Jeremias 6:10 - BIBLIA - traduson antigu in Krioulo

¹⁰ N ruspundi N puntal: “Ku kin ku N pudi papia pa N avisal? Kin ku na obin? Se orejas ntupi; e ka pudi obi. Palabra di SIÑOR i ofensa pa elis; e ka gosta del.

Jeremias 6:10 ပူးပေါင်းရင်းမြစ်များ

Salmus 1:2

ma i ta kontenti ku lei di SIÑOR, i ta pensa nel di dia ku di noti.

Salmus 119:16

N ta sinti sabi ku bu regras; N ka na diskisi di bu palabra.

Salmus 119:174

O SIÑOR, N faima pa bu salbason; bu lei i kusa sabi dimas pa mi.

Salmus 119:24

Bu nsinamentus i sabi pa mi; e sedu ña konsijaduris.

Salmus 119:35

Judan yanda na kamiñu di bu mandamentus, pabia N ta sinti sabi nel.

Salmus 119:70

Se korson torna duru; e ka ta sinti; ma ami, bu lei i sabi pa mi.

Salmus 119:77

Manda bu bondadi riba di mi, pa N pudi tene vida, pabia bu lei i sabi pa mi.

Salmus 40:8

Ña Deus, N kontenti pa fasi bu vontadi; bu lei sta dentru di ña korson.”

Saida 6:12

Moisés fala SIÑOR: “Si pobu di Israel ka na obin, kuma ku Faraó pudi obin, suma ku N ka ten jitu na papia?”

Isaias 42:20

Bu oja manga di kusa, ma nada bu ka pui na sintidu; bu oreja sta abertu, ma bu ka obi nada.”

Isaias 53:1

Kin ku fia na no rekadu? O kin ku SIÑOR mostra forsa di si mon?

Jeremias 35:13

kuma, SIÑOR ku ten tudu puder, Deus di Israel, fala: “Bai bu fala omis di Judá ku pobu di Jerusalen kuma SIÑOR na punta: ‘Bo ka na toma lison, bo obdisi ña palabra?

Jeremias 4:4

Bo purifika bo vida pa SIÑOR, bo tira impuresa di bo korson, abos omis di Judá ku moraduris di Jerusalen, pa ka ña raiba bin rebenta suma fugu ku na yardi sin ningin ku na pagal, pabia di mal ku bo fasi.”

Jeremias 5:21

Abos, pobu tulu ku ka ten ntindimentu, ku tene uju ma bo ka na oja, ku tene oreja ma bo ka ta obi, bo sukuta e kusa.”

Jeremias 7:13

Ami, SIÑOR, N fala kuma, nkuantu bo na fasi tudu e kusas, ami N papia ku bos, N kumsa desdi parmaña; bo ka obi. N coma bos; bo ka kudin.

Jeremias 7:26

ma bo ka obi ña palabra, nin bo ka para sintidu. Bo ndurusi bo korson, bo fasi pior di ki bo papes.

Jeremias 9:26

ku sedu Ejitu, Judá, Edon, fijus di Amon ku Moab, ku tudu kilis ku ta korta partis di se kabelu, ku ta mora na lala, pabia tudu e nasons, ku Israel tambi, e ka sirkunsidadu na bardadi, pabia e ka tira impuresa di korson.”

Ezekiel 3:7

ma pobu di Israel ka na misti obiu, pabia e ka misti obin. Elis tudu e tene kabesa risu ku korson duru.

Ezekiel 33:3

si kila oja kuma inimigu na bin pa ki tera, i ta toka korneta pa avisa jinti.

Ezekiel 33:9

Si bu papia ku ki omi mau, bu avisal pa i konverti, i disa si mau kamiñu, si i ka konverti, i na muri na si pekadu, ma abo, bu libra bu kabesa.

Amos 7:10

Amazias, saserdoti di Betel, i manda fala Jeroboan, rei di Israel: “Amos na fasi planus kontra bo na metadi di Israel; tera ka na pudi nguenta tudu si palabras.

Mateus 3:7

Jon bin oja manga di jinti di partidus di fariseus ku saduseus na binba pa kau nunde ki na batisa. I fala elis: “Jorson di kobras, kin ku nsina bos kuri di kastigu ku na bin?

Lukas 11:45

Un di duturis di lei ruspundi i falal: “Mestre, ora ku bu na fala asin, bu na ofindinu tambi.”

Lukas 20:19

Ŝefis di saserdoti ku pursoris di lei e na buskaba manera di prindil na ki ora, pabia e ntindi kuma komparason ki da i kontra elis, ma e tenba medu di pobu.

Bon Noba di Jesus Kristu ku Jon 7:7

Jinti di mundu ka pudi nfastia bos, ma ami e ta nfastian, pabia N ta konta elis sempri kuma e ta fasi mal.

Bon Noba di Jesus Kristu ku Jon 9:40

Utru fariseus ku staba juntu ku Jesus e obi, e puntal: “Nta anos tambi no segu?”

Atus 7:51

“Abos i omis ku risu garganti, korson risu tambi, ku oreja ku ka ta obi! Abos sempri bo ta luta kontra Spiritu Santu; suma ku bo papes fasi, asin tambi ku bo sedu.

Atus 7:60

Dipus i kai ku juju, i grita ku vos forti: “Siñor, ka bu guarda e pekadu kontra elis.” Oca ki fala asin, i diskansa.

Romanus 7:22

Dentru di mi N gosta di lei di Deus,

Ripitison di Lei 29:4

ma te gosi SIÑOR ka da bos inda menti di ntindi, nin uju ku ta rapara, nin oreja ku ta obi.

Kolosensis 1:28

No ta konta Bon Noba di Kristu pa tudu jinti. Ku tudu jiresa no ta avisa tudu jinti, no nsina elis, pa no pudi pursenta kada un suma algin maduru na si ligason ku Kristu.

2 Timótiu 4:3

Tempu na bin ke ka na seta bon nsinamentu, ma e na sigi se vontadi propi; e na junta manga di pursor ku na konta elis kusas ku se oreja na kosa elis pa obi.

Ebreus 11:7

I fe ku pui Noe, oca Deus avisal di kusas ki ka oja inda, i seta, i kumpu barku pa salba si familia. Pabia di kila, mundu kondenadu, ma Deus oca Noe justu pabia di si fe.