Jeremias 6:16 - BIBLIA - traduson antigu in Krioulo

¹⁶ SIÑOR fala si pobu: “Bo bai firma na ntronkamentu, bo jubi, bo buska kamiñu antigu, bo punta kal ki bon kamiñu, bo yanda nel; asin bo ta oja diskansu pa bo vidas.” Ma e fala: “No ka na yanda nel.”

Jeremias 6:16 ပူးပေါင်းရင်းမြစ်များ

1 Reis 8:36

la na seu bu ta obi, bu purda pekadu di bu servus ku di bu pobu Israel, bu nsina elis ki bon kamiñu ke dibi di yanda nel, bu manda cuba na bu tera ku bu da bu pobu suma yardansa.

2 Kronikas 19:11

Amarias, ŝef di saserdotis, i na ten otridadi riba di bos na tudu kasu riliẑiosu; Zebadias, fiju di Ismael, ŝef di jorson di Judá, i na ten otridadi na tudu kasu sivil. Levitas e sedu bo polisia. Bo sedu forti, bo fasi e tarbaju; SIÑOR ta sta na ladu di kilis ki bon.”

Salmus 116:7

Ña alma, torna fika diskansadu, pabia SIÑOR fasiu ben.

Isaias 2:5

Bo bin, abos, familia di Jakó, no yanda na lus di SIÑOR.

Isaias 28:12

i fala elis: “Es i kau di diskansu; bo disa kin ku kansa pa i diskansa; es ki aliviu di bardadi.” Ma e ka seta obi.

Isaias 30:21

Ora ku bu na disvia pa direita o skerda, bu na obi vos di kil ku sta bu tras, ku na fala: “Es ki kamiñu; bo yanda nel.”

Isaias 46:9

Bo lembra di kusas ku pasa disna di tempu antigu; bo lembra kuma ami i Deus; i ka ten utru Deus suma mi.

Isaias 57:2

Kilis ku yanda diritu e na yentra na pas, e na muri diskansadu na se kama.

Isaias 8:20

Bo bai pa lei ku palabra di Deus! Si jinti ka fala konformi e palabra, nunka e ka na oja lus di mandrugada.

Jeremias 12:16

Si e pui sintidu pa risibi nsinamentu di kamiñus di ña pobu, pa e coma ña nomi, e fala: ‘N jurmenta pa vida di SIÑOR’ — suma e nsinaba ña pobu pa e jurmenta pa Baal — asin e ta sedu firmantadu na metadi di ña pobu.

Jeremias 18:12

Ma e na fala: ‘Jitu ka ten! No na sigi no planus; kada kin na fasi konformi duresa di si korson mau.’ ”

Jeremias 18:15

Ma ña pobu diskisi di mi, e kema nsensu na idulus ku pui elis kai na se kamiñus; e pirdi ki kamiñus antigu, e yanda na kamiñus ku ka kumpudu.

Jeremias 2:25

Israel, ka bu yanda tok bu sapatu bin gasta, bu garganti bin seku. Ma bu fala: ‘Nau, jitu ka ten! N ama deusis di utru tera; N na bai se tras.’

Jeremias 22:21

N papia ku bo oca kusas na kuriu diritu, ma bu fala kuma bu ka na obi. Asin ki bu manera disna di bu juventudi; nunka bu ka para sintidu pa ña palabra.

Jeremias 31:21

“Pui sinalis na stradas pa marka kamiñu. Pui sintidu pa rapara kamiñu ku bu na yanda nel. O noiva Israel, riba; riba pa bu prasas.

Jeremias 42:3

Ora pa SIÑOR bu Deus pudi mostranu kamiñu ku no dibi di yanda, ku ke ku no dibi di fasi.”

Jeremias 44:16

“No ka na obi ki palabra ku bu kontanu na nomi di SIÑOR.

Jeremias 50:5

E na punta kamiñu pa Sion, e na pega kamiñu pa la, e na bin junta ku SIÑOR pa fasi un kontratu ku ka na kaba, ku nunka i ka na diskisidu.

Jeremias 7:23

ma N da elis e ordi, N fala: ‘Bo obi ña palabra; N ta sedu bo Deus, abos bo ta sedu ña pobu. Bo yanda na tudu kamiñu ku N manda bos, pa tudu pudi kuri bos diritu.’

Jeremias 7:24

Ma e ka obi ña palabra, nin e ka para sintidu; e yanda konformi vontadi di se korson duru i malvadu. E yanda pa tras; e ka bai pa dianti.

Jeremias 7:3

Asin ku SIÑOR ku ten tudu puder, Deus di Israel, fala: Bo ndirita bo manera di yanda ku kusas ku bo na fasi; asin N ta disa bos mora li.

Malakias 4:4

“Bo lembra di lei di ña servu Moisés, ki regras ku leis ku N dal na Monti Oreb pa tudu Israel.

Lukas 16:29

“Abraon falal: ‘E tene palabra di Moisés ku di anunsiaduris; pa e seta kila.’

Bon Noba di Jesus Kristu ku Jon 12:35

Jesus fala elis: “Lus inda sta ku bos pa puku tempu; bo yanda nkuantu bo tene lus, pa sukuru ka paña bos, pabia kin ku ta yanda na sukuru ka ta sibi pa nunde ki na bai nel.

Bon Noba di Jesus Kristu ku Jon 13:17

Si bo sibi e kusas, bo ta sortiadu si bo fasil.

Bon Noba di Jesus Kristu ku Jon 5:39

Bo ta studa Skritura ku atenson, pabia bo pensa kuma bo tene vida nel ku ka ta kaba, ma i el propi ku ta diklara di mi.

Atus 17:11

Esis e seduba mas abertu di ki kilis di Tesalónika, pabia e risibi palabra ku vontadi, e ta rabista Skritura kada dia pa jubi si e kusa ke na obi i bardadi.

Romanus 4:12

pa i pudi sedu tambi pape di kilis ku ka sedu son sirkunsidadu, ma tambi e na remenda fe ku no pape Abraon tenba antis di i sirkunsidadu.

Ripitison di Lei 32:7

Lembra di dias di antigu, pensa na jinti di tempu pasadu. Punta bu pape; i ta kontau. Punta bu garandis; e ta dau pasada.

Kolosensis 2:6

Manera ku bo risibi Kristu Jesus suma Siñor, asin ku bo ten ku yanda unidu ku el.

Ebreus 11:2

Suma ku jinti di antigu tenba fe, e ku manda Deus ngaba elis.

Ebreus 6:12

No ka misti pa bo bin sedu prigisosu, ma pa bo remenda kilis ku na risibi kil ku Deus purmiti, pabia di se fe ku pasensa.

Ŝefis 2:17

ma e ka ta obiba ki ŝefis; e ta seduba infiel pa SIÑOR, e bai tras di utru deusis, e mpina se dianti. E ta disvia dipresa di kamiñu ku se papes yandaba, ku ta obiba mandamentus di SIÑOR. Elis e ka ta yandaba asin.