Bo grasa pa i bida cur; bo alegria pa i bida tristesa.

Tiagu 5:1

Agora abos rikus, bo sukuta. Bo cora, bo grita pabia di disgrasa ku na bin riba di bos.